For Unicode
ရေစက်အိမ်တော်ကြီး၏မနက်စာစားပွဲတစ်ခု..
“ သားတော်... ဒီနေ့အပြင်သွားစရာရှိတယ်ဆို “
“ ဟုတ်မယ်မယ်... သားတော်.. မင်းသူရနဲ့တွေ့မလို့ပါ “
“ ဘာကိစ္စများရှိလို့လဲ သားတော် “
“ သားတော်.. ပွဲရုံတွေကိုဦးစီးတဲ့အခါ အလုပ်ကိုနည်းနည်းပိုတိုးချဲ့ချင်တာမို့ သူတို့နဲ့လုပ်ငန်းချင်းပူးပေါင်းချင်လို့ပါ.. နောက်ပြီးမွေးနေ့ပါတီလည်းရှိနေတော့ မသွားမဖြစ်လို့ပါမယ်မယ်.. “
“ အင်း.. ကောင်းတယ်သားတော်.. ကောင်းတယ် မင်းဖခည်းတော် တည်ထောင်ခဲ့တဲ့လုပ်ငန်းတွေကို မင်းလက်ထက်မှာ ပိုပြီးတိုးပွားလာတာကိုပဲ မယ်မယ်မြင်ချင်တယ်သားတော် “
“ ဟုတ်ကဲ့မယ်မယ်.. စိတ်ချပါ.. “
သခင်လေးက လုပ်ငန်းတွေကိုဦးစီတော့မှာလား..။ ဒါဆို.. ကျွန်တော်က သခင်လေးရဲ့အနားမှာ အချိန်ပြည့် ခစားခွင့်မရှိတော့ဘူးပေါ့နော်...။ ဟူး...ဝမ်းနည်းလိုက်တာ...။
“ ဒါနဲ့.. သားတော်ကို ပုံတူပန်းချီဆွဲဖို့ကိစ္စကို ပန်းချီဆရာခေါ်ပြီးပြီလား မယ်မယ်.. “
“ မယ်မယ်တို့အစဉ်အဆက် ပုံတူပန်းချီဆွဲတဲ့သူက ကွယ်လွန်သွားပြီတဲ့လေ.. အခုသူ့မှာသမီးတစ်ယောက်ရှိတယ်.. သူက.. သူအဖေလက်ရာမီတယ်ဆိုပဲ.. “
“ ဖြစ်ပါ့မလားအစ်မတော်...သူက မိန်းကလေး.. တူတော်က ယောက်ျားလေး.. ပန်းချီဆွဲတယ်ဆိုတာ တစ်နာရီနှစ်နာရီနဲ့ပြီးတဲ့အလုပ်မဟုတ်ဘူး.. ယောက်ျားလေးတစ်ယောက်နဲ့မိန်းကလေးတစ်ယောက်.. အချိန်အတော်ကြာကြီး မြင်တွေ့တဲ့အခါ မလိုလားအပ်တာတွေဖြစ်လာပါဦးမယ်.. “
“ အင်း.. ညီမတော်ပြောတာလည်း အဟုတ်သား.. မဖြစ်ဘူး မဖြစ်ဘူး.. ဒီမိန်းကလေးကိုခေါ်လို့မဖြစ်ဘူး.. တခြားပန်းချီဆရာကို စုံစမ်းဦးမှပါ... “
ထို့နောက်သခင်မကြီးသည် မနက်စာကိုသုံးဆောင်နေရင်း နန္ဒထံသို့အကြည့်ရောက်သွားသည်။
“ သြော်... အခုမှအမှတ်ရတယ်..။ မောင်သစ္စာပြောဖူးတယ်။ သူ့သားက ပန်းချီဆွဲတတ်တယ်တဲ့။ နန္ဒ..မင်းတကယ်ပဲ ပန်းချီဆွဲတတ်သလား.. “

VOUS LISEZ
Amiss Prayer (Zawgyi&Unicode) [Completed]
Roman d'amourFor Zawgyi အဆင့္အတန္းကြာဟမႈ႐ွိတဲ့လူသားႏွစ္ ဦး... ထိုလူသားႏွစ္ဦးၾကားျဖစ္တည္လာတဲ့ခ်စ္ျခင္းတစ္ခုဟာ ခိုင္ျမဲပါ့မလားး... ဘယ္ဘဝေရာက္ေရာက္ခ်စ္ေနပါ့မယ္ဆုိတဲ့ကတိစကားက တည္ျမဲပါ့မလားး.... ကုိယ္ကေပးဆပ္ခ်င္ရင္ေတာင္ ကိုယ့္အမွားေတြေၾကာင့္င့္...