✨ My Twin ✨
الحلقه الحاديه عشر 💓
روح بيا ليث بس بالجهاز....مرة من المرات نضت في الليل....لقيته متكي رأسه جنبي....لأول مرة نتأمله هكى
روبين..صحيت يالي حسيتْ بأنه في حاجه زي بعض... صحيت ع التقه متاعک...منور ياولد خالي😔💔...طبعا هذا في خاطرها
ناض ليث شبحلي.... طول لفتت راسي الجيهه التانيه 😂
لليث..روبين😖
روبين مرديتش🤐
ليث..روبين ردى😔
روبين تلفتت..نعم...اي خدمه...مش ح نطول متخافش منلحق ع جابر تريح💔
ليث بصوت عالي.. روبين...شن الدوه هيا!!....
روبين ابتسمت😊..شن قلتلک اني قلت الحق نتخايل فيه عماي اصلا والمستشفي نحلم بيه كل مانرقد
ليث..خلاص إلغي السيرة✋
روبين..تمم وغمضت عيونها
ليث..روبين خيرک هكي اني عارفک تضايقتي مني هادي إنفعاله مش اكتر يديرها كل ولد😔
روبين ضحكت بصوت لين نزلو دموعها..بالله.... هذا انفعاله واحد شاک حتي في روحه وربي كان سهيل والا بابا ولا جابر ولا حتي الهاشمي الي روح بيا ماداروها وقتها هوا😔💔
ليث..مفيش حد ميغلط...وبعدين نبي نطمن ز.......
روبين قاطعاته..والنبي...من وليت تطمن وشن وليت وشن ليک من علاقه اصلا متدخلش في حياتي"سكتت شويه تقول اتفكرى ولا رجعت لوعيعا وغمضت عيونها وبضحكة"
روبين..اصلا هيا خلاص بتكمل حياتي😄!!...
ليث..لآخر مرة فوتيها السيره هيا عارفک مخنوقه ومضايقة فتره وتهون
روبين..مخنوقه؟؟...من قالک بالعكس جوي مليح ورايقه ولد خالي الي نفش فغلي في العراک معاه ونحسابه زي خوي واكتر مش عاطي ولاذرة ثقه..واهلي مش حيعلموا ليش متت وكذبت عليهم والنيه طارت من القرايا حتي كان قعدت حيه مش من القرايا من النهار والليل والشمس وكلل شي حتي النفس معاش فيه نيه...واشرت ع صدرها...حتي هوا الي بنبص معاش عنده نيه ولا اني عندي نيه مزال نسمع هالرنه😔💔!!....
ليث فاتح فمه في كلام روبين هللللللللللبا معاني من اولها نقصد من اول كلام انها قالت"زي خوي واكتر"هذى الكلمه قعدت ترن في وذن ليث... والواضح أنه روبين خلاص فدت من حياتها وهوا زادها ع الهم همين 😞💔....
فاتت فتره والشهر وصحت روبين وولت لقريتها وحياتها الطبيعية بس جفااف لا يوصف بينها وبين ليث غير كيف حالک واهلا مافيش شي وهوا يحاول يتقرب بطريقه وتانيه....صارت شوية مشاكل في جو البلاد وهذا لما صاحب ليث اتزوج وهذا خلا ليث في مالطا ومعاش ولا في يوم اتصل ليث مسنجر بربين
ردت روبين لأنها في الفتره هذي استاحشاته وخاطرها في دعمه معاه 💪
