ذهب مع الريح

البارت التاسع عشر

ذهب مع الريح

البارت التاسع عشر

للكاتبه يقين

سمر:- رجعنه من البستان فرحانين ومتونسين كعدنه اني وقمر وفطومه نسولف ع الروحه وكعدنه نضحك ونشاقه

رسميه:- يمه نامن من وقت باجر عدنه روحه لبيت خالجن سمير لان مسوين ثواب لامي

قمر:- الله الله الطلعه تجي لو مره بلسنه لو كلها تجي مره وحده كلها

سمر:- اي والله يختي اي نامن نامن ورانه كعده كافي

فطومه :- اطربن ع الطلعه انتن

سمر:- هههههه انجبي الصامته لتحجين انتي اخر من يتكلم

فطومه :- بس افتهم انتي شبيج وياي

سمر:-والله مو بيدي احب اضوجج هيج مي بارد ينزل ع كلبي من اشوفج ضايجه

فطومه :- عابتلج 😞

نمنه كعدنه الصبح بدلنه نروح لبيت خالو سمير

قمر:- دخلنه لبيت خالو سمير واني داامشي صار بوجهي ولد سلم ع امي وضل يباوع عليه اني نزلت راسي ودخلت

امير:- شخبارج خاله امورج

رسميه :- بعد كلبي يومه شلونك شخبارك الشغل شلونه

امير :-الحمد لله بخير ماشي مستقر باقي بس ندورلنه ع مره ونستقر

رسميه:- انشالله يومه الله يرزقك بنت الحلال الي تسعدك

امير :- شكرا خاله انشالله

قمر :- ضل طول ماااهو بيت خالو يباوعلي اني كعدت يم امي ونزلت راسي خفت من الموضوع

امير:- اني اليوم جانت عندي شغله وبطريقي كلت امر لبيت اقاربي اسلم عليهم ومن رحت عزموني ع الغده لان عدهم ثواب فبقيت وشفت هناك وحده من بنات رسميه اقاربي عجبتني حيل كلت اول ماارجع احاجي امي عليها تخطبها الي اول وتالي اني داادور ع مره فكلت ماالكه احسن من هاي العائله حسب ونسب وادب وهيه حلوه فكيفت وبقيت بس اباوع الها اعرفكم عن نفسي اني امير عمري اشتغل شرطي عايش ويه اهلي امي وابويه حارس مدرسه واخوي شرطي هم متزوج وعندي خمس خوات ثلاثه متزوجات واثنين بعدهن

قمر:- تغدينه وكملنه ورجعنه وره يومين دك تلفون امي

رسميه:- هذا رقم غريب مدري منو

قمر:- ردي وشوفي

رسميه :- الووو

ام امير:- السلام عليكم شلونج ام علاء

رسميه:- وعليكم السلام هلو عيوني منو وياي

ام امير :- وياج هند ام قاسم  اقاربج بنت....

رسميه:- ها ها عرفتج هلا بيج يكلبي شلونج شخبارج

ام امير:-الحمد لله بخير انتي شلونج الولد البنات