قصة : { #زي_القمر } 🌗✨
الحلقة الاولى { ١ } ♥
( ف مستشفى ولادة ، جوة اوضة فيها )
ام فوزية : هتسموهم ايه ؟
عباس : انا هسمي دي فاطمة ع اسم امي ☝️
ام عباس ب فرحة : يخليك ليا ي نور عيني 😍
عباس : ودي هسميها .........
فوزية وهي بتقاطعه : انت مش سميت واحدة ، سيبني انا اسمي التانية بقا 🤷🏻♀️
عباس : انتي جيتي ف جمل يعني سميها يختي !
فوزية ب حب وهي بتبص للبنت : هسميها جميلة ♥
ام عباس ب تريقة : يختي طب سميها اسم يليق عليها ، مسم 🙄
ام فوزية : بكرة الي مش عجباكوا دي هتشوفه جمالها ♥️
ام عباس : ربنا يرزقك ب رزقهم ي حبيبي
عباس : اللهم امين
( تعدي السنين وكل اهتمام عباس ب فاطمة اكتر من جميلة )
*( بعد 6 سنين )*
( عباس قاعد بيلعب مع فاطمة ، فوزية ف المطبخ ، تدخلها جميلة )
جميلة ودموعها بتنزل : ماما 😥
فوزية ب خضة : ايه دة بتعيطي ليه ؟!
جميلة ب حزن : بابا مش راضي يلاعبني معاه هو وفاطمة ، بيقولي روحي عند امك 😔
( تضايق فوزية وتوطي تمسح دموعها )
فوزية : طب ايه رأيك تخليكي معايا هنا نعمل الأكل وتساعديني بقا 😃
جميلة ب حماس : ماشي 😀
( ييجي الليل )
عباس : ايه الهبل دة الأتنين بناتي وانا مبفرقش ف معاملتهم 😒
فوزية : لا بتفرق ودايماً مزعل جميلة بسبب فاطمة لما هتكرها فيك وف اختها 🤷🏻♀️
عباس : بطلي طب كلامك دة ي فوزية عشان غلط !
فوزية : انا بقولك عشان هتتحاسب الي انت بتعمله دة ي عباس ☝
عباس : انتي هبلة ي ولية انتي !
فوزية : لا مش هبلة ، بس انا عارفة وانت عارف كويس إنك بتفرق بينهم ف المعاملة !
( يتنهد عباس ب زهق وميردش عليها )
*( بعد 14 سنة )*
( ف مزرعة كبيرة ، ٣ شباب راكبين خيل وبيتسابقه ، ف نفس المكان قرب بيت كبير قاعدين بنتين )
راوية ب تردد : كنت عاوزة احكيلك موضوع مهم 😐
هايدى : احكي ي روحي
*( ملحوظة .. راوية بنت جميلة ، بشرتها بيضة ، شعرها اسود طويل ، عيونها عسلي ، جسمها كيرڤي وطولها متوسط ، عندها ٢٦ سنة ، متجوزة ..... هايدي بنت جميلة ، بشرتها خمرية ، شعرها بني ، عيونها بني ، طولها متوسط ورفيعة ، عندها ٢٢ سنة ، بتدرس فنون جميلة ، مخطوبة )*
راوية : بس تحلفي ب أغلى حاجة عندك إنك متجبيش سيرة لحد خالص ☝
هايدى ب قلق : في ايه ي راوية خوفتيني 😕
راوية : احلفي الأول بس
هايدى : والله مش هحكي لحد ، قولي بقا في ايه ؟!
راوية ب تردد : انا ، انا حامل 😐
هايدى ب فرحة : بجد مبرووووك 😃
راوية : مبروك ايه دي مصيبة 🤷🏻♀️
هايدي ب خضة : ليه كدة ي متخلفة انتي ؟!
راوية : م انتي عارفة إن عمر مش عاوز بيبي دلوقتي ي هايدي 😕
هايدى ب استغراب : بتهزري ، هو لسة ف دماغه كدة ؟!
راوية : ايوة ، بيقولي خلينا نستمتع ب حياتنا الأول ، لسة بدري 😒
هايدى : انتوا بقالكوا اكتر من ٣ سنين متجوزين ويعرفك من اولى جامعة ، هتستنوا ايه اكتر من كدة ، مشبعتوش استمتاع ، دة انتوا كل شوية ف بلد شكل !
راوية ب حزن : دة الي خلاني ابطل الموانع ، انا نفسي اجيب بيبي منه ، بس خايفة اكون غلطت عشان مقلتلهوش إني هعمل كدة وتحصل مشاكل لما يعرف 😟
هايدى : لا طبعاً مغلطيش ي راوية انتي من حقك يبقالك حتة منه، وانتي صبرتي كتير المفروض هو يفهم دة 🤷🏻♀️
راوية ب حيرة : مش عارفة بجد ، زي م تيجي بقا ، بس انا مش هقوله دلوقتي برضو همهدله الموضوع الأول ، وانتي اوعي تقولي لحد بالله عليكي ي هايدي
هايدى : والله ي بنتي مش هقول غير لما انتي تعوزي تقولي
راوية ب قلق : ربنا يستر من رد فعله ساعتها بقا !
هايدي : متخافيش ، عمر راجل عاقل وهيفهمك
راوية ب خوف : عاقل اوي اة 😊
( عند الشباب ، كل واحد ماسك الخيل بتاعه وماشي بيه )
نور : باركولي ي شباب ، بكرة بالليل هنحدد ميعاد الفرح مع ابو هايدي 😌
عمر ب فرحة : مبروك ي معلم 😃
امير ب ضحك : اخيراً يخربيتك عفنت 😂
