قصة : { #زي_القمر } 🌗
الحلقة الثالثة عشر { ١٣ } ♥️
جميلة : اوك
( نور وهايدي قاعدين ، يقربه يسلمه عليهم ويقعده معاهم )
امير : صحيح متنسوش لازم تيجوا الشقة بكرة عشان تنقوا الألوان
هايدى : فاضل حاجة غير الألوان ؟
امير : لا كل حاجة خلصت كدة
نور : مش عارف والله من غيرك كنت عملت ايه
امير بغرور : ولا اي حاحة طبعاً
الكل : ههههههه
نور : دايماً متواضع
امير : انجزوا بقا ف مجايب العفش واحجزه مكان الفرح ، خلاص فاضلكوا اقل من شهرين ، والأمتحانات خلصت معندكوش حجة
نور : لا إن شاء الله بكرة هننزل نحجز مكان الفرح ، انا قلت لأبوا هايدي
هايدى : ابقا تعالى معانا وهات جميلة
امير : لا عشان تبقوا براحتكم انتوا
نور : ي بني ناخد رأيكم بدل م نروح لوحدينا
امير : هتقدري تخرجي بكرة ؟
جميلة : مش عارفة والله ، هشوف واقولك
نور : مش ناويين تفرحونا بيكوا بقا ولا ايه ؟
( تتكسف جميلة )
امير : لأ
هايدى : ليه كدة ي رخم !
امير : اديكي قلتي رخم
نور ل جميلة : متقولي حاجة ي جوجو
جميلة ب احراج : نعم ؟
هايدى ونور بضحك : نعم الله عليكي
امير : اااه دول جايبنا يتسلوا عليا !
جميلة : معلش داخلين ع جواز بقا
امير : ع رأيك
هايدي : مش هنطفي الشمع ولا ايه ؟
امير : اة ، مرواااان
( ييجي مروان )
مروان : ايه ؟
امير : يلا بينا
مروان ب استغراب : دلوقتي ، لسة بدري !
امير : لا عشان جميلة مينفعش تتأخر
مروان بفهم : اة تمام اوك
امير : هو عمر وراوية مش جايين ولا ايه ؟!
هايدي : لا راوية تعبانة وعمر معاها
( ف بيت عمر ، راوية واقفة ف التويليت باين عليها التعب ، ماسكة بطنها وماسكة ف الحوض دايخة )
راوية بتعب : عمر ، عمرررر !
( يدخل عمر )
عمر : ايه مالك ؟!
( يسندها )
راوية بتعب : دايخة اوي !
عمر وهو بيسندها : طب تعالي قلتلك ارتاحي !
راوية : لا استنى !
( تقف قدام الحوض وتوطي عليه )
عمر وهو بيطبطب ع ضهرها : انتي تعبانة ، حاسة ب ايه طيب ؟
راوية ودموعها بتنزل : نفسي غامة عليا اوي !
عمر : بتعيطي ليه بس !
راوية : تعبانة ، ياريتي م حملت ، متعب اوي متوقعتش كدة !
عمر وهو بيملس ع شعرها : معلش مهو كدة مش بالساهل ي قلبي
( تشاورله ب اة ، جميلة وامير وصحابهم واقفين بيطفوا الشمع لعيد ميلاد امير ، يرن فون جميلة )
جميلة بخضة : احيه !
امير : في ايه ، مين ؟!
جميلة : فاطمة
امير وهو بيمسك ايدها : طب تعالي
( يطلعه من باب ورا اقرب )
امير : ردي عليها
جميلة : الو
فاطمة : الساعة تسعة ونص فينك ؟!
جميلة : انتي الي فين وايه دة كله ، عمالة اقول دلوقتي تتصل كمان شوية تتصل !
فاطمة بتوتر : اة م انا سرحت مع البنات شوية
جميلة : طب انتي فين ؟
فاطمة : انا قربت ع البيت ، قابليني هناك
جميلة : اوك باي
( تقفل جميلة )
جميلة : هروح بقا
امير : طب يلا اوصلك
جميلة : لا هروح لوحدي عشان لسة هروح اغير عند روان ، وفاطمة هتستناني عند البيت
امير : لا الدنيا ليلت مش هتروحي لوحدك ، هستناكي تحت بيت روان وهبقا اوصلك قبل بيتك بشوية
جميلة : عشان صحابك هنا !
امير : هرجعلهم تاني دول سهرانين ، يلا
جميلة : اوك
( يركبوا العربية ويمشوا ، تطلع جميلة تغير هدومها عند روان وتنزل تركب مع امير ويمشوا ، يقفوا قبل عمارتها بشوية )
جميلة : يلا باي
امير : باي
( فاطمة واقفة قدام العمارة ، تنزل جميلة من عربية امير ، تشوفها فاطمة من بعيد )
فاطمة ب استغراب : ايه دة إن شاء الله !
( تقرب فاطمة ع جميلة ب كل عصبية )
فاطمة : نازلة من عربية مين ي هانم ؟!
( تتخض جميلة مش عارفة تنطق )
فاطمة : م تردي !
جميلة ب ارتباك : داا دة امير !
فاطمة ب استغراب : وراكبة معاه ليه ؟!
جميلة بتوتر : اصل الوقت كان متأخر ، فهو شافني ف العيد ميلاد ف طلب يوصلني !
فاطمة : انتي كدابة ، دي مش اول مرة اشوفك معاه وف الكلية دايماً لزقاله ، واكيد طبعاً هو الي بتكلميه ع النت كل يوم لحد الفجر مش كدة ؟
( تدمع عيون جميلة وتتوتر ، تمشي فاطمة تدخل العمارة وجميلة وراها )
جميلة : اسمعيني بس انا ...........................................................
فاطمة وهي بتقف : انا عارفة كل حاجة والكل عارف منك إلا انا !
جميلة ودموعها بتنزل : وانتي من امتى سألتيني هااا ، من امتى قعدتي فضفضتي معايا عشان احس بالأمان واتكلم انا كمان ، اديكي اهو رعباني لمجرد إنك عرفتي بس !
( متردش فاطمة )
جميلة بعياط : كنت عارفة إنك هتزليني لما تعرفي
فاطمة ب استغراب : هو انا وحشة للدرجة ؟!
جميلة : معايا انا بس ي فاطمة !
( تطلع جميلة البيت ، يعدي الوقت ، جميلة وفاطمة قاعدين ف الأوضة وكل واحدة ع سريرها ، تقوم فاطمة تقعد قصاد جميلة )
فاطمة : متزعليش مني
جميلة : مش زعلانة !
( تحضها ، تستغرب جميلة )
فاطمة : من بعد انهاردة تحكيلي ع كل حاجة وانا هسمعك ، اوك
جميلة ب ابتسامة : اوك
( تاني يوم ، نور وهايدي ف قاعة افراح بيتفرجوا عليها )
هايدي : حلوة جداً
نور : اها جامد
( يقرب عليهم يوسف )
يوسف : منورني والله
( يبصله نور ب استغراب )
يوسف : عجبتكوا القاعة ؟
( نور يبص ل هايدي بغيظ ويمشي )
هايدي : نور !
( تروح وراه )
هايدى : نور استنى !
( يقف )
نور : انتي كنتي عارفة إن دي قاعته ؟!
هايدي : لا طبعاً مكنتش اعرف !
نور بزعيق : ازاي قريبك ومتعرفيش إن دي قاعته ، لا وقايلة إنك جيباها من ع النت وسحباني وراكي زي الحماااار !
هايدى : والله العظيم م اعرف ، لو اعرف مكنتش جبتنا هنا بعد الي حصل !
نور : بطلي تحوير ع امي ، انتي عارفة كل حاجة
هايدى : انا بحور ي نور !
نور : انتي ........................................................
هايدي بحدة : ثواني بقااااا ، ثواني معلش ، انا الي هتكلم ، انا اتخنقت
( تنزل دموعها )
هايدي بعياط : اتخنقت من غيرتك الزيادة وحرقة دمي كل شوية ، انت مبتثقش فيا ، وانا مش عوزاك خلاص مش عوزاااااااك
( تقلع الدبلة ترميها ف الأرض وتمشي ، يوطي نور يمسك الدبلة ، يعدي الوقت ، ف بيت امير ، نور قاعد ، يدخل امير وصحابه يسلمه عليه )
امير : قاعد زي المطلقين كدة ليه ؟!
نور بضيق : امير فكك مني
مروان : حصل ايه ؟!
( ميردش )
امير : في ايه بجد ، انت اتخانقت مع هايدي ؟
نور : ايوة
خالد : طب ليه كدة ي بني دة انتوا داخلين ع جواز !
( يحكيلهم )
امير : اكلمك بصراحة ؟
نور : ياريت
امير : عندها حق
نور : والله !
امير : ايوة ، انا لو منها كنت نفختك قبل م امشي كمان
نور بتنهيدة : مش بهزر ع فكرة
امير : ولا انا بهزر ، دة انت مطلع عين الي جابوها ، من ساعة م عرفتها وانت منكد عليها بسبب ام غيرتك دي !
خالد : جابت اخرها البنية !
