قصة زيزونة ولمتملك💋
بقلمي : SouadElyou
في مدينة طنجة وبضبط في واحد لحاي شعبي كانت جالسة حدا واحد لباب ملون بلون لآزرق غير من بارا تعرفي دار على قد لحال
كانت جالسة وحانية راسها فلرض بحزن وعينيها لكبار لخضرين مغرغرين بدموع وفيديها عمود كتخطط بيه فلرض فتراب ومرى مرى كتنهد بصوت شبه مسموع تكتسمع شي غوات من قلب دار عرفاتها أمها لي كتناديها وللآسف متقدرش تجوبها حيت ببساطة مكتهضرش أوالا نقولو #زيزونة
لقب لي هادي عماين وهيا هزاه تامن صحبات ما عندهاش كلشي كيستهزأ بيها من غير أمها ليلى وباها علي هما لوحيدين لي كيهضرو معاها ويفرحوها واخا شي حاجة بسيطة ولكن كتفرحها
ميساء ( لبطلة ) فاش كان عمرها 15 سنة تصدمات بموت جدتها لي كانت كتعتبرها كثر من أمها جدتها ( أم باها ) هيا لي ربتها وكبراتها ديما بجوجات تفنعاس كانو كينعسو فبيت واحد عمرها قالت ليها بغيت ماما والا بابا حيت ببساطة جداتها كانت كتعطيها لحنان لكافي كانت هيا صحبتها هيا كلشي علقتهم كانت قوية بزااف ديما فاش كطودر ليهم كيلقاوها فبيت جداتها
تلواحد نهار مشات تقرا مع 8:30 ديال صباح خلات جداتها مريضة شوية كتكح
ميساء بقلق وخوف : حنة شني عندك ملكي هاكا مريضتي
لجدة كتحاول تخفي مرضها : لا لا المرضية اكح معندي واالو اكح سيري اكح لمدراستك تقراي اكح اكح أيفوتكي لحال اكح اكح (اكح = لكحة )
ميساء حطات شكراتها وجلسات حدا جداتها : لا أحنة انا مغادا فين ونتينا هاكا مريضتي لا لا منمشيشي
لجدة : أنتقيلق منكي اكح اكح ايلى ممشيتيشي اكح تقراي انا راني اكح اكح مزيانة غير شويوش ديال لكحة وغتمشي اكح اكح ماشي شي حاجة اكح
ميساء بقلت حيلة ناضت هزات شكرتها وباست جداتها : واخا أحنة انا غنمشي مع ظهور انجي صافي
لجدة حركات راسها وبتاسمات فوجه بنت ولدها لي كتعتبرها كثر من بنتها : واخا صافي
خرجات ميساء وبالها مشطون مع جداتها مشات لمدراستها
كتشوف فصبورة ولأستاذ كيشرح وعقلها مع جداتها
داز لوقت وأخيرا وصلت ساعة لي غيخرجو فيها تلاميذ 1:30 ناضت جمعات أدوتها بزربة ومشات خرجات كتجري تمن صحبتها مسلماتش عليها دازت على با مصطفى ( مول لحانوت ) خدات شكلاط لي كيعجب جداتها وهيا مبتاسما تكيتحفرو حفيرات زين فحنوكها
ورجعات لدارهم كتجري ومع غتقلب دورا كتشوف ناس بزااف قدام دارهم ولمبيلونص قدام دارهم مفهمات والو ياالله أتخطي خطواا وهيا تشوف جداتها مخرجينها فالبياس ومغطينها بإزار أبيض بقات شحال واقفة وكتحللها فدماغها بقات هاكا شي خمسة دقائق عقلها وقف ولبكا كيخرج من دارهم ترجع ليها عقلها غوتاات غوتة وحدة وكانت أخر كلمة تنطقها
أنت تقرأ
قصة الزيزونة ولمتملك💋
Actionهاد لقصة فكرت بزاف قبل منكتبها وخذات مني وقت بزاف قصة فيها حgرة😃 استهزاء😏 معناة لبطلة😟 وقسوحية لبطل😡 وتملُّكو💘 قصة كتحمل من كل صنف شوية👌 كنتمنى من كل قلبي❤ تعجبكم وتبعو معايا لقصة👀 وشكرا بزاف🙏 لبنات لي كيقراو قصصي وكيشجعوني لا بتعليقاتكم�...
