قصة : { #زي_القمر } 🌗✨
الحلقة الاولى { ١ } ♥
( ف مستشفى ولادة ، جوة اوضة فيها )
ام فوزية : هتسموهم ايه ؟
عباس : انا هسمي دي فاطمة ع اسم امي
ام عباس بفرحة : يخليك ليا ي نور عيني
عباس : ودي هسميها ....................................................
فوزية وهي بتقاطعه : انت مش سميت واحدة ، سيبني انا اسمي التانية بقا
عباس : انتي جيتي ف جمل يعني ، سميها يختي !
فوزية بحب وهي بتبص للبنت : هسميها جميلة
ام عباس بتريقة : يختي طب سميها اسم يليق عليها ، مسم !
ام فوزية : بكرة الي مش عجباكوا دي هتشوفه جمالها
ام عباس : ربنا يرزقك برزقهم ي حبيبي
عباس : اللهم امين
( تعدي السنين وكل اهتمام عباس ب فاطمة اكتر من جميلة )
*( بعد مرور 6 سنين )*
( عباس قاعد بيلعب مع فاطمة ، فوزية ف المطبخ ، تدخلها جميلة )
جميلة ودموعها بتنزل : ماما
فوزية بخضة : ايه دة بتعيطي ليه ؟!
جميلة بحزن : بابا مش راضي يلاعبني معاه هو وفاطمة ، بيقولي روحي عند امك
( تضايق فوزية وتوطي تمسح دموعها )
فوزية : طب ايه رأيك تخليكي معايا هنا نعمل الأكل وتساعديني بقا
جميلة بحماس : ماشي
( ييجي الليل )
عباس : ايه الهبل دة ، الأتنين بناتي وانا مبفرقش ف معاملتهم !
فوزية : لا بتفرق ، ودايماً مزعل جميلة بسبب فاطمة لما هتكرها فيك وف اختها !
عباس : بطلي طب كلامك دة ي فوزية عشان غلط !
فوزية : انا بقولك عشان هتتحاسب الي انت بتعمله دة ي عباس
عباس : انتي هبلة ي ولية انتي !
فوزية : لا مش هبلة ، بس انا عارفة وانت عارف كويس إنك بتفرق بينهم ف المعاملة !
( يتنهد عباس بزهق وميردش عليها )
*( بعد مرور 14 سنة )*
*( شهر 10 )*
( ف مزرعة كبيرة ، ٣ شباب راكبين خيل وبيتسابقه ، ف نفس المكان قرب بيت كبير قاعدين بنتين )
راوية بتردد : بقولك ايه
هايدي : ايه ي روحي ؟
راوية : كنت عاوزة احكيلك موضوع مهم
هايدى : احكي
*( ملحوظة .. راوية بنت جميلة ، بشرتها بيضة ، شعرها اسود طويل ، عيونها عسلي ، جسمها رفيع مظبوط وطولها متوسط ، عندها ٢٦ سنة ، متجوزة )*
*( ملحوظة .. هايدي بنت جميلة ، بشرتها خمرية ، شعرها بني ، عيونها بني ، طولها متوسط وجسمها كيرڤي ، عندها ٢٢ سنة ، بتدرس فنون جميلة ، مخطوبة )*
راوية : بس تحلفي ب اغلى حاجة عندك إنك متجبيش سيرة لحد خالص
هايدي بقلق : في ايه ي راوية خوفتيني !
راوية : احلفي الأول بس
هايدى : والله مش هحكي لحد ، قولي بقا في ايه ؟!
راوية بتردد : اناااا ، انا حامل
هايدى بفرحة : بجد مبرووووك
راوية : مبروك ايه دي مصيبة !
هايدي بخضة : ليه كدة ي متخلفة انتي ؟!
راوية : م انتي عارفة إن عمر مش عاوز بيبي دلوقتي ي هايدي !
هايدى ب استغراب : بتهزري ، هو لسة ف دماغه كدة ؟!
راوية : ايوة ، بيقولي خلينا نستمتع بحياتنا الأول ، وإن لسة بدري
هايدى : انتوا بقالكوا اكتر من ٣ سنين متجوزين ، ويعرفك من اولى جامعة ، هتستنوا ايه اكتر من كدة ، مشبعتوش استمتاع ، دة انتوا كل شوية ف بلد شكل !
راوية بحزن : دة الي خلاني ابطل الموانع ، انا نفسي اجيب بيبي منه ، بس خايفة اكون غلطت عشان مقلتلهوش إني هعمل كدة وتحصل مشاكل لما يعرف !
هايدى : لا طبعاً مغلطيش ي راوية ، انتي من حقك يبقالك حتة منه ، وانتي صبرتي كتير ، المفروض هو يفهم دة
راوية بحيرة : مش عارفة بجد ، زي م تيجي بقا ، بس انا مش هقوله دلوقتي برضو ، همهدله الموضوع الأول ، وانتي اوعي تقولي لحد بالله عليكي ي هايدي
هايدى : والله ي بنتي مش هقول غير لما انتي تعوزي تقولي
راوية بقلق : ربنا يستر من رد فعله ساعتها بقا !
هايدي : متخافيش ، عمر راجل عاقل وهيفهمك
راوية بخوف : عاقل اوي اة !
( عند الشباب ، كل واحد ماسك الخيل بتاعه وماشي بيه )
نور : باركولي ي شباب ، بكرة هنحدد ميعاد الفرح مع ابوا هايدي
عمر بفرحة : مبرووووك
امير بضحك : اخيراً يخربيتك عفنت !
