قصة : ( الوجع ) ل سهيلة سعيد المنجي ( كاملة ، متعدلة )

الحلقة ١١ و ١٢

قصة : { #الوجع } 🔥💔

الحلقة الحادية عشر { ١١ } ✍🏻

( العربية شباكها مقفول لكن الماية بتدخل ، تحاول ماليكة تفك الحزام مش بيتفك ، عبود واقف مش عارف يعمل ايه ، يقلع الچاكيت وينط ف الماية ، الماية تملى العربية ، تفضل ماليكة حابسة نفسها ، تبص تلاقي عبود بيفتح باب العربية ، تشوفه ونفسها يضيع ، تغمض عيونها ، يفكلها الحزام وياخدها يطلعه م الماية ، يحطها ع الشط )
عبود ب خوف : متموتيش ، متموتيش بالله عليكي متموتيش 😦
( ماليكة قاطعة النفس ، الناس ملمومة )
عبود ب زعيف : حد يتصل بالأسعااااااف 😧
( يتصلوا بالأسعاف ، يديها نفس ويفضل يضغط ع قلبها ، تكح ماليكة وتبدأ تتنفس وتفتح عيونها ، يحط ايده ع خدها يبعد شعرها عن وشها ، تبصله مش قادرة تتكلم عمالة تفتح وتغمض ف عيونها ، ياخدها ف حضنه جسمها كله بيترعش لحد م توصل الأسعاف تاخدهم المستشفى ، ماليكة ف الطوارئ ، عبود واقف هو وصحابه برة ، تطلع ماليكة ويدخلوها اوضة ، عبود وصحابهم حواليها )
عبود وهو ماسك ايدها : حمدلله ع السلامة ي قلبي ♥️
ماليكة : الله يسلمك ♥️
فهد : هو ايه الي حصل بقا ؟!
رون : صحيح وقعتي ازاي ف الماية !!
ماليكة ب تعب : مش عارفة ، في عربية فرملت قدامي ، جيت احود طلعت ع الرصيف ، وبعدين وقعت ف الماية
دانة : تعيش وتاخد غيرها ي عم احمد السقا 😁
الكل : هههههه 😄
عبود ب خوف : بعد الشر 😕
تالة : لا وحظك الجو برد اوي ، زمانك اتجمدتي !
ماليكة : ف الأول بس ، بعد كدة محستش ب حاجة 🙆
( يدخل الدكتور )
الدكتور : عاملة ايه دلوقتي ؟
ماليكة : الحمدلله
الدكتور : حاسة ب تحسن ؟
ماليكة : اه ب كتير
الدكتور : لولا دفى جسم عبدالله كان زمانك موتي م البرد ، لإن الأسعاف خدت وقت عبال م وصلتلك
( ماليكة ماسكة ايد عبود ومبتسمة ، علي واقف ع ناااار 🔥 )
الدكتور : تقدري تخرجي م المستشفى ، انتي بقيتي كويسة ، حمدلله ع سلامتك مرة تانية
عبود : شكراً ي دكتور
الدكتور : العفو ، عن اذنكم
( يخرج الدكتور )
رون : يلا استنونا برة عبال م نلبسها 👏
( يطلعه الشباب برة )
فهد ب استغراب : انت ازاي عرفت تطلعها ؟!
عبود : كنت اسيبها تغرق يعني !
فهد : لا طبعاً ، بس انا لو مكانك صراحة مظنش كنت هنط وراها ، دة المنظر يرعب من فوق الكوبري ، كفاية الأرتفاع !!
عبود : بيتهيقلك ، عشان انت مش مكاني بس
( البنات يلبسه ماليكة ويطلعه م المستشفى ، كل واحد يروح ع بيته وعبود يوصل ماليكة وملك البيت ، يطلعها لحد اوضتها ويغطيها هو وملك وتنام )
عبود ب قلق : خلي بالك منها والنبي ي ملك 😕
ملك : حاضر والله متقلقش
عبود : انا ماشي ولو في اي حاجة اتصلي بيا اوك
ملك : اوك
( يمشي عبود ، بعد يومين ، ترجع ماليكة الكلية ، ييجى ميعاد المحاضرة ويطلع الكل يحضره ، تخلص المحاضرة )
عبود وهو بيركب العربية : وراكي حاجة ؟
( تركب ماليكة )
ماليكة : لا مواريش
عبود وهو بيشغل العربية : طب نتغدى سوا
ماليكة : اوك
( يروحوا مطعم )
عبود : عاملة ايه دلوقتي ؟
ماليكة : الحمدلله احسن
( يقربوا عليهم اربع بنات باين ولاد ناس جداً )
هدى : عبدالله 😃
( يسلمه ع عبود ويبوسوه من خده ، تستغرب ماليكة )
كارمة : فينك ي بني بقالنا فترة مشفناكش 🤷
عبود : موجود اهو 😊
هايدي ب حب : وحشتنا اوي والله 😍
( ماليكة قاعدة ع اخرها ومش فاهمة حاجة )
كارول وهي بتبص ل ماليكة : مش تعرفنا مين ؟
عبود : اه ، ماليكة ، كارمة وهايدي وهدي وكارول ، بنات عمي
ماليكة ب فهم : ااااه ازيكوا 😃👋
هدى : ازيك انا هدى توأم هايدي 👋
كارمة : وانا كارمة 👋
هدى : دي حبيبتك صح ؟
عبود : اه 😊
كارول : لو مضايقك ف حاجة الواد دة قوليلنا بس 😉
ماليكة ب كسوف : هههههه حاضر 😅
هايدي : بس زوقك حلو ي عبدالله ⁦قمراية 🥺
ماليكة : ميرسي ، انتي احلى 😄
عبود : منورين والله 😊
كارول : شكلك بتسربنا !
ماليكة : هههههه 🤭
عبود : وانا اقدر برضو 🤷🏻‍♂
كارول : واحنا هنبقا احسن منك وهنمشي
عبود : كلك زوق 😊
كارول : اي خدمة ، يلا ي بنات خلينا نسيبهم يكمله حب ف بعض ، باي ⁦✋
ماليكة : هههههه باي 😄
هايدي : باي ي ماليكة
هدى : باي
ماليكة : باي
كارمة : باي ي كوكي
ماليكة : باي ي قمر
( يمشوا البنات )
ماليكة : شبهك اوي !
عبود : كنت متربي معاهم
ماليكة : بس واضح من شكلهم إن عمك دة روش اوي 🤔
عبود : اه ، اوي 😐
( ييجي الجرسون يحط قدام ماليكة طبق فيه كيك الحظ )
ماليكة ب فرحة : الله ، انا بحب اقراها اوي 😍
( تفتح ماليكة الكيك تلاقي فيه ورقة مكتوب فيها تتجوزيني وتلاقي عبود راكع جنبها وف ايده علبة فيها خاتم ، تبتسم ماليكة وعيونها تدمع )
عبود : موافقة ؟
ماليكة ب فرحة : اه 😍
( يلبسها الخاتم ، تقوم تحضنه من غير تردد ويحضنها وتسقف الناس )
ماليكة : انا بحبك اوى ♥️
عبود : وانا بحبك اكتر ♥️
( تعدي الأيام ، يتقدم عبود رسمي ل ماليكة ، مترضاش ماليكة إنهم يعمله خطوبة ويتفقوا إنهم هيعزموا صحابهم ف مطعم احتفالاً بالخطوبة وبس ، عبود ف مطعم كبير )
عبود ب توتر : خطيبتي جاية ف السكة ، بالله عليك زي م اتفقنا اوك ⁦☝⁩
المدير : متقلقش حضرتك انا فهمت الوضع
عبود : تمام
( توصل ماليكة )
ماليكة : حبيبي ازيك ؟
عبود : فل ي قلبي ، ايه رأيك ؟
ماليكة ب استغراب : رأيي ف ايه ، انت عاوزنا نعزم صحابنا هنا ؟!
عبود : مش عاجبك المكان ؟
ماليكة ب صوت واطي : لأ طبعاً تحفة ، انا شخصياً بعشق مطاعم موكا ، بس دي حجزها غالي اوي !
عبود : مالكيش دعوة بقا بالكلام دة ، وبعدين مافيش حاجة تغلى عليكي
ماليكة : طب م نشوف مكان تاني طيب ، مش لازم هنا 😕
عبود : انتي مش المكان عاجبك ؟
ماليكة : اه عاجبني ، بس في اماكن تانية هتعجبني برضو
عبود : لا خلاص هنحجز هنا 🤷🏻‍♂
ماليكة : طب كدة كدة الخطوبة النص ع العريس والنص ع العروسة ، نقسم فلوسه بالنص ⁦
عبود : خطوبة ايه الي بالنص ي ماليكة ، مش كفاية وافقت ع إننا منعملهاش ف قاعة ، بطلي كلامك دة بقا عشان بيزعلني !
ماليكة : ي حبيبي مش قصدي والله 😟
عبود : عارف وفاهمك ، انا لو عليا عاوز اجيبلك الدنيا كلها تحت رجلك ♥️
ماليكة ب حب : تسلملي يارب 🥺
المدير وهو بيقرب عليهم : ماليكة هانم منورانا
ماليكة : ميرسي ي فايز ، الديكور الجديد يجنن بجد ⁦✨
المدير : دة من زوق حضرتك ، لو محتاجين تغيره اي حاجة قوله بس
ماليكة : لأ تمام كدة
المدير : اوك
( يقفه يتكلمه ، بعد يومين ، يعزموا صحابهم ف المطعم من ضمنهم ملك وعلي ، الكل قاعد )
جاسر ب اندهاش : حجزت المطعم دة ازاي ي بن المحظوظة ، دة انا بحجز قبلها بشهر ع الأقل 🤷🏻‍♂
رون : اه حجزه دايماً مقفل !
عبود : ليا طرقي الخاصة 😉
علي : بس مش كتير عليك ميزانية المطعم دة 💁🏻‍♂️
( تضايق ماليكة )
عبود وهو بيمسك ايد ماليكة : مافيش حاجة تكتر ع ماليكة 🙂