مساء خير والمحبة على عيونكم الحلوة
❤❤❤
ومنحس غير صوت هز البيت هز…
كلنه خفنه وضلينه نعيط ونبجي من الخوف بعد الصوت القوي صار رمي على البيت من جهه الاماميه
كلنه تمددنه بلكاع الشبابيك تفلشت والكزاز صار يتثاثر علينه مثل المطر وانه مدنكين
اني متمدده جوه عبات بيبي صايرتلي مثل المضله
نبجي ونصيح (دخيلك يا علي احضر يا علي يا الله يا الله)من الفزع والخوف مادري اشكد طول بس ابوكته كلنه هايهيه راح انموت اشويه وخلصت الهوسه بيبي تردد لا تخافون لا تخافون هاي دكه مايكتلون احد بس يدكون لبيت تحجي وتهدي بيه وهيه ترجب من الخوف والرعب هاذ اسوء موقف مر بحياتي من هده لصوت كمنه بس شنو منكدر نمشي على الكاع من الكزاز المطشر
كامن النسوان الكبار وكل وحده وجهالهه وراهه واني وره بيبتي مجلبه بعباته… طلعنه من الستقبال
اكو ناس بره وحجي قويه الجو اضلم طلعنه ونشوف نار مشتعله ملحديقه
شامرين قنبله يدويه بس صايره بلسندانه والسندان رصاص مفجوره بس ما مثره اهوايه بلطارمه
شفنه النار وخترعنه بل زايد الزلم بره يصيحون…
يا اهل البيت شكو اشصار وين الولد ..محتاجين مساعدة بيبي راحت فتحت الباب ودخلو للطارمه وهيه تحجيلهم ..
علي صار احنه الجهال كعدنه على صفحه
والبنات الكبار يفترن يلمن بلبيت…
اني كولش خايفه كاعده متكرفجه على حافه باب المطبخ وبس ادموعي تنزل البيت ضلمه. ضوه قليل يجي من ابيوت الجيران جهال عمي كاعدين يمي
فتره واجه عمي صادق وطب للبيت يركض
صادق… هااا ولجن خو ما تعور احد جاوبته عمتي ناديه لا.خويه ماكو شي كلنه كمنه من شفناه اجه
دخلو وراه ولد عمه
يسئلو يستفسرون عن الي صار
واكفين بل طارمه نرجس راحت جابتلهم مي
بيبي كاعده على الكرسي وتسمع لهم وهيه مدنكه على عوجيته مخليه اديه اثنينهن وحانيه راسه من كد ما حيله مهدود ماتكدر حته ترفع راسه اني واكفه يمه واسمع شيحجون. شي افتهمه وشي لا
احمد .. يخوي والله لاتخاف انه اخذهم لبيت خالك لشيخ وانته ابقه اهنا شوف اشلون تصفه
صادق.. يمعود هوه. غير كون ياخذون لعلك حته تعرف راسك من رجليك لحد هسه مانعرف السالفه شنهي
محمد.. ابو حسن كول يا الله شسالفه
صادق.. والنعم باالله يخوي مدري منين اجت هاي
احمد… انه خلي اتوكل اخذ لعيال
صادق.. اي يخوي بساعك هم يله توصل
عمي تلفونه ماسكت وعمي سلام ماموجود
جاي يلم ناس من اقاربنه يساعدوهم بهل مصيبه
أنت تقرأ
ليتني لم اكن انا
Randomفتاه عاشت في بيت بسيط لتتحول حياتها الى متاهات ومغامرات وعشق صعب المنال لتتمنا لو ليتها لم تكن هيه صراع الحب والشغف والعداله والشرف
