_في منزل ساره...
نور: أنتوا مش هتروحوا الشغل ولا إيه؟
إكرام ونرمين في نفس الوقت
'إحنا دوام ليلي إنهارده'
نور: طب يلا تعالوا حطوا معايا الفطار، صعبانه عليا ساره كنت عايزاها تاكل أي حاجه قبل ما تنزل
إكرام: هي هتاكل أي حاجه في الشركه متقلقيش انتِ
ثم ذهبوا ليضعوا طعام الإفطار
نور: يلا اقعدوا
ليقاطعم رنين الجرس
نور: روحي يا كرمله شوفي مين؟
لتذهب إكرام وتفتخ الباب لتفاجئ بهذا الشخص
إكرام: ايوه، حضرتك عايز مين؟
نور: مين يا كراميل؟
إكرام: معرفش يا ماما
نور هي ونرمين تذهبان لتريا من هذا الشخص، ليصدما جميعهم
نور: حمد الله علي سلامتك يا بني، اتفضل
إكرام: يتفضل فين؟ مين ده؟
نور: يدخل وهنتكلم
إكرام: مين ده؟
نور: أخوكي يا إكرام، يحيي أخوكي
لـتفاجئ أكثر، ليدخلوا جميعًا ويجلسوا
نور: هاتيلهم حاجه يشربوها
_في الشركه ...
تصل ساره متأخره ١٠ دقائق لتذهب لمكتب آسر
تفتح الباب وتدخل دون الطرق عليه ليفاجئ آسر بها
آسر: طور داخل، مفيش إحم ولا دستور، كحي، قولي سلاموا عليكوا حتي إيه،زريبة هيا
ساره تقف وتسمع له دون أن تتكلم
ساره: الإجتماع امتي؟
آسر وهو يخرج زفيراً فلن يفلح معها شيئ
آسر: باقي ساعه
ساره: أروح أكل بقي بعدين نبقي نتكلم
لتتركه وتذهب ليوقفها وهي علي الباب
آسر: وهو أنا سمحتلك تمشي؟!
ساره: اجيبلك حاجه تاكلها وأنا جايه؟
آسر: كوبايه قهوه، ومش عايز تأخير
ساره: نانانانا
آسر: رفدك هيبقي قريب علي فكره
ساره وهي تشوح وهي ذاهبه
ساره: ياعم روح
_في منزل آسر الصياد ...
رؤي: ياداده رحمه ياداده ياداده انتِ فين؟
لتأتيها رحمه مجيبةً علي الفور
رحمه: أيوه يا بنتي
رؤي: هو آسر فين يا داده قعدت أستناه علي الفطار ومجاش؟!
رحمه: هو جه إمبارح الساعه ١ كده خاد كام ملف من المكتب اللي هنا ومشي ومجاش تاني
رؤي: تمام يا داده بحسبك عارفه
رحمه: كلميه وشوفيه فين؟
رؤي: مهو مش بيرد
رحمه: كلميه تاني يمكن مشغول
رؤى: حاضر هكلمه واقولك لو رد
رحمه: تمام، عن إذنك
رؤي: إذنك معاكي يا داده
_عوده إلي الشركه ....
ساره في الكافيتريا تُعِدُ القهوه لتتلقي مكالمه من صديقتها
ساره: سلاموا عليكوا خير؟
روان: لأ مهو خير، انتِ فين؟
ساره: انتِ اللي فين؟
روان: أنا في البيت
ساره: مروحتيش الجامعه ليه؟
روان: مكسله
ساره: يا بارده، طب بما إنك لسه في البيت هاتيلي غدا من عندك وانتِ جايه الشركه
روان: ماشي، بس خلصي الجامعه وتعالي هتلاقيني مستنياكي هناك
ساره: لأ منا هناك، ماشي هستناكِ
روان: انتِ هناك دلوقتي، بتعملي إيه؟
ساره قصت عليها ماحدث منذ البارحه حتي الأن
روان: خلاص هحضر الأكل واجيلك، بقولك الإجتماع هيخلص إمتي؟
ساره:معرفش
روان: هستغرب أصلاً لو عرفتي حاجه، سلام
ساره: في ستين داهيه
لتغلق الهاتف وتأخذ القهوه وتذهب إلي المكتب دون طرق الباب كالعاده لتجده جالس مع آدم لتعطيه القهوه
ساره: اتفضل، آدومي ازيك كده متسألش عليا كده، يرضيك اللي بيعمله فيا ده؟، لسه متعينتش ودوامي بيبدأ الساعه تلاته ومشحطتني من الساعه ٩ كده، ينفع؟
آدم وهو يضحك
آدم: لأ، مينفعش خليه يعليلك الراتب بقي
ساره: شوف شوف الناس اللي بتفهمك
آسر وهو يشير إلي الخارج
آسر: بره
ساره: عايزني أطلع بره؟
آسر: برره
ساره: طب هات قهوتي بقي كده، قوم جيب لنفسك، آدومي اجيبلك قهوه، شاي، لاتيه، فاتيه، باتيه، أي حاجه من المطعم اللي بره ده؟!
آدم: لأ شكراً، أنا عامل دايت عشان أخس أصل حاسس إني عندي كرش
ساره وهي تضحك فهذه مقولة صديقتها
ساره: هيا عدتك ولا إيه؟
آدم: دي قرفاني، المشكله تقولي عامله دايت وألاقيها معاها لوح شوكلاته قد الصاروخ عماله تاكله
ساره وهي تغادر
ساره: هي دي روان، ساموا عليكوا، قوم جيب لنفسك قهوه بقي عشان مش هجيبلك حاجه
آسر وهو يصرخ بها
آسر: بررره يا ساره الكلب، برره
لتخرج بسرعه، ليلتفت إلي آدم
آدم: دمها خفيف علي فكره،وعسوله
آسر: عسوله؟! كنت تعالي شوفها الساعه عشره كنت هتنتحر من علي كوبري أكتوبر
آدم: ليه؟
ليقص عليه ماحدث بالتفصيل وكلما يحكي شيئ يضحك عليه
آسر: كان شكلها مسخره بجد، مش قادر اقولك
آدم: بصراحه مش قادر أتخيل المنظر ده، طب أنا ماشي بقي، سلام
آسر: رايح فين يا خويا؟ انتَ مش هتحضر الإجتماع برضه
آدم: ربنا يسهل
آسر: داهيه تاخدك، معنديش كلمه غير دي
آدم: تُشْكَر يا رجوله
وأثناء قيامه بفتح الباب يفاجئ بفتحه من الخارج ليصطدم به وبوجهه
آدم: اه اه، وشي اه
ساره: هيئ، طب وانتَ إيه اللي موقفك ورا الباب
آدم: وهو أنا كنت واقف، أنا كنت بفتحه لسه
ساره: تستاهل
آدم وهو ينظر لها شذرًا
آدم: أستاهل، طب اوعي كده
ليقوم بدفعها والخروج
آسر: نعمين، افندم، خير المرادي؟، وبعدين في باب، الباب ده بتخبطي عليه قبل ماتخشي، فكرت أقولك يمكن متكونيش عارفه ولا حاجه
ساره: نينيني، بارد
آسر: افندم
ساره: في وحده بره إسمها فاتيكان باين، بتقول إن ليها معاد معاك أدخلها؟
آسر:اه دخليها، وبصي واحفظي جدول المواعيد
ساره: والله الحكايه دي مليش فيها، أما نبقي نتفق علي الشغل أبقي أستلم جدول الحصص بتاعك ده
آسر: غوري يا ساره غوري
ساره: كنت غايره من قبل ما تقول
آسر: ولا كأني عيل بلعب معاها في الشارع
__________________
تشاااو...
أسفه علي التأخير بس إن شاء الله هنتظم في التنزل وهحاول انزلها يوم ويوم..
وشكرا لكل اللي بيدعموني، بصراحه مكنتش هكملها لأني ملقتش عليها قبول وحسيتها بدأت ترخم..
فقولولي انتم ...
أسفة التأخير
سُـو...🌸
أنت تقرأ
"والقلبُ وما حوىٰ ."
Romanceلِمَ رَحْلَّتَ وَتَرَكْتَنِي؟ لِمَ خَالَفْتَ وَعْدَكْ وَهَجَرَّتَنِي؟، ألَمْ تَقُلْ اَنَّكْ لَنْ تُذِيقَنِي عَذَابَ (الْفُرَاقِ )!، وَلَكِنْكَ خَالَفْتَ هَذا الَوَعَّدَ، لَكِنْ انَا لَنْ اَنْتَظِرُكَ، لَنْ اَبْقَى اَحْلُّمُ بِعَوْدَتِكْ، لَنْ اَذْرُ...
