#ماضي_لا_ينتهي
#بوسي_مصطفى
____________
الحلقة ٤٢
في الصباح... في التليفون📞
ندى : حصل امتى الكلام دا يا نادين
نادين : رامي لسه مكلمني من شوية يا ندى
ندى : طب ينفع نزوره هناك
نادين : وانتي جوزك هيوافق تروحي هناك يا ندى
ندى : معرفش بس انا هقوله
نادين : متستعجليش هو هيعرف لوحده
ندى : يعني ايه مش فاهمه
نادين : مش فاهمه ايه بس يا ندى
بابا في المستشفى تفتكري بعدها هيخرج يروح فين
على البيت ولا هيتقبض عليه ويدخل السجن
دا ان مكنوش اصلا موقفين حراسه علي الغرفة اللي
هو فيها جوه المستشفى
ندى : عندك حق
نادين : اجمدي بقى علشان اللي جاي صعب يا ندى
ندى : عارفه أنا تعبانه ليه يومين
غير إن قلبي كان مقبوض واهو اتحقق اللي كنت خايفه
منه.
ياتري ايه اللي مستنيني بعد كده
نادين : توقعي أي حاجه علشان متتصدميش
ندى : ب تخوفيني ليه
أنا عايشه في رعب طول الوقت
نفسي استريح
نادين : وأنا نفسي استريح من الدنيا دي كلها
ندى وهي بتبكي : خديني معاكي
نادين : اهدي اللي حصل حصل خلاص
ندى : سلام يا نادين
نادين : هبقي إتصل اطمن عليكي
ندى : ماما عامله ايه
نادين : معرفش عنها حاجه
بفكر اروح هناك تاني
بس المرادي بقى متطردناش
ندى : لما تقرري تروحي هناك ابقى قوليلي
احتمال ارجع أنا وماما شقتنا القديمة
نادين : متسبقيش الأحداث
يمكن يطلع اعقل من كده
وبعدين ما دا اللي متوقع من زمان يا ندى
ندى : لو كان بابا قدر يهرب
افضل من إنه يتحبس ويتحكم عليه يا نادين.
دلوقت خلاص مبقتش اقدر ارفع عيني في عين
حد
معرفش ليه بابا لجأ للطريق دا
ما طول عمرنا عايشين بالحلال
اه كان بيعدي علينا اوقات صعبه
كتير بس كفايه اننا بنكون جوه بيتنا مطمنين
مفيش بوليس بيجري ورانا
ولا في عيون حوالينا مرقبانا
ولا عينا مكسوره زي دلوقت يا نادين
نادين : ب ايدك حاجه؟؟!
ندى : اكيد لأ
نادين : ولا انا يبقى استسلمي
بقى وبلاش معافره االي حصل حصل وأنتهى
سلام.
علشان مش قادرة اتكلم خلاص.
وقفلت نادين وهي مخنوقه بالبكاء.
وندى كمان.
________________
في شقة دكتور مروان.
سليم : بس كده
ليلى : يعني هتشتغل كده على طول؟؟
سليم : هو انا لسه تلميذ يا ليلى
علشان يتعملي اختبار؟؟
ليلى : مقصدش يا سليم
على العموم ألف مبروك
سليم : مش من قلبك
ليلى : بس بقى يا سليم عندي شغل ولازم انزل حالا
يضمها ليه : ليلى انتي بتبعدي عني كتير
في ايه قوليلي؟؟
ليلى : اظن أنت اكتر واحد فاهم الوضع اللي بقينا فيه
يعني مش لازم اتكلم.
سليم : فاهم يا حبيبتي
وكل دا مؤقت.. بكره يبقى لينا شقة لوحدنا ونعيش فيها
بقى براحتنا.
ليلى : خلاص ولحد اليوم دا ما يجي.. ياريت تستحمل
معايا شوية.
سليم : مش فاهم
ليلى : هطلع فوق عند بابا
وعلشان خاطري متقوليش زعلانه من ايه ولا اقعدي وميهمكيش والكلام دا
علشان انا نفسياً مش قادرة.
سليم : وهتقدري تبعدي عني يا ليلى؟؟
ليلى : مش قولت وضع مؤقت؟؟
سليم : ما هو انا كمان معرفش هينتهي امتى
شهر شهرين على حسب بقى
معرفش.
ليلى : احنا نقدر نشوف شقة ولو حتى إيجار مؤقت لحد
ما نحوش مبلغ ندفعه مقدم في شقة تمليك
اظن الحل دا كويس.
سليم : مش هعيش أنا في شقة إيجار يا ليلى.
ليلى : على قد المتاح لينا يا سليم
دا لو عايزني ابقى معاك
لكن بالوضع اللي احنا فيه دا
معلش انا آسفه مش هقدر اقعد هنا
انا هاجي من بره اخد شنطتي واطلع شقة بابا.
سليم : ليلى... ليلى استنى
مينفعش تخرجي كده من غير ما نوصل لحل.
عند باب الشقة
ليلى : وانا قولتلك اللي عندي
هاتلى اوضه لو حتى فوق السطوح انا موافقه
بس مش قاعدة هنا يا سليم
مسك ايدها : ليلى متمشيش خلينا نتفاهم
ليلى : نتفاهم على ايه
انا قولت اللي عندي.
سليم : بتصعبيها عليه ليه يا ليلى
ليلى : مبصعبهاش عليك
انا قدمت كل الخيارات المتاحه ليه قدامك
انا موافقه على أي مكان نعيش فيه مع بعض إلا المكان
دا
سليم : عارف ان بابا معاملته جافه معاكي بس معلش
ممكن تستحملي علشان خاطري.
ليلى : ولو مش قادرة يا سليم
هتجبرني اعيش هنا بالعافيه؟؟!
سليم : لأ يا ليلى اكيد مش هجبرك
بس هيبقى الوضع صعب عليه.
وأنا محتاج في الوقت دا وقوفك
جنبي.
ليلى : هفضل واقفه جنبك وعمري ما هتخلي عنك
بس علشان خاطري بلاش تجبرني اعيش هنا
نفسياً مبقتش مستحمله الوضع دا
سليم : طيب علشان خاطري استحملي بس الليلة
وانا اوعدك هحاول احل الموضوع
ليلى : انا مش عايزاك تدخل في مشاكل مع باباك علشان خاطري يا سليم
سليم : مفيش مشاكل ولا حاجه يا ليلى
كل حاجه ب اللين بتتحل
وبابا انتي عارفه بيحبك قد ايه
ليلى : حاضر يا سليم هستحمل الليلة بس علشان خاطري متضغطش على اعصابي اكتر من كده
سليم : هحاول اوعدك إني احل الامور دي
ليلى : طيب سلام بقى علشان متأخرة
سليم يضمها ليه : معقوله هتنزلي كده
ليلى : خلاص بقى يا سليم مامتك جوه.
سليم ببتسامة يطبع قبله على خدها :
مع السلامة يا حبيبتي
خدي بالك من نفسك
ليلى : حاضر.. سلام
وخرجت ليلى من الشقة.
فريال : ليلى اللي خرجت دي يا سليم
سليم : ايوه يا ماما
فريال : خارجه لوحدها
سليم : عدي هيوصلها الجورنال في طريقه.
فريال : طب كويس
تعالي كمل فطار بقى.
سليم : شبعت هدخل ألبس.
فريال : ايه دا انت نازل
سليم : هنزل اشم شوية هوا
فريال : خلاص يا حبيبي براحتك
بس تيجي على ميعاد الغدا
ولادك مبيتعبوني اوي ومبيرضوش ياكلوا من غيرك
انت وليلى.
وطبعاً ليلى في الشغل مفيش غيرك بقى
سليم ببتسامة : حاضر يا ماما.
______________
أنت تقرأ
ماضي لا ينتهي
ChickLit_______المقدمة ________ سرعان ما تمر الأيام وتمضي السنين. القصة تتحدث عن خمس أبطال لقصص قديمة دمجتهم مع بعض نبذة مختصرة عن ماضي كل قصة معانا :_ 💓ندى ومازن ندى من أسرة بسيطه احبها شقيق مازن الدكتور يوسف ولكن بعد معرفته بحب أخيه البشمهندس مازن ب...
