Taste & Scent | Vkook

⚛FIVE⚛

°°•⚛•°°

Office chu nidang anglo takin areh ruih a. Taehyung chuan a office atangchuan Seoul khawpui zau tak chu athlir a. Thil tam tak chu thlak  danglam ahun tawh tih ahria. Mahse kawngkhat chiah ngaihtuah a thuthlukna siam theih anihloh zia ahrechiang ber tu pawh amah bawk anisi.

Entirnan ani tel in vampire te chuan nisa laka an tawrh theihna apan tial² tih alang telh² a. Chumi chu bawhzui vat anihloh chuan an hriselna in ala tuar vat dawn tih pawh ahrebawk ani. Chemte leh silai hmanga thi theilo, thi thei tawhlo hiala inngai vampire te chuan zum leh hriam tel miahloh na ni éng chu an tan ala hlauhawm zel dawn tih hria erawh an tlem si.

Mahse mipui tamtak te hi finna hlimthla phena mi â vek kanni tih chiang taka ahriat avangin thuthlukna siam turin ahun diktak chu ala nghak  mai rih zawk ani.

Abanrek a sana manto tih hriat taka éngtle vat chu ahan en a. Tlai 3:20 chu alo ri va tawha. Chu chuan in ah nghak reng tu anei tih chu ahriatchhuah tir zawka. Vawiin zet chu hnathawk mood a achen ngang loh avang pawh chuan office chu a hne ta riau bawka. Chuvangin achhan leh avang chu engpawh nise, office chhuahsan thuai² chu achak a. Chair a a coat ban chu a la thla a, pawnlam pan chuan achhuak ta a.

Office pawn achhuah hnu chuan a secretary, hmeichhe smart leh lu zo veh vawh,  engkim mai dik leh anihdantur ang chiah² a enkawl thlap² thin mi, Alpha Corporation neitu leh hotupa ber Kim Taehyung pawhin lungawi taka arin ngam mi anih hial avanga mi mai² anilo tih hriat reng chuan a boss chu kawngkhar bulah chuan alo chhawn a. Tun ang huna a boss in office  chhuahsan atum tih ahriat chuan mak ati hle a.

"Chibai le boss, mahse haw mai i tum tawh em ni" Hwasa chuan a aw fiah thiang kak tak chuan ahan ti a. A boss chu alo bu nghut a. Diktak chuan Hwasa chu hna leh mimal nun thliar hrang thiam tak mi nimahse tun ang huna apu chhuak ahmuh chuan mak ati hle a, thil diklo a awm ang tih ahlauh vang chuan adik ber em tih pawh ngaihtuah chiang mang lo chuan ahan zawt ta phawng chu ani a.

A boss chuan a mit thutak pai mit meng fiah ruih chuan alo en let a.

"Aw ni e Hwasa. Lo hrilh lawk tur che kania, la hma viau mahse ka haw tawh phawt mai ange, appointment la awm zawng² khachu naktuk ami tur  ah ilo siamrem vek mai dawnnia. Anih phawt le" Taehyung chuan ati a. Elevator pan chuan akal ta a.

Darkar chanve dawn a inkhalh hnu chuan in chu a in khalh thleng ta a. A in liantak chu pawn lam atanga akalh avangin Jungkook chuan eng ti kawng mahin in gate sir ah alo hmuak dawnlo tih ahria a. Chuvangin in ah chuan alut ta a. Inchhung alut chiah chu kawngkalam chhung maiah chuan Jungkook chu alo ding ngawi vung a.

Taehyunga kekawr dum, office list ami chu alo ha a, a ke hmawr lamah chu vawi li alo thlep a. Chutah a kamis var chu lo ha leh in a kawng chhung lamah chuan a bilh lut trah a. Chupawh chu aban hmawr chu  vawithum alo thlep bawka, tichuan a bân ah chuan a inchen ta chiah² a. Alandan berah chuan mipa naupang in an pa te inchei kawr lo hak ruk sak hi a ang ber a. Taehyung chuan Jungkooka lo tet reuh zia chu a hrechiang ta chiah. A nui chhuak hak lo chauh ani.

Diktak chuan Jungkook chu a tè chhebik aw kawng lo. Kum 17 rual ah chuan a te pawl chu ani hauh biklo. Ni e, mi té ti a sawi tur chu anilo.

Aw, Jungkook chu ft 5'5 ani

Ni e, Taehyung pawh ft 6'2 ani.

"--kawr dang ka hak tawk ka hmu lova master" Zàm ru tak chungin Jungkook chuan ati a. Taehyung chuan a ke ler atanga a chhip thleng chuan alo la thlir reng a.

Jungkook chuan a naupan lai hun zawng², khang, kum tamtak chhung ti a sawi ve theih te zawng² kha tuna alandan avang chuan a ngaihtuah chhuak  ta vek a. Amah pawh chuan achhan ber ahrechuang lo. A master hma ah chuan naupang chhia ang maiin a inngai a.