قصة : { #زي_القمر } 🌓✨
الحلقة الحادية عشر { ١١ } ♥️
جميلة بزهق : اسأليه هو بقا ، تصبحي ع خير
( تنام جميلة وفاطمة قاعدة عمالة تفكر )
جميلة ف سرها : الحمدلله إنه متصلش ، بس ليه متصلش ، دة انا فكرت اول م همشي هيتصل ، ي غبية مهو صحابه كانوا واخدين موبايله ، صح ، بس اكيد روح واخده منهم ، ما علينا م انتي كدة كدة هتشوفيه بكرة مهو قال نازل الكلية ، متشوقة اوي اشوفه ، ياترى الي اخوك قاله صح ي امير ، معجب بيا بجد ، لا وكمان مراقب الأكونت بتاعي ، يارب يطلع فعلاً صح
( تقعد جميلة دماغها تودي وتجيب ف التفكير ف امير ، يطلع الصبح ، تروح جميلة مع اختها الكلية ، جميلة واقفة مع صحابها عمالة تبص يمين وشمال مش شايفة امير )
جميلة : شكله مجاش ، صحابه واقفين وهو مش معاهم !
اسماء : مش قالك نازل انهاردة ؟
جميلة : ايوة
اسماء : اومال مجاش ليه ؟!
جميلة ب استغراب : مش عارفة
روان : م تروحي تسألي حد من صحابه
جميلة : لأ طبعاً !
روان : خلاص انا هروح اسألهم
جميلة بخضة : تروحي فين متحرجنيش !
روان : ولا احراج ولا حاجة ، انا عارفة مروان صاحبه وكمان عارفة امير ، صحاب عادي وبسأل عليه
اسماء : ايوة صح
جميلة : طيب ماشي
( تمشي روان ، تقرب ع مروان )
روان : مروان
مروان : روان ازيك ؟
روان : الحمدلله ، انت عامل ايه ؟
مروان : الحمدلله
روان : اخبارك ؟
مروان : اهو زي الفل
روان : اومال فين امير ، انا سمعت إنه تعبان
مروان : اكيد جميلة الي قالتلك
روان : اة هي مهو الموضوع كان معاها ، بس مرجعش الكلية لحد دلوقتي ، هو الحوار كبير ولا ايه ؟!
مروان : لا مش هييجي فترة كدة
روان ب استغراب : ليه ؟!
مروان : جرحه اتفتح وراح المستشفى اتخيط من تاني
روان بخضة : احيه بجد !
مروان : والله
روان : لا سلامته ، طب هو لسة ف المستشفى ولا روح ؟
مروان : لا لسة هناك حاجزينه ، حالته صعبة اوي
روان : اة ، زعلتني والله ، طب هو ف مستشفى ايه ؟
( ترجع روان )
اسماء : عرفتي حاجة ؟
روان : اة طلع محجوز ف المستشفى
جميلة ب استغراب : م طلع ي بنتي !
روان : جرحوا اتفتح تاني وودوه المستشفى اتخيط من تاني ، وبيقول حالته صعبة
جميلة بزعل : يوه ليه كدة ؟!
اسماء ل جميلة : انتي لازم تروحي تزوريه
جميلة : ايوة بس مش هعرف !
روان : إن شالله عشر دقايق ي جميلة ، انا خدتلك العنوان
اسماء : ايوة عيب اوي إنك تسمعي عنه كدة ومتروحيش بعد الي عمله معاكي
جميلة : طب بصوا مش هحضر المحاضرة الجاية وهروح ، بس هتعرفه تغطوا غيابي ع فاطمة ؟
اسماء : ايوة روحي انتي وملكيش دعوة
جميلة : اوك
( ف بيت عمر ، يقوم عمر م النوم ميلاقيش راوية جنبه ، يطلع م الأوضة يبص عليها من فوق ، يلاقيها قاعدة ع الكنبة ، ينزل يقرب عليها )
عمر : منمتيش من امبارح ؟
( تشاورله ب لأ )
عمر : ليه ؟!
راوية : مش عارفة انام
عمر وهو بيقعد جنبها : الي اعرفه إن الحوامل بيناموا كتير
( تنزل دموعها وتعيط )
عمر وهو بياخدها ف حضنه : بس اهدي !
راوية بعياط : انا خايفة اوي !
عمر : من ايه ؟!
راوية : م الي هيحصل ، مجاش ف بالي كدة خالص ، فكرت عادي !
عمر : طب يعني انتي لما روحتي للدكتورة مقالتلكيش ؟!
راوية : لا مرحتش لدكاترة
عمر ب استغراب : اومال عرفتي إنك حامل ازاي ؟!
راوية : لما حسيت بالأعراض روحت عملت تحليل وعرفت
عمر بفهم : امممم
راوية : انا مش هقدر انزله ي عمر ، مش هقدر اموت ابني ب ايدي !
عمر : دي حاجة غصب عنك
راوية ودموعها بتنزل : بس انا نفسي اخلف !
عمر : طب هنعمل ايه ي راوية !
راوية : هسيبه مش هنزله ، ولو مكتوبلنا نعيش انا وهو هنعيش ، وكتير بيولدوهم عادي
عمر بقلق : كتير لكن مش كله !
راوية بتحايل : عمر بالله عليك
عمر وهو بيقف : انتي بتحلفيني ع ايه ، ع احتمال ي راوية مش هقدر !
( تقوم تقف قصاده )
راوية : يعني مش هتقف جنبي ، هتسيبني اكمل لوحدي !
( يسكت عمر عمال يلف حوالين نفسه )
عمر : صعب الي بتقوليه دة ، بس خلاص انتي حطتيني قدام امر واقع !
راوية ودموعها بتنزل : صدقني إن شاء الله مش هيحصل حاجة ، عشان خاطري بالله خليك جنبي
عمر : انتي هبلة ، انا مستحيل اسيبك مهما حصل ، مهما كنتي غبية ومتخلفة !
راوية بحماس : إن شاء الله كلها كام شهر وهيعدوا وييجي يغلس علينا
عمر بضيق : إن شاء الله
راوية : يعني بزمتك مكانش نفسك ف بيبي ؟
عمر : كان نفسي طبعاً ، بس انا ليه اتمنى حاحة هتضرك !
( تقرب تحضنه )
راوية : إن شاء الله مش هتضرني
عمر بتنهيدة: إن شاء الله
راوية ب استغراب : انت مرحتش شغلك انهاردة ، الساعة ١١ !
عمر : مكنتش متظبط لشغل ، وكمان عاوز اروح اشوف امير
راوية بتذكير : اة صحيح ، ياترى عامل ايه دلوقتي
عمر بندم : زعلان من نفسي اوي ع الي جراله بسببي
راوية : لا مش بسببك ، دة بسببي انا
عمر : انا هروحله
راوية : خدني معاك طيب
عمر : لحظة بقا ، طلاما ماشية ف موضوع الحمل دة يبقا مفيش طلوع م البيت غير للطوارئ ، يعني تهدي وتبطلي تنطيط ، ماشي ؟
راوية بفرحة : ماشي ي قلبي حاضر
( توصل جميلة المستشفى عند امير ، تقرب ع التمريض )
جميلة : لو سمحتي
ممرضة ١ : ايوة ؟
جميلة : في مريض هنا اسمه امير ؟
ممرضة ١ : امير ايه ؟
جميلة بحيرة : مش عارفة صراحة !
ممرضة ١ : طب جاي عنده ايه ؟
جميلة : ااا هو تقريباً بطنه كانت مفتوحة وجه اتخيط
ممرضة ٢ لممرضة ١ : ايوة ي بنتي الشاب الي جه امبارح
ممرضة ١ : في كتير جم امبارح !
ممرضة ٢ : ابوا عيون رمادي دة
ممرضة ١ بتذكير : ااااه عرفته
ممرضة ٢ : كان صعبان عليا اوي !
ممرضة ١ : اة ي قلبي عليه !
ممرضة ٢ ب اعجاب : بس شكله قمر اوي
الممرضة ١ : اة فاتن حطيتله المحلول امبارح و .............................................................
جميلة ب زهق : اجيلكوا وقت تاني طيب ؟!
ممرضة ٢ ب انتباه : اة ف الدور التالت اوضة تسعة
جميلة : شكراً
( تمشي جميلة تطلع ل امير ، نور وهايدي قاعدين مع امير ، تدخل جميلة )
جميلة : سلاموا عليكم
الكل : عليكم السلام
( يقوم امير يقعد )
جميلة : خليك خليك
( تقرب ع هايدي )
جميلة : ازيك ؟
هايدى : الحمدلله !
نور : هايدي خطيبتي
جميلة : اة
نور : جميلة خطيبة أقصد زميلة امير ف الكلية
هايدى : اهاا عاملة ايه ؟
جميلة : الحمدلله تمام
نور ل هايدي : حبيبي تعالي عاوزك
هايدى : اوك
نور ل امير : خمسة وراجعلك
امير : ماشي
( يمشي نور وهايدي )
امير : اقعدي
( يبعد شوية ، تقعد قصاده ع السرير )
جميلة : حمدلله ع السلامة
امير : الله يسلمك ، عرفتي منين إني ف المستشفى ؟!
