💕أنت قلبي٢💕

الحلقة ٢٥

#انت_قلبي٢
#بوسي_مصطفى
______________

الحلقة ٢٥

في قسم الشرطة.
هشام واقف مع هنادي
هشام : ايوه أنا مش فاهم الست دي بتعمل كده ليه؟؟
هنادي :  يا دكتور هشام
حضرتك عارف اني عايشه في حالي مليش علاقة
ب أي حد
لاقيت الست دي جايه تتبلي عليه بالكلام دا.
اسر : طب اتفضلي اشربي دا
واقعدي استريحي.
كان اسر في ايده علبة عصير.
هنادي : متشكره اوي انا تعبتكوا معايا.
هشام : مفيش تعب ولا أي حاجه
انتي اختنا الصغيرة وأي حاجه تحتاجيها احنا
موجودين
وانا قولتلك الكلام دا قبل كده.
هنادي : أنا عارفه يا دكتور هشام
بس انا كلمت داليا بس علشان مكانش معايا رقم
الأستاذ مجدى
ومحبتش ازعجك أنا عارفه مشاغلك كتر خيرك.
هشام : تاني !!
طب اقعدي استريحي بقى.
قعدت هنادي عقبال م يخرج مجدى من مكتب الضابط.
هشام عمل كام تليفون لحد مسؤل في وزارة الداخليه
علشان يتابعوا الموضوع
وكذلك اسر اتصل ب حد يعرفه
يتابع الموضوع..
بعد شوية استدعوا هنادي جوه في مكتب الضابط
وصمم هشام يدخل معاها علشان تطمن لإنها
كانت خايفه.
وبعد الضغط على الراجل والست أصحاب البلاغ اللي
قدموا في هنادي.
اعترفوا إن محسن شقيق زوجها هو اللي اتفق معاهم
على الحوار دا.
طبعاً كانت صدمه بالنسبة لهنادي
طلب منها الضابط إنها متتنازلش ويستدعوا محسن
لكن فضلت قفل المحضر على كده.
بعد ما اخدت تعهد على الراجل والست إنهم ميأذوهاش.
وخرجت من مكتب الضابط.
مجدى : مدام هنادي أنا كان من رأيي إنك تصري على إن الشرطة تستدعي الشخص اللي اسمه محسن دا
وكان لازم يتواجه بيهم
وإن ثبت صحة كلامهم ياخد عقابه
لكن بالشكل دا أنتي استهونتي في حقك.
هشام : وأنا رأيي من رأى  الاستاذ مجدى برضو
ليه تتنازلي وانتي معاكي كل الحق إنك تحبسيهم
هنادي : أنا حقي هعرف اخده معلش أنا عارفه
إني دخلتكوا في مشاكلي ووجعت دماغكوا انا آسفه.
هشام : آسفه على ايه
احنا كان يهمنا إنك تاخدي حقك.
هنادي : يا دكتور هشام احنا فلاحين وحقنا مبناخدوش
في أقسام الشرطة
حقنا بناخده بطريقه تانية
وانا عارفه هاخده ازاي.
مجدى : اه خلاص فهمت.
هشام : فهمت ايه؟؟
مجدى : هقولك بعدين.
اسر : ايه الاخبار يا جماعه
عملتوا ايه جوه.
مجدى : كله تمام متقلقش
اتفضلي بقى اوصلك.
هنادي : لا معلش مش عايزة اتعب حضرتك كتر خيرك
على كده بقى.
نظر مجدى ل هشام.
هشام : متتعبش نفسك مش هتوافق.
خلاص يا أستاذة اتفضلي.
وقفوا معاها وقفوا ليها تاكسي
ركبت وكل واحد ركب عربيته ورجع شغله.
_____________

في التليفون 📞
أمل : يعني اسر قالك ايه
اصل بتصل ب هشام
كالعادة وصل الشركة من هنا وانشغل بقى في الدوامه
اللي مبتخلصش دي.
سهر : اسر مقاليش غير إنها خرجت من القسم بس
حتى بكلمها الهانم مشغوله وسايبانا قلقانين عليها.
امل : بكلمها برضو مشغوله.
سهر : وبعدين مين اللي هيطمنا؟؟
أمل : عليكي وعلى داليا كلميها
عقبال م اخلص الغدا
كويس إننا اطمنا إنها خرجت
اعرفي باقي التفاصيل من داليا.
سهر : انتي هتجهزي غدا ايه
امل ببتسامة : انتي جعانه؟؟
سهر : ما حطتش حاجه في بؤي من امبارح.
امل : ياااه ليه كده يا سهر؟؟
سهر : هقولك بعدين ولو إن الظروف عندك متسمحش
يعني
بس هفضفض لمين يا أمل غيرك.
أمل : وانا كلي اذان صاغيه
بس اخلص الغدا قبل الولاد
ما يرجعوا من المدرسة
بقولك تعالي اتغدى معايا
سهر ببتسامة : انا اقوم احضر الغدا أسهل.
أمل : كده طب بكره بقى لازم تيجي مفيش أعذار
... اوك.
سهر : حاضر يا حبيبتي سلميلي على نور هي عندك؟؟
أمل : لا نور خرجت الصبح.
سهر : رجعت بيتها؟؟
أمل بحزن : رجعت اه.
سهر بحزن : يا حبيبتي قلبي معاها.
امل : طب سلام وابقى طمنيني
على هنادي لما تعرفي من داليا ايه اللي حصل هناك.
سهر : شكلها هي كمان مش عارفه حاجه زينا
احنا الرجاله بتوعنا بيوصلوا الشغل من هنا بيفقدوا
الذاكرة وينسونا اصلا.
أمل : ضحكتيني يا سهر.
سهر : مع إن نادر لما اضحك حد
فكرتيني ب ياسمين
هي مختفيه فين اليومين دول.
أمل : كلميها واطمني عليها
انا مش فاضيه بقولك.
سهر : اه صح معلش نسيت سلام علشان تجهزي الغدا
هو انتي ليه بتعملي الأكل صحيح
امال رباب هتعمل ايه.
أمل : الولاد وحشهم الأكل من ايدي
وكمان عايزة اعمل ل هشام الأكل اللي بيحبه.
سهر : ايوه غيري الجو شويه
وخرجيه من اللي هو فيه
شطورة يا أمل
أمل : مش اوي كده
انا كمان محتاجه حد يخرجني من اللي أنا فيه.
سهر : معلش يا حبيبتي أزمة وتعدي وانتي قدها يا أمل.
أمل : ااااه
كله بيقولي إني قدها
بس ميعرفش اللي فيها.
سهر بحزن : حاسه بيكي يا امل وعارفه اللي انتي شيلاه
بس معلش استحملي.
امل : مفيش حل غير دا يا سهر
سهر : تمام.. سلام بقى
امل : مع السلامة.
____________