الجزء الثامن...
اليوم التاني كان يوم الجمعه صحتني منى بت عمي زي الساعه سبعه كده وطبعا انا ما من عوايدي اصحا بدري كده بعد عذاب قمت
منى.....بتبالغي يا اسيل عايني الساعه كم
قلت ليها هو انو زاتكم ماشين بدري كده ليه
منى....ماشين الجبل نحنا قومي لا حتنبسطي شديد
قلت ليها خلاص طيب قمت
منى...طيب يلا حطلع انا
منى طلعت وانا نزلت مشيت الحمام لبست بنطلون جينز ضيق وتشيرت نص كم ابيض ساده وطبعا انا اصلا ما بلبس طرحه
طلعت من الغرفه اتلاقيت مع مازن جمب الباب
مازن...قلبي صباح الخير
قلت ليهو صباح النور يا سكر شنو يعني قاشر كده دايرا تغرينا بي سماحتك
مازن...😂😂😂😂😂😂😂😂😂😂يا حيوانه خجلتيني
قلت ليهو تخجل شنو عامل زي عامود النور كده
مازن...احسن منك يا شبر ونص
اتعاورت معاهو شديد وبعدين نزلنا لقينا عمو حسين وبناتو نور ومريم ومرتو خالتو ليلي وخالتو مروة وبناتها كلهم قاعدين تحت
مشيت سلمت عليهم ومشيت حضنت خالتو هاجر وبستها لاني بحبها اكتر من اعمامي حتي وقعدت جمبها
منى...بابا قوم دايرا اتصور معاك
تيسير...واي بابا انا برضو حتصور معاك معناها
مريم...نور ارح نتصور مع بابا
انا كنت بعاين ليهم وبتذكر لمن كنت امسك بابا واصورو بالغصب اتمنيت يكون معاي واتصور معاهو تاني كنت بعاين لي البنات اي وحده في حضن ابوها الا انا القاعده براي تلقائيا دموعي نزلت انا ما بحسدهم بالعكس مبسوطه انهم لسا عايشين الاحساس ده والله💔💔💔
انا عشان ما زول يشوفني طوالي طلعت الجنينه بره
وبقيت قاعده
بعد شويه في عربيه ضربت بوري كم مره كده قمت مشيت علي اتجاه الباب لقيتو مؤيد
طلعت ليهو بره
عاين لي نظره كده وطلع من العربيه قالي بتبكي كنتي؟؟
قلت ليهو انا؟؟لالا ما ببكي ولا شي وقشيت وشي
مؤيد طيب تعالي ساعديني انزل الاكياس د وبعدين نتفاهم
ساعدتو لمن دخلنا الاكياس
بعدين قالي تعالي جيبي يدك نمرق بره
(مؤيد ومازن كانو بعاملوني علي اساس اني شافه او طفله في نظرهم خصوصا مؤيد لانه كبيررر يعني عمرو بكون ٢٨ سنه اما مازن ياداب ماشي رابعه جامعه)
مرقت معاهو بره وبقينا قاعدين قالي اها؟؟
قلت ليهو مالك؟؟
مؤيد...كنتي بتبكي ليه
قلت ليهو مؤيد والله ماف شي
مؤيد....اسيل انا ما زول غريب
قلت ليهو بس انه وقعدت ابكي اكتر
طبعا مؤيد اتخلع جا قعد في ركبو قدامي وبقا بجر يديني من وشي وبقول لي مالك يا بت وريني الضايقك منو طيب وريني
قلت ليهو وانا بتمتم ماف زول ضايقني بس انا اشتقت لي بابا يا مؤيد نفسي اكون جمبو زي ما البنات كلهم مع ابهاتهم وبتصورو معاهم وبتونسو معاهم
مؤيد طوالي حضني وقالي الموت حق علينا كلنا وانا هنا ومازن صحبك كمان كلنا معاك وبعدين انا ما عندي مانع اكون ابوك
قلت ليهو والله حيرتوني مره انت ابوي ومره مازن
مؤيد...مازن شافع لكن انا لو عرست قبل سنه كان جبت بت قدرك
قعدت اضحك
مؤيد... اي ياخ ما تبكي يلا قشي دموعك دي عشان بعد كده مارقين نحن
قلت ليهو دايرا اركب معاك انا ما تركبوني مع البنات ديل ما بحبهم
مؤيد....صريحه شديد😂😂😂😂😂😂
خلاص معاي طوالي عشان نتونس سوا زاتو
قلت ليهو اي فالح
بعد ربع ساعه الناس طلعت واتقسمنا علي العربات
عربيه عمو يوسف فيها خالتو هاجر وخالتو مروة وعمو عثمان
عربيه عمو حسين فيها خالتو ليلي ومنى بت عمو يوسف
محمد ومازن براهم بي عربيه
عربيه مؤيد انا وتيسير ومريم ونور
طبعا نور لمن جات تركب قدام مؤيد قاليها لا اسيل حتركب هنا انا كنت وراها لمن اتحرجت ليها صراحه لكن تستاهل اصلي ما بحبها الخسيسه😂😂😂😂😂😂😂
ركبنا وبقينا نتونس وطبعا انا ومؤيد ما خلينا موضوع ما فتحناهو بعد شويه قامت تالا دقت لي فيديو كول
رديت عليها
تالا....وين انتي
قلت ليها ماشين رحله والله ياخ
تالا....اها كلام لكن خلاص برجع ليك بالليل
قلت ليها لا خليك ياخ اصلا زهجانه
مؤيد... وانا لي ساعه بونسك يا رمه
تالا...د منو
قلت ليها دي اعلانات ما تشتغلي بيها المهم كيفك
تالا....تمام والله بس فاقداك مبالغه ياخ والنتيجه حقتنا الاسبوع الجاي
قلت ليها....الو الو ما سامعاك الشبكه
قعدت تضحك ومؤيد قعد يضحكككككك
عاينت ليهو قلت ليهو ركز في سواقتك انت
تالا....الورى ديل منو
قلت ليها ااا صحي واتلفت ورى قلت ليهم قايز دي ماي بيستفريند تالا سلمو عليها واتونسو حبه كده
قلت ليها وبرضو دايرا اعرف علي احلا واحد فالسودان
تالا...اها؟؟😂😂😂😂
قلت ليها ده مؤيد السكر
وختيت التلفون قدامنا وقعد يتونس معاها وطبعا تالا ونستها حلوه شددددييييييييدددد ما بتخلي الزول يزهج
بعد ما قفلت منها كان فضل شي بسيط ونوصل المكان
****************************
وصلنا المكان وكان بحر كده وخيام وجمال ومدري شنو
كان في خيمه اتلمينا فيها كلناااااا كانت كبيره شديد وبقينا نتونس ونضحك اول مره احس بالجو الاسري الكنت فاقداهو شديد بس للاسف اكتر زول بحبو ما كان موجود
مؤيد....يلا يا جماعه دايرين نبدا نلعب صراحه وجراءه وماف تراجع حتى انتو الكبار حتلعبو بعد جوطه واعتراضات قعدنا وبدينا نلعب
اول شي جات علي محمد وتيسير ومفروض تيسير تسال
تيسير...اها يا محمد صراحه صح؟
محمد...ايييي
تيسير...طيب ورينا مواصفات عروستك المستقبليه شنو
محمد...والله يعني تكون بتشبه اسيل كده
طبعا من يومي بكرهو وبشمو ابتسمت كده وسكت
وقعدنا نلعب كده لمن جات علي انا ومنى ومفروض منى تسال
منى...صراحه؟
قلت ليها طبعا
منى....صراحه يعني انتي اصلا جديده وكده البتحبيهو او الحبيتيهو اكتر منو بابا ولا عمو حسين
كلهم بقو بقولو شتتتتتتتتتتتتتتتتتتتتتتتتت؟؟؟؟؟؟؟؟؟ يا منى جبتيها حاره
قلت ليها صراحه بدون زعل عمو يوسف
مازن ومنى بقو بصفقو وانا بضحك عمو يوسف قالي قومي ادي عمك حضن حضنتو وقعدت اضحك
عمو حسين...كويس يا اسيل
قلت ليهو لااااااا انت برضو بحبك والله ما تزعل لا ببكي والله
قعد يضحك قالي ازعل من بتي معقوله مشيت حضنتو هو زاتو
وجيت قعدت
مؤيد....داير اسال اسيل سؤال بالجد لكن
قلت ليهو لا ما دايرا تاني
مؤيد...اخر واحد بس
قلت ليهو اها
مؤيد...الاقرب ليك من اولاد عمك بنات واولاد
قلت ليهو اولاد انت ومازن بنات منى
منى طبعا مجنونه قعدت تصرخ زي الهبله ونور ومريم يلو في خشومهم
مؤيد...لا اختاري ولد واحد
قلت ليهو مستحححيل اقدر
لانه مازن ده اول زول اديهو ثقتي اكتر زول بساعدني وما بخليني ازعل
وانت يا مؤيد لمن اشوفك بكون ما خايفه ومطمنه بحسك زي الحيطه الانا حستند عليها
يعني انت عيني اليمين ومازن عيني الشمال
مازن...هوي انا داير اكون العين اليمين
كلنا قعدنا نضحكككك
الرجال مشو يضبحو وكده
وانا زهجت قمت طلعت من الخيمه قلت اتمشى بره
وانا ماشيه محمد قالي علي وين
قلت ليهو ماشيه اتمشي زهجت
محمد...الاتجاه ده كعب امشي بي هنا
طبعا انا طوالي سمعت كلامو ومشيت بالاتجاه الهو اشر لي فيهو
ومركبه سماعاتي ومستكينه وماشيه ومستغربه لي المكان ما فيهو ولا قرد بالرغم من انه الحته النحن فيها والاتجاه الكنت حمشي فيه كان مليان ناس
ما اشتغلت فالموضوع كتير وكملت مشي عادي لمن انتبهت انه خلاص مفروض ارجع اتلفت وراي من حيث لا اعلم لقيت محمد ود عمي واقف طلعت سماعتي وقلت ليهو مالك؟؟؟
محمد...جاي اتكلم مع بت عمي فيها شي؟
قلت ليهو اتفضل اتكلم؟؟
محمد...انتي من جيتي انا ما بعرفك ولا بتعرفيني مالك معاي وبقا بدور حواليني وبعاين لي في جسمي
قلت ليهو محمد فشنو مالك انا ما عندي معاك شي لكن اسلوبك ما بعجبني عشان كده افضل ما نتكلم مع بعض ومشيت
جراني من يدي وقالي ممكن ما نتكلم لكن نعمل حاجات تانيه؟؟
وبقا بقرب مني وماسكني من يدي وانا بقول ليهو بي صوت عالي فك مني وزح يدك يا حيوان
فجاءه لوا لي يدي وبقا ملصق فيني من ورا وطبعا حجمي بالنسبه لي حجم محمد صغير مستحيل اقدر اقاومو بقيت بقول ليهو يا حيوان انا اسيل بت عمك اختك انا انت بتعمل شنو
وهو كان بهبش لي في جسمي بي طريقه مقرفه ومكتفني من ورى وانا بصرخ وببكي بس فجاءه شفت واحد من بعيد بقيت بصرخ اكتتترررر في النهايه اتلفت وعاين وجا جاري علينا
محمد لمن شافو فكني وانا كنت داخله في حاله لا يعلم بها الا الله
الولد طوالي جا علي محمد وضربو بنيه في وشو وبقا ماسكو قوي عشان ما يجري
وبقول ليهو في الفاظ كعبه شديد
بعد شويه جا ولد تاني شكلو صاحب الولد الساعدني ده وبقو ماسكين محمد وبسالوني المكان وين
وصفت ليهم ومحمد ده بتصارع معاهم لكن هم ماسكين فيهو شديد
وانا حيلي ما شايلني وببكي شدديييييد
وانا اصلا التعب الكتير ما بنفع معاي ممكن اهبط او ادوخ او كده لانه صحتي ما مساعداني
لمن وصلنا المكان اعمامي شافو الولدين ماسكين محمد طوالي قامو ومؤيد ومازن والبنات كلهم
انا اول ما وصلت جريت علي مؤيد وبقيت ماسكه فيهو شديد وببكي وهو بقول لي فشنو مالك
لكن انا كنت ماسكه فيهو شددديييييددد شددددييييدد وكل ما يحاول يزحني امسك فيهو اكتر
الولد الساعدني....السلام عليكم يا جماعه والله الولد ده شفناهو ماسك بتكم دي وبحاول يتعدى عليها وهي بتصرخ ولحسن الحظ نحن جينا
خالتو ليلي...ولدي انا يعمل كده مالو عديم تربيه ولا شنو
عمو حسين وقف وبقا بقول للولد متاكد انت؟ومشا علي محمد قاليهو عملت كده في بت عمك لكن محمد كان مدنقر راسو وما برد عمو بعد مسافه بقا خاتي يدينو في راسو وبقول لا اله الا الله و طوالي جا وقف قدام محمد واداهو كف وقاليهو ولا ثانيه ما تقعد امشي من قدام وشي
خالتو ليلي...يا راجل جنيت تضرب الولد بي شنبو عشان بت اخوك هي زاتها لبسها وحركاتها يخلي اي زول يسوي كده
مؤيد فكاني منو ومشا لي محمد قاليهو انا حذرتك صح؟؟
قلت ليك دي اختنا؟؟
عملت كده ليه؟؟
ويا امي ولدك القلتي متربي اصلا من شاف اسيل كان عندو هدف في راسو داير يحققو لكن اقسم بجلال الله وسلطانه يا محمد اسيل دي تاني تديها السلام بس انا ما ارحمك
خالتو ليلي.... هوي يا ولد بتهدد اخوك عشان البت الما عندها اهل ولا تربيه د
انا طوالي قلت ليها ما عندي اهل طيب لكن تربيتي احسن من تربية ولدك انا علي الاقل عندي اخلاق وبخاف ربنا وكنت بصرخ شديد وانا بقول الكلام كملت كلامي وقلت ليها ولدك كان بهبشني في جسمي اي يا اعمامي ويا مؤيد ويا مازن كان بهبشني بي طريقه مقرفه زي اخلاقو كان بتحسسني كاني بت من الشارع ما كاني اختو اعمامي كل زول ماسك راسو ومازن واقف وبقول لا اله الا الله
انا اسيل بت ايهاب يا عمو يوسف اسيل الابوي ختاني امانه عندكم وقبل ما اتم كلامي وقعت في الارض
طبعا محمد ده مازن دقاهو دق ومؤيد ما خلا فيهو شي وطبعا انا ده كلو ما حاضراهو
لمن فتحت عيوني لقيت نفسي في رجلين خالتو هاجر
قمت وانا مخلوعه شديد والحصل قدامي لسا في راسي ما كنت قادره اتجاوز الموقف نهائي
خالتو هاجر.... حبيبتي مالك
قلت ليها مؤيد وين ناديهو لي وانا برجف
(حتى لو اعمامي او خالتو هاجر او اي زول ما كان في زول بديني الامان غير مؤيد)
منى بت عمي طوالي مشت نادت مؤيد وجات سريع
مؤيد جا قعد جمبي قالي مالك فشنو
مسكت فيهو قلت ليهو دايرا ارجع البيت عليك الله يا مؤيد رجعني وبقيت ببكي
مؤيد...حاضر يلا تعالي قومي
عمو يوسف جاني وهو مدنقر راسو وبقول لي انا اسف يا بتي بس انا في اللحظه دي ما كنت شايفه زول وما دايرا اتكلم مع زول نهائي
حتى اني ما رديت ليهو
مؤيد ساقني وركبنا العربيه واتحركنا انا طول الطريق كنت ببكي لمن نمت في كتف مؤيد وهو كان كل ما يعاين لي يزعل زياده
لمن وصلنا البيت دخلت الغرفه غيرت هدومي واستحميت وطلعت الصاله لقيت مؤيد قاعد وخاتي يدينو في راسو
قلت ليهو مؤيد مالك
مؤيد...اسيل انتي بتعتبريني مصدر الامان حقك لكن انا ما قدرت احميك من اخوي للاسف انا اسف يا اسيل
قلت ليهو مؤيد لا ما تعتذر ده ما ذنبك وان شاءالله انا ححاول اني اتخطا الموضوع
بس انت خليك معانا هنا طيب
مؤيد...اي قاعد متخافي
انا دخلت غرفتي ورقدت في سريري
ده للاسف كان اول يوم اكره فيه فكرة اني بت
اول يوم احس فيه اني ضعيفه
صورة محمد وهو مكتفني وبتحسس جسمي وانا بصرخ وببكي ما كانت بتفارق بالي كنت خايفه من اي شي خايفه ومرعوبه بالرغم من انه ماف زول اصلا جمبي او معاي
فتحت تلفوني وفتحت صورة بابا
بابا شفت حصل شنو الليله؟؟
بابا انا بدونك ولا شي
حتى اعمامي ما قدرو يحموني
بابا دي اول مره زول يلمسني غصبا عني كنت بصرخ وببكي يا بابا لكن ماف زول كان سامعني
اشتقت ليك يا بابا انا ارجع لي والله العيشه بدونك ما بتسوى شي
ارجع لي ونمشي امريكا نعيش انا وانت
فجاءه عاينت بي اتجاه الباب لقيت عمو يوسف وخالتو هاجر واقفين ختيت التلفون ومشيت عليهم بالرغم من اني ما بحب اوري زول ضعفي لكن اليوم ده كنت محتاجه زول يحضني ويربت علي كتفي كنت تعبانه شديد
مشيت عليهم واصلا عمو يوسف كانت عيونو مليانه دموع بقا حاضني وبقول لي اعفي لي يا بتي اعفي لي
خالتو هاجر... خلاص حبيبتي ما تبكي يوسف امشي انا حنوم معاها
فعلا عمو طلع وانا فضلت طول الليل نايمه في كرعين خالتو هاجر وهي بتقرا لي قران
#الوحوش العائليه
للاسف مجتمعنا العربي فبهو او مليان وحوش عائليه
الوحوش الشهوانيه البتعاين للبت نظره شهوة فقط.
زي محمد ده بالرغم من انه اسيل بت عمو لكن حاول يعتدي عليها ولو ما جا زول كان عمل فيها اكتر من كده
الخطر علينا كبنات ما بس من بره البيت لا اعمامنا واولادهم وخيلانا ديل كلهم بمثابت الخطر علينا
اي هسا حتجي وحده تقول عمي مستتتحححيييل يعمل كده انتي عمك مستحيل لكن غيرك عمها بعاين ليها نظره مقرفه ما تستغربو من كلامي ده لكن الشي ده للاسف حاصل
وما تتوقعي يلومو الولد علي شي زي ده لا حيلوموك انتي ويجيبو اعذار تافاها زي لبسك وشكلك وغيرو لانه للاسف مجتمعنا العربي مجتمع ذكوري جدا حافظو علي نفسكم ربنا يحفظني ويحفظكم يارب في امان الله
#يتبع
ما تنسو التصويت❤❤❤❤❤❤❤
