،
"البــارت الرابع والعشرون "
رواية غرامك يالخفوق ذبحني هآت حضنك يحتويني/بقلمي .
ظماي انت و من يعشق ظماه غيري؟
و جروحي انت و من يكره دواه غيري ..
اسقني لو ما ارتويت و داوني لو ماشكيت
ماهقيت اني اعطش في حياتي غيرك انت
ومادريت ان مابه اغلى منك الا انت..
يا ظماي.
* بدر بن عبد المحسنْ "
،
انصدمتْ من وجود ام مطلق عند اخوها
قالت : جهييييير ايا يالخثبيه
وش جايييبك هنا هاااه ؟!
ام مطلق ماهي اقل صدمه منها بل اكثر صدمه
ماتوقعتْ ان الأميرة نجد راح تجي .. بلعتْ ريقها بخوف
قامت من مكانها : نجججد !!
التفتت على اخوها : بننندر لا يكون قايله لك
شي تكلللم ؟!!
الأمير بندر شاف جواله قرأ الرِساله ابتسم بمكر
قال : هالحين تعرفين ..
الأميرة نجد بنفاذ صبر وعيونها على ام مطلق
قالت : بندر احسنْ لك قولي وش قالت لك
هالحيّه الرقطاء ..اكيد قايله لك شي عن عُمر ..
الأمير بندر ناظر بام مطلق ثم لأخته
قال : ليش وش فيه ولدك يا نجد ؟
الأميرة نجد ناظرتْ بالسلّة فيها فتات صور
توسعتْ عيونها ... ثم التفتْ لأم مطلق واقفه
راحتْ هجمتْ عليها : يالخبيييثه جايه تدمريين
حياة ولدي .. عقبْ ماعيّشك ووثق فيك
وأمن لك بيت وسياره هذا جزاته
أم مطلق بدفاع : انتِ السبب يا نجد ، مثل ما دمّرتي
حياة ولديحتى انا بدمّر حياة ولدكْ واعلمه
من تكون سارهـ !
الأميرة نجد بانفعال : حسبي الله علييك يالخبيثه
تبين تسببين لولدي اكتئاب حاد
مرّه ثانيه وينتحر ..!
ام مطلق : اييه بحرق قلبك عليييه مثل ماحرقتِ قلبي
على ولدي وقطعتوا عنه الدعم ..
الأميرة نجد بصراخ : والله حبيبتي انتِ اللي تاركته
بهالمستشفيات ولا فكرتِ حتى تزورينه طول هالسنين
غير يوم انقطع الدعم جيتي تهددين وين راحت
الفلوس اللي اعطاكِ اياها عُمر .. معقولة ماكفتك
ولا طمعانه فيه !
ام مطلقْ : مالك شغل باللي اعطاني
لكن انا جيتك بالطيب ورفضتِ ترجعين الدعم لولدي
قلتْ مالي الا ارد الصاع صاعين ..
وادمر ولدك بحقيقة سارهـ ..
الأميرة نجد انقهرت ، بالذات لو عرف ولدها ان
سارهـ بنت ناصر اللي تسبب بوفاتها
راح يضيع ولدها .. وممكن ينتحر ..!
شدتها من ياقتها قالت :حسبي الله عليك
وش دخلك بسارهـ خلاص ماتت وانتهت
ليييه تجيبين سيرتها مره ثانيه ..!
ام مطلق : القرار بيدك يا نجد اقفل فمي وترجعين الدعم
وتشترين سلامة ولدك
ولا افتح فمي وتنتهي حياة ولدك ..
الأميرة نجد انهارتْ ..راحتْ خنقتها بيدها
قالت : والله لا اذبح على يدي يالخاينه
موووتي مووووتي ..
ام مطلق تضحك بوجهها بكل برود : هههههههه اذبحيني
عادي مافرقت معي عندي كل الأدله تثبتْ
ان سارهـ بنتْ ناصر..
الأمير بندر بصراخ قام وهو يتألم : نجد وش قاعده
تسوييين اتركيييها ..
الأميرة نجد بغضب وحقد معمي
قالت : بذبحها هالحقيييره بتذبح ولددي يا بندر
وتبيني اسكتْ ..! لا والله مانيب ساكته
موووتها على يدي..
الأمير بندر اشر لاحد رجاله يفرق بينهم :بسسرعه
تحرك ..
بالقوة سحبوا يدين الاميرة نجد عن ام مطلق
اللي تلقط انفاسها بصعوبه
الأميرة نجد بعناد : اتركووني عليها خلوني اذبحها
هالحقيييره .. اتركككني
الأمير بندر : خليكم ماسكينها قلت ..
طنشوا كلامها وثبتوا الاميرة نجد
راح الامير بندر .. لعند ام مطلق وجلس بمستواها
يناظر باثار مخالب الاميرة نجد محفورة
برقبتها ، قال : تستاهلين اللي جاك من اختي ..
ثم بصق بوجهها ..
قال : صدق من قال اذا اكرمتْ اللئيم تمردا
ثم بصق بوجهها .. وقام
تفو عليييك يا خاينة العشرة والسنين
اللي بينك وبين ولد اختي
هذا جزاته عشان تدمرينه ههههههه
للاسف رحتِ للشخص الغلط ياجهير..
ام مطلق مسحت وجهها بطرف كمها
قالت بسخريه : ههههههههه
على اساس محبتك لولد اختك خفتْ عليه لا يصيبه
اكتئاب وانتْ اكبر عدو له ..واخترك
عشان تقول له ..
الأمير بندر: صحيح كلامك بيننا عداوه لكن ماتوصل
انّي ادمره بهالطريقه البشعه مثلك يا جهير
وهذا بالنهايه ولد اختي ..
ام مطلق : والله ماندري اذا اختك مخدوعه فيك
وتحسبك طيب ..ومادرت انك عقرب
الأميرة نجد : والله مالعقرب غيرك تنشرين سمومك
علينا عبالك بنصدقك يا جهير ...
ام مطلق : والله انتِ حرّه صدقتِ ولا ماصدقتِ
كلّه واحد بكل الحالتين مخدوعه ...
و عبالك بسكت والله ماراح اسكت
بس عمر يدري اكيد بتجيه جلطه لو يعرف
ان ناصر ابوها ... واختها شموخ
انفلعت الاميرة نجد : انا ذااابحتك اليوم ..
اشر لهم يمسكونها : هدي يا نجد
بنسمع كذبة مُسيلمه الكذاب ...
شغل التسجيل وحدد مقطع مدة الحمل الاول
//
ام مطلق : جاوبيني كم لك حامل ؟!
العنود : قربت اكمل شهر ..
ام مطلق : جعلك للبلاء اي والله ..
العنود : خلاص حملت وش اسوي عطيني رقمه
وبتفاهم معه نَاصر مب مثل ماتعرفين ..
//
ام مطلق : جاوبيني كم لك حامل ؟!
العنود : اكثر من شهرين...
//
الأمير بندر ناظر بام مطلق ثم باخته
قال : هاااه يا نجد وش سمعتِ ؟!
الأميرة نجد حطتْ يدها على فمها : شلوون
تغير التارييخ !!
ام مطلق بجحود : غلطت بالحسبه ..وطبيعي الانسان يغلط
وهالسالفه قديمه اكثر من ثلاثين سنه ...
ومافيه غيري يدري بهالسالفه وكل الادله عندي..
الأمير بندر رفع حاجبه باعجاب : واو كل الادله
حتى انا عندي دليل على كذبتك هذي
يا جهير ..
ام مطلق ضحكت بسخريه .. حاطه يدها على خصرها
قالت بثقه: ههههههههه
ماظنتي راح تلقى دليل ضد كلامي
كل شي يأكد ان سارهـ بنت نَاصر..
رن جواله راح اخذه من على الطاولة
قال : الوو .. جيت بوقتك خلوه يدخل
ثم قفل الجوال ورماه على الطاوله
تقدم لام مطلق
وهو يناظر فيها من فوق لتحت
قال بثقه : الظاهر تحسبيني مدمغ مثل اختي اصدقك
على طول بكم صورة تضحكين علي فيها
ونسيتي ان سعد ... راح يكون شاهد
على زورك ..
ام مطلق تغيرتْ ملامح وجهها الى صدمه
الجمها الاسم يوم سمعتْ طاري اسم سعد ..!
قالت بتوتر : سسعد ؟ .. ومن يكون هذا؟
الأمير بندر ابتسم بمكر : حيّ الله سعد ..
دخل سعد الغرفة.. كان مقعد والشيب كاسي ملامح
وجهه .. وواضح عليه التعب
والإرهاق .. رفع راسه عرفها
ماغيرها جهير .. مُستحيل ينساها
قال : انا سعد خال العنود مسرع تنسيني
ام مطلق التفتت له توسعتْ عيونها
مصدومه ، بلعت ريقها
قالت : بسم الله اانت حي شلووون ؟؟!!
