💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )

⏳الحلقة 6 : القســ4ـم ⏳

هذا الرجل أبوك💚💙
🎆 الحلقة السادسة : القسم 4 🎆
******************
كيف رجع من بعد ماروحو البنات ومعاهم امو و جيهان وتحمل هو مسؤوليتها وقرر يقعد معاها لين يصحح الطبيب خروجها ، لقاها تلبس في صباطها وتحضر في روحها ،هبط شعرها غطى وجها ،هزت راسها تشوف في الداخل شكون ،تبسمت وقت لقاتو هو ،لكن هو مازال مكشبر " شفمة "
" انا ايلي نسأل فاش قام عليك تعرض غدوة ...باش تفلس ناز مثلا ...والا تحب تبان قداش انت فيدال ...داكوغ فهمنا ....اما يزي ...لهوني وستوب ...نفخ بقوة " مافماش عرض "
تقلب وجها وعقدت حواجبها ،رعش صوتها " أحمد !"
غمض عينو يسيطر على روحو " تولين...ساقك في حالة "
وقفت رغم التسطير الكبير والتنميل في بدنها " فوالا ...شوف. . نرمال "
تقوات على روحها ومشات خطوات 'شوف ....انا نرمال ع الاخير "
حبت تزيد تمشي باش تثبتلو لكن هو وقفها بيدو ، وكانت بيناتهم شطر خطوة " قاعدة تكذب على روحك ...انت تتوجع وبارشا ...ماكش باش تنجــ....."
حطت يدها على فمو باش ما يكملش "اششششش...ماتقولش ...كنت انت اول واحد يحلي باب الجنة. ..امان ...ما تجيش توا وتطيح كل شي في الماء"
عمال تزيد تغرقو وتحل فيه شانطي من جديد وها المرة شعلت فيه النار ، بيدها ايلي على شفايفو خلاتو يتكوى ،خزرلها وهو موش مستوعب انها حاطة يدها على فمو " أحمد....اذا قتلي ماتنجمش ...صدقني باش نخسر كل ثيقتي في روحي ...ونلقى روحي في الاخير ماانجمش بالحق...خليك مصدر قوتي ...اذا انت آمنت بيا ...نآمن بروحي ..."
نحات يدها من على شفايفو وحمارو خدودها من الحشمة كيف شلقت علي عملتو ، كظم غيضو وحاول يبان متفهم " باهي ....باهي يا للا ...اما ...بعد العرض تاخو كونجي لين تبرا ....واضح "
ضحكت "واضح "
خزر لساقيها " وتوا نحي هاك الصباط ...خلي ساقك اكاكا "
"ووه نمشي حافية "
"وشكون قالك باش تمشي من اصلك "
وساعت عينها وقت جاء لبالها ايلي يخمم فيه ،ضحك و حملها بين يديه "أحمد !؟ "
"انت حكمت باحكامك وانا نحكم باحكامي توا "
"هبطني ...كان يراك واحد من ناز اش يقول عليك "
"قال المغني خلي يقولو واش يهم....مد يدك و حل الباب "
كانت متخيلة انو وجيعة ركبتها نقمة لكن توا عرفت انها سبة خلقها زهرها باش تعيش لحظات من الخيال بين يديه باش يقعدو محفورين في عقلها وفي خلية من بدنها .
وصلها للاوتيل وطلع معاها للبيت وتعاون هو وصفاء باش دخلوها وحطوها في فرشها"بدللها دبشها ،وفمة بوماد اعملهالها على ركبتها وسايس بالشوية مسدها وتنساش تمدلها الحرابش وبربي يا ...."
"صفاء ...اسمي صفاء سي احمد "
"ايه يعيش اختي يا صفاء ...تفقدها كل شوية " لقاها شاردة فيه " تفهم فيا ماهو "
"اه...ايه...نفهم فيك...نعطيها البوماد وندهنلها وقت ايلي ترقد وكل شوية نتفقد الحرابش "
عقد حواجبو " كيفاه "
ضربت جبينها " قصدي ندهنلها بالبوماد ونعطيها الحرابش ونتفقدها من بعد "
"فوالا "
قبل مايخرج خزرلها لقاها تتبسم ومركزة معاه "رد بالك "
شاورت براسها باهي ، تمنالهم ليلة زينة وقصد ربي ، تبعتو صفاء بعينيها وفمهت محلول دورت راسها ناحية تولين " تقليييش....انت ...وسي احمد....."
"يزي بلا تخلويض ...مابيناتنا شي ...بحكم انا العارضة الاولى متاع امو ...يتصرف معايا بلهوة زايدة شوية ،هذيكا هي الحكاية "
"زايدة شوية ...الراجل خصتو باش يتمد جنبك ويسهر عليك ..."
بدلت الموضوع رغم انها تمنات تخلي صفاء تحكي ،مااحلاها كيف العباد تحكي وتشكر حد قريب منك خاصة في حكايات تخصك انت " خليني نبدل حوايجي ...حاسة روحي ميتة بالنوم"

✴نهاية الحلقة السادسة ✴