قصة : { #زي_القمر } 🌗✨
الحلقة الثالثة { ٣ } ♥
الدكتور : لا طبعاً مينفعش 🤷🏻♂️
( امير يلمح جميلة قاعدة ، يقرب ع الدكتور )
امير وهو باصص ل جميلة : م تمشيها ينفع 😐
الدكتور : اطلع برة ☝️
امير : ليه كدة !
الدكتور ب زعيق : برراااااا 😠
امير وهو ماشي : طيب ي عم خارج 🚶🏻♂️
الدكتور : عم !!
( يطلع امير )
روان : هو قاصد ولا ايه ؟
جميلة ب عدم فهم : قاصد ايه ؟!
اسماء : قاصد ييجي هنا يشوفك ويعمل الشويتين دول 😏
جميلة ب تريقة : اة قاصد طبعاً ، اصل احنا بقالنا كتير مشوفناش بعض واكيد وحشته ف جه يشوفني 🥺 فوقي ي حلوة منك ليها دة حتى ميعرفش اسمي 🤷🏻♀️
اسماء : فقريااااا 🙄
( ييجي الليل ، ف بيت امير ، نور قاعد ف جنينة الڤيلا ، يقرب عليه امير )
امير ب استغراب : ايه دة ؟!
نور : في ايه ؟!
امير : لا بجد ايه دة !!
نور ب ضيق : امير انا مش فايقلك ، ف بالله عليك بس !
امير : اصل مستغرب قعادك ف البيت دلوقتي والساعة لسة تمانية ، مش مع هايدي يعني !!
نور ب غيظ : متحبلييييش سيرتها ✋
امير : ليه كدة في ايه ، اطلقته ؟!
نور ب انفعال : بطل هزاااار 😠
امير ب قلق : اهدى طيب وقولي حصل ايه ؟!
نور : سيبتها
امير ب خضة : بتهزر !!
نور : لأ
امير : طب ليه كدة ي بني في ايه ؟!
( هايدي ف بيت راوية قاعدين ف جنينة الڤيلا )
راوية : ممكن تبطلي عياط انا كدة مش هعرف اتكلم 🤷🏻♀️
هايدي وهي بتمسح دموعها : حاضر 😥
( عند نور )
امير : طب ي عم كنت سألتها الأول دة مين وبعدين اتكلمت معاها !
نور ب غضب وغيظ : وانا لسة هسأل اياً كان تحضنه بتاع ايييه 😡
امير : اهدى طيب اهدى !
( يرن فون نور ، يتنهد ب ضيق )
امير : هي ؟
نور : لا دي راوية ، انا مش قادر اتكلم 🤦🏻♂️
امير : معلش رد ليكون في حاجة
نور : الو
راوية : الو ي نور عامل ايه ؟
نور : الحمدلله ي راوية ، انتي عاملة ايه ؟
( تفتح المايك )
راوية : انا تمام الحمدلله ، ايه الي عملته مع هايدي دة ي بني ؟!
نور : هي حكتلك ؟!
راوية : ايوة
نور : وانتي مستغربة م الي انا عملته ومش مستغربة الي هي عملته ؟!
راوية : دة ابن عمها ي نور وكان جاي م السفر وعاملهالها مفاجأة 🤷♀️
نور : ابن عمها اه ، شرعي دة يحضن ويبوس يعني ي راوية ولا ايه ؟
راوية : لا مش قصدي كدة طبعاً 😕
نور : اومال قصدك ايه ؟!
راوية : قصدي إنه مش غريب يعني
نور : ع كدة امير يحضنك ويبوسك
( يشرق امير وهو بيشرب )
امير : كح كح 😨
نور : وانا كمان احضن وابوس فيكي ، واجيب عمر يحضن ويبوس فيها ، م احنا مش غرب بقا ويلا هيصة 🤷🏻♂️
هايدي ب نفاذ صبر : اتكلم عليا كويس ي نور ، انا سكتلك ع شتيمتك ليا ف الكلية ، ومش هسمحلك تطول لسانك عليا اكتر من كدة !!
نور ب انفعال : بت بت انا اطول لساني براحتي عشان انتي تستاهلي اكتر من كدة 😠
هايدى ل راوية : شايفاااا 😟
راوية : نور ان .........
نور : وبعدين انا مبكلمكيش اصلاً خلي عندك دم ومتتكلميش معايا ، تمام ؟
( تنزل دموع هايدي وتقوم تمشي )
راوية : استني ي بنتي 😯 ايه ي نور الكلام دة بس !!
نور : بالله عليكي ي راوية انا ع اخري ومش عاوز اتكلم ف الحوار دة ، سلام
( يقفل نور )
راوية ب حيرة : انا جيت اكحلها عميتها ولا ايه 🤦🏻♀️
( عند نور )
امير : ع فكرة انت بهدلتها 😐
نور ب تنهيدة : عارف ، بس انا متغااااظ ، انت مشفتهوش حضنها ازاي دة ولا حضن المطارات ، دة كان قرب يرفعها من ع الأرض ، هي ازاي اصلاً تسمحله ب كدة !!
امير : ي بني مهي راوية قالت ابن عمها م احنا بنحضن بنات عمامنا عادي اتعودنا ع كدة 🤷🏻♂️
نور ب تفكير : مش عارف انا ، لا متحضنهوش طبعاً لا ﻷ ي عم انت بتقول ايه لأ !!
امير : يخربيت غيرتك الذيادة دي هتبوظ الدنيا ، انت لسة امبارح قايل رايح ل بباها تحدد ميعاد الفرح !
نور ب تذكير : احيه انا ميعادي معاه بعد ساعة !
امير : وهتعمل ايه ي فالح ؟
نور ب حيرة : مش عارف بقا ، مش عارف 🤦🏻♂️
امير : عديها بقا انور انت ظبطها خلاص وهي اكيد م الموقف دة هتحط بينها وبينه حدود بعد كدة
نور ب غيظ : كل م بهدى افتكر منظرهم بتجنن ، بجد يلعن ابو كدة ازاي يلمسهاااااا 😠
امير : هي اكيد اتفاجأت بيه معلش ، دي حتى هايدي بتحبك اوي وانت بتعشقها ي عم لازم يكون في ثقة بينكم اكتر من كدة 🤷🏻♂️
نور : الي حصل انهاردة خلى الثقة دي اتهزت خلاص !
امير : يخربيت اهلك بقا متأفورش خلاص قلنا عديها 🙄
نور ب تنهيدة : طيب 😒
امير : اتصل بيها بقا صالحها
نور وهو بيقوم : لا طبعاً مش هصالحها ، هروح ل ابوها اما ابوك ييجي نحدد ميعاد الفرح وخلصنا كدة 👏
( يمشي نور يدخل جوة البيت )
امير : ايه الجنان دة ، يخربيت الجواز ع الخطوبة ع الأرتباط ، عقدته امي 😑
( بعد شوية ، راوية بتكلم عمر ف الفون )
راوية : ايوة امير قالي رايح دلوقتي مستني بابا ييجي بس ، اة وانا رايحة عشان اهدي هايدي لإن اهلها ميعرفوش حاجة ، اه ، وانتوا كمان ي عمر لازم تروحه معاه عشان ميحصلش مشكلة نور عصبي وممكن يبوظ الدنيا هناك ، تمام اوك ، سلام
( تقفل راوية ، ينزل نور يلاقي اخواته واقفين مستنيينه )
نور ب استغراب : انتوا جايين معايا ؟!
عمر : اه جايين ، عندك مانع ؟
نور : لا عادي 😕
( يعدي الوقت ، ف بيت هايدى ، جوة اوضتها ، راوية قاعدة معاها )
هايدي ب انفعال : لا طبعاً انا بقا مش هوافق ، هو يشتمني ويهزقني الصبح ويسيبني وبالليل عاوز يرجع ويحدد فرح كماااان 😠
راوية : هايدي انتي عارفة كويس إنك غلطانة ، صح ولا ﻷ ؟
هايدى ب حزن : ي راوية دة هزقني وبهدلني 😟
راوية : غلطااانة ؟
هايدى : بس ..........
راوية : غلطاااااانة ؟
هايدى ب استسلام : ايوة ، غلطانة ي راوية 😒
راوية : يبقا نلم نفسينا بقا ونحمد ربنا إنه مسابكيش فعلاً ولسة شاريكي بعد الي حصل دة ومش عاوز يخسرك ، نسكت بقا خالص ونشوف هترسي ع ايه ، اوك ؟
( تضير هايدي وشها )
راوية : اووووووك ؟
هايدى : اوكاااي 🤦🏻♀️
( تحت ، قاعد نور واخواته وبباه مع ابو هايدي )
ابو هايدى : طب تمام ع بركة الله
ابو نور : هو لسة بدري بس عشان نور هيبدأ ف توضيب البيت من دلوقتي ، وانت عارف بقا شباب اليومين دول ب مليون رأي ف اكيد هياخده وقت ف اختيار الديكورات وكدة ، ف انا قلت نحدد من دلوقتي احسن عشان يخلصه نفسهم
ابو هايدي : ايوة عندك حق ، وكدة كدة مش بعيد شهر تمانية وعقبال م يخلصوا زي م قلت
ابو نور ب استغراب : اومال فين هايدي مش شايفها يعني !!
ابو هايدى : اه شكلها بتلبس ، ي مريم نادي اختك
مريم وهي بتقوم : حاضر ي بابا 😊
امير : شكل عاملة فيها عروسة 🤷🏻♂
الكل : هههههه 😄
عمر وهو بيهمس ل امير : م نخلي الفرح فرحين 😉
امير ب عدم فهم : فرح مين ؟!
عمر : هتستهبل ، اخت هايدي مشالتش عينها من عليك !
امير : ي عم ارحمني بقا 🤦
عمر : ليه بس دي مزة !
امير : بس نحنوحة وطرية كدة ومش ع بعضها ، مش زي هايدي 😕
عمر : مهي بتلاغيك وانت جبلة وربنا 🙄
امير : وبعدين تعالى هنا ، مين دي الي مزة ، مراتك فوق ي برنس وهفتن 😏
