سناء :ملوكة حبيبتي
ملاك :هلا عمة
سناء :شلون خالاتج وياج اخاف يأذوج كوليلي
ملاك:لا عمة اخلص شغلي معلية بيهم
سناء :اذا ضايقوج كوليلي
ملاك ابتسمت :ان شا الله عمة
سناء :ملوكة حبيبتي انتي كبرتي وصرتي بالكلية ما شا الله واني بصراحة اريدج لوسيم شكلتي حبيبتي
ملاك انحرجت وسكتت
سناء :ملوكة ادري بيج تستحين بس صدكيني احبج مثل بناتي واريد اخذ رايج قبل ما اكول لاحد شكلتي ؟
ملاك :عمة والله ما اعرف شنو اكول
سناء :خلاص لا تكولين شي هسه صلي صلاة الاستخارة وفكري وكوليلي شنو رايج
ملاك هزة راسها بالايجاب ودنكت
سناء بداخلها :هاي فاتحتها بالموضوع واستحت ومريم طلعت ويا مستحت والله يوسيم ما تعرف تختار الله يجعلها من نصيبك
بنفس البيت بس بغرفة ثانية
:عباس جيت اختك مو علمود النجاح مبين من وجههة ما نزلت عيونها عن ملاك
عباس :نادية خل انام وبعدين اكيد اتشوفها لان جابت هيج معدل فرحانة الها
وفاء زوجته ١:انت ما تعرف للنظرات مبين عليها ذيج هيه
عباس :بما انو هالكد ما شا الله تفرقين شنو نوع النظرات
وفاء :اني اكول يمكن تريد تخطبها لوسيم
عباس :ما اظن جان كالت من البداية من اجتي ما فتحت الموضوع ولا لمحت
وفاء:ما ادري اكول يمكن...
عباس قاطعها :لا يمكن ولا شي اريد انام طفي الضوا ونطاها ظهرة
وفاء كشت علي وطفت الضوا
عند وسيم كاعد بالحديقة
مريم :حبيبي شو ماكو اليوم حتى ما خابرت بس الصبح
وسيم :حبيبتي اجينه لبيت جدو ومصارلي مجال احجي وياج
مريم :وايمتى ترجعون حتى اشوفك
وسيم :ما ادري اشوف امي شكد تريد تبقى اذا اطول ارجع وبعدين اجي اخذها
مريم :ي حبيبي لا اطول لتخلين اشتاقلك واني هسه ومشتاقتلك
اجا خالد جايب جاي والجو حلو
وسيم ارتبك :ان شا الله بعدين اخابرك
مريم حست بي :حبيبي اني مريم
وسيم :اي اعرف ان شا الله الصبح اخابرك اجا ابن خالي
مريم :ها اوك حبيبي باي
وسيم :باي وسدة وابتسم بارتباك
خالد: ليش سديته عادي ترا ما نخرب جوك وغمزلة
وسيم: هههه يا جو هذا صديقي
خالد :يي وصديقك هالكد ترتبك
وسيم :لا بس كلي شغلة تخص الشغل خوفتني شوي
خالد :عادي يمعود ولا يهمك الشغل ميخلص استرخي وية الجو
وسيم : يي والله الجو يخبل مال نركيلة
خالد :يي والله بس ابوية ما يقبل وما اجيبها للبيت اشرب بالكوفي بس
وسيم :لا اني تقريبا يومية اشرب
نعوفهم شوي
الجد:سناء اني من بعد موت امج الله يرحمها احتاج لاشياء كثيرة ونسوان اخوج دوبهم البيت وهم مو متراهمين اريد وحده تكون وياية تساعدني وهاي اني كدامج نظري ضعيف ويادوب اشوف
سناء :بابا محد يمنعك من هالشي ودور واتزوج بس لا تحطها يم جناينك انت مو ناقصك مشاكل
الجد :يي والله خفت ترفضين
سناء :الميت الله يرحمه واني ما اريد اكسب خطاك الله يسهلك
الجد :امين
الصبح
النسوان يفطرون
سهاد الزوجة ٢:ملاك حبيبتي تطلعين تتسوقين للكلية
ملاك :ما ادري بعد وكت من هسه
سهاد :والله فرحتلج تستاهلين كل خير واذا احتاجيتي شي هاي كدام الكل تعاي علية
ملاك :ان شا الله خالة متقصرين
سناء :لا هيه حبيبت عمتها اي شي تحتاجه تجيني
نادية تشرب جاي وتلوي بوزها رادت تقهر ملاك :لو موجودة المرحومه جان ما قصرت وياها
ملاك وكانو انفتحت جروحها
سناء :يي واحنه هم منقصر كم ملوكة عدنه
ملاك حبت تختلي بنفسها دموعها بالطارف :عن اذنكم كامت تركض طلعت من المطبخ بس انصدم بشي قوي :وخر خلودي
وسيم اتفاجا بوحده ضعيفة وحلوة بشرتها بيضة وشعرها مو طويل حيل ولا قصير
اتفاجات ماكو رد رفعت عينها شافت مو خالد اتراجعت ليورا :اعتذر وراحت تركض لغرفتها
وسيم مصدوم شكد حلوة وعيونها بنية فاتحة وية ضوة الشمس وسيم جان يريد يروح للحمامات يم غرفة الضيوف والمطبخ صاير قريب على الغرفة ممر بي المطبخ والغرفة اما غرفة ملاك بنهايته اكو درج يودي لغرفتها
وسيم حلوة معقول ملاك ابتسم هاي راح تكون زوجتي تذكر مريم عصب شلون نسيت حبيبتي بس شفتها حبيبتي الي ما تمر لحظه اذا ما افكر بيها
وراح كعد يم الزلم بس تفكيرة يودي ويجيب
نروح يم ملاك :معقولة هذا وسيم ابتسمت اسم على مسما خشمه محدود مثل السيف وعيونه هم محدودة سبحان الله وعيونه بنية غامق
البارحه من صليت ارتاحيت بس خايفة اوافق ويصير بهالي مثلي اااخ يا يمة ليش هيج شسويتلج وتخليتي عني بدت تبجي معقولة اني جنت هم على كلبها لهلدرجة مو مرغوب بية وربي احب بابا حتى اذا مقدملي شي اهم شي ما ذبني مثلها ومقصر وياية بشي اي شي اريدة يجيبلي بس الحنان محتاجته منه هواي محد قدملي بس جدة هة وينج جدة تشوفين حفيدتج جنت اريد اشوف فرحتج الي بنجاحي ودخولي طب عام كل هالكد جنت حمل ثكيل عليج
سناء اجت تشوفها دكت الباب ملاك مسحت دموعها وكامت فتحت الباب وابتسمت هلا عمه فوتي
سناء فاتت :ملوكة لا تزعلين من كلام نادية تعرفين هذا اسلوبها وية الكل
ملاك :لا عادي اتعودت على حجيها
سناء :يي خوش يكلبي
ملاك بتردد :عمة
سناء :ها عمة شبيج احجي لا تستحين اني عمتج احسبيني امج
ملاك :
بالنسبة لخالد صدك انو وسيم جان يحجي وية صديقة ؟
راح ترفض ملاك او راح توافق ؟
الى هنا وينتهي البارت تفاعلو حتى اعرف اذا عجبكم
قراءة ممتعة
ولمحبي الروايات الخليجية سأنتقم لكن بهدوء على منتدى الغرام وكتبولها من طرف جوجو
مع تحياتي جوجو 💫
أنت تقرأ
حياة البؤساء
Romanceطفلة تحب والدها لكن لا تعرف تركتها منذ ان كانت بعمر السادسة من عمرها ماذا سوف يحدث للطفلة التي كبرت ؟ رواية مكتملة
