تفاعل قوى بارت طويل اهو😉
البارت السادس💜
...بعد مرور اسبوعين..
..تستند بظهرها على الحائط تتابع والدتها بصمت..
داليا:دون ان تلتفت..هتفضلى واقفه تبصيلى كده كتير؟
داليدا:ببتسامه..وانتى كل مره تعرفى ازاى انى واقفه اصلا؟!
داليا:بشوفك بقلبى يا ضنايا.. مش هتروحى كليتك انهارده ولا ايه؟؟
داليدا:لا مش هروح مافيش محاضرات انهارده ومش هروح الورشه كمان..
هحضر فطار ونفطر سوا وبعدين انزل الجيم عندى شغل كتير فى انهارده..
داليا:طيب يله تعالى قيسى الاول خلينى اشوفهم مظبوطين عليكى ولا لاء.
داليدا:ومن امتى كنتى تفصليلى حاجه ومتطلعش مظبوطه عليا بلملى..لتقترب تقبل يدها بحب شديد..
ربنا يخليكى ليا انتى وعبد الرحمن ومتحرمش منكم ابدا..
داليا:بحب اشد..ويحفظك ويحميكى انتى واخوكى واشوفك احسن واكبر مهندسه يارب وبعدين اشوفك اجمل عروسه فى الكون كله مع راجل يصونك ويقدرك يا دليدا يا بنت داليا قادر يا كريم يارب..
داليدا:بمزاح...يعنى لو جالى عريس دلوقتى مش هتوافقى عليه الا لما اخلص كليتى؟
داليا:بتأكيد...طبعا مش هوافق...لتتحدث بهدوء..
اسمعينى يا داليدا انتى جالك عرسان كتير اوى وانا كنت برفدهم من بره بره ومن غير ما اعرفك مش تقليل منك ولا بلغى رأيك..
بس يابنتى صاحب بالين كداب وصاحب تلاته منافق..
وانتى من الكليه لشغلك فى الورشه وللجيم كمان..
دلوقتى لو اتجوزتى هيبقى وراكى مسؤليه زوج وبيت هتهملى فيهم ولا هتهملى فى دراستك ولا شغلك ولو ربنا رزقك وحملتى على طول هيبقى مسؤليه طفل كمان..
يبقى العقل بيقول ناخد شهاتنا وتقفى على ارض صلبه وبعد كده نشوف وننقى عريس على الفرازه..
داليدا:بتفاهم...عندك حق يا ماما...انا بنغشك يا ام الدود..
داليا:بخبث..بس لو مثلا مثلا يعنى حبيتى واحد وحبيبتى ترتبطى بيه رسمى طبعا ها فهمانى اكيد..ساعتها ممكن نفكر يبقى فى خطوبه على ما تخلصى..
لتضحك داليدا حتى ادمعت عينها وتتحدث من بين ضحكاتها..
داليدا:لا يا ام الدود اطمنى مبحبش حد انا...
داليا:بفخر..بنتى تربيتى احلى داليدا فى الدنيا..
داليدا:بستفهام...ماما مين سمانى داليدا واشمعنا الأسم دا؟؟
داليا:بتنهيده وابتسامه حب..عامر حبيبى الله يرحمه..
ابوكى اللى سماكى..
كان عايز يسميكى داليا على اسمى..بس انا مرضتش قولتله العين هتبقى علينا والناس مبتسكتش وخد بقى عندك لت النسوان هنا فى المنطقه هيفضلو يقولو شوف يا ختى الراجل من حبه فيها سمى البت على اسمها والحقد والحسد يشتغل..
قالى خلاص اسميها داليدا قريب من اسمك وسمانكى داليدا يا احلى داليدا..
لينتبهو لصوت عالى وخبط على باب شقتهم..
داليا:بقلق..استر يارب مين اللى هيجلنا على الصبح كده وايه الدوشه الجامده اللى بره دى...
لتسرع داليدا تجاه الباب وهى ترتدى اسدال صلاتها..لتفتح الباب وتجد محمود ابن خالتها..
داليدا:فى ايه ياض بتنهج كده ليه وايه الدوشه اللى تحت دى؟
محمود:الحقى يا دود البت اللى بتغنى اعلان قوطونيل بتسأل عليكى ومحمد ومصطفى عاملين لها بودى جارد وجيبنها على هنا..
داليدا:بستغراب..بت مين وقطونيل ايه؟
محمود:البت المزه اللى بتطلع فى التليفزيون بتقول..ليسرسع بصوته بشده محاولا تقليدها...
هاااااابى نيو ييييير وذ قطونيييييل...وبتغمز بعنيها دى..
لينتفضو على صوت صريخ..
جيسى:بفرحه...عاااااا ديدا انا اطلقت؟؟
//////////////////
..شارده بحزن تنهر نفسها بشده ظنا منها انها اخطأت بحق ابنها بأصرارها على زواجه من ابنه اختها...لتفيق على قبله اعلى راسها وقبله اخرى على يدها ويمسك يدها بحنان يربط عليها..
عمار:صباح الخير يا ست الكل..ايه يا ماما مالك يا حبيبتى؟
عاليا:ببتسامه وجع..صباح النور يا حبيبى...انا كويسه متقلقش طمنى عليك انت...لتضع يدها على وجه بحب..انت كويس يا حبيبى؟
عمار:ماما يا حبيبتى اطمنى انا كويس والله متقلقيش عليا..
ليأخذ نفس عميق ويتحدث بأسف..
ماما ارجوكى متزعليش منى علشان طلقت جيسى..
لتقاطعه عاليا بدموع.
عاليا:انت اللى متزعلش منى يا حبيبى علشان صمتت انك تتجوزها...لتتنهد بأحراج..
احححم جيسى قالتلى على كل عاميلها..
عمار:بستفهام..عمايل ايه اللى قالتلك عليها الهبله دى؟؟
عاليا:بخجل..قالتلى على المخدرات وال احححم الحركات اللى كانت بتعملها مع اصحابها الشباب..
ليضحك عمار حتى ادمعت عيناه ويتحدث من بين ضحكاته..
عمار:مش بقولك البت دى هبله وعبيطه كمان..
عاليا:بفرحه..يعنى هى مبتعملش الحركات دى ولا اسمها جيسى حركات..
عمار:بمزاح...لا هى فعلا اسمها جيسى حركات..بس حركات هبله...ليكمل بجديه..
يا ماما يا حبيبتى انا وافقت على كتب كتابى انا وجيسى اولا علشان مزعلكيش علشان عارف انك بتحبيها اوى وخايفه عليها من قعدتها لوحدها..
بعد ما كتبت عليها عرفت انها مصاحبه شله عيال صايعه متعرفيش تفرقى بينهم مين البنت ومين الولد..
لمتهم كلهم عندى فى القسم وشدتهم وقالولى كل اخبارها وحظرتهم ان لو حد منهم حاول يكلمها تانى ولو هى حتى حاولت تكلمهم ميرضوش عليها مهما حصل..
عاليا:طيب والمخدرات والبوس الساخن والأحضان السيكسى
اللى قالتلى انها بتعملهم كانت بتكدب عليا ولا ايه فهمنى يا عمار انا قلبى واجعنى عليها والله اوى..
عمار:بهدوء..مش بقولك البت دى هبله..هى فعلا كانت بدأت تاخد برشام ترمادول بس انا لحقتها..وبالنسبه للبوس والاحضان عايز اقولك ان الشباب اللى جيسى بتقولك عليهم دول عارفه بنت اختك بكل دلعها وميصتها دى كلها تعتبر هى أرجل من اللى بتقول عليهم شباب دول...ليصمت قليلا..
يوم لما جت هنا ودخلت تصحينى وانا خرجت طردتها قبلها بيوم كنت جايبها من ديسكو شبه سكرانه وكانت اول مره تعملها واترهنو على حكايه البوس والأحضان وانا لحقتها قبل ما حد يلمسها اطمنى يا ماما بنت اختها محدش لمسها..
عاليا:بدموع فرحه..بجد ياعمار يعنى البنت مش مدمنه ولسه بنت بنوت؟احححم قصدى ان انت ملمستهاش وهى على ذمتك صرحنى يا ابنى خلى قلبى يرتاح..
عمار:بتأكيد..انا ملمستهاش يا ماما صدقينى...ليضع يده على جبهته ويتحدث بأحراج ومزاح ايضا...رغم انها حاولت معايا مره بس محستش معاها بأى مشاعر غير انها زى لمار اختى وكان واضح اوى انها خام من طريقه حضنها ليا بتحضنى كانها خايفه من حاجه و بتستخبى فيا...ليضحك بشده...لا وبتبوسنى كأنها بتبوس عيل صغير..
عاليا:بأحراج..بس يوم ما طردتها من هنا انا شوفتها وهى خارجه من اوضتك بتعدل هدومها كأنها اححححم كانت قلعاها..
عمار:ببتسامه..هى فعلا قلعت الجاكت اللى كانت لابساه وفضلت بفستان عريان من فساتنها القصيره اللى بتلبسها دى وانا زعقتلها وخرجتها من الاوضه اطمنى يا ماما والله ما لمستها..
عاليا:مصدقاك يا حبيبى بس عيزاك تخلى بالك منها دى مهما كانت بنت خالتك..لتتحدث بوجع...كفايه امها وابوها مش سألين عليها..
عمار:عنيا يا حبيبتى متقلقيش انا عينى عليها وهفضل جنبها لحد ما تطمنى عليها وتروح بيت جوزها بأمر الله..
عاليا:تسلم يا حبيبى ربنا يفرح قلبك ويرزقك ببنت الحلال اللى تملى قلبك بحبها...لتلمع عين عمار ويضئ وجهه متذكرا بحور العسل الصافى بعيون هذه الداليدا..
لتبتسم عاليا بخبث وتتحدث بعبث..الله عينيك بتلمع..
دا ايه اللمعه الحلوه اللى ظهرت جديده دى؟؟واد يا عمار انت وقعت وحبيت ولا ايه ياواد؟؟
عمار:بضحك وفرحه:هحكيلك يا ام عمار....
/////////////////////
...سيقضى عليها فضولها..
تسأل كل من يسير بالشارع ماذا يحدث عند منزل اختها الذى يبعد عنها بعده منازل..
نار الحقد والغل تأكلها تتمنى يكون قد اصابهم مصيبه او يكون ابنها نفذ مخططها واغتصب داليدا..لتحدث نفسها بغيظ وهى ترتدى عبائتها وتهم بالخروج..
دولت:انا هفضل قاعده اكل فى نفسى كده اما انزل اشوف ايه اللمه اللى عند اللى ما يتسمو دى على الصبح؟؟
لتنتبه لأحمد ابنها الذى يستعد للخروج..
احمد:ببتسامه..صباح الخير يا امه...لينظر لها بتمعن وهى تحدث نفسها بغضب ولم ترد عليه ليقترب منها ويقبل رأسها رغم اعتراضها...امممم مالك بس يا ام احمد مين اللى معكر مزاجك على الصبح؟؟
لتلوى دولت فمها بضيق وتتحدث مصتنعه البكاء.
دولت:ام احمد مفلسه معهاش ولا مليم يرضيك كده يا احمد..
ليخرج احمد مبلغ من المال ويعطيه لها..
لتلمع عين دولت بفرحه وطمع ويتحدث احمد بحنان..
احمد:لا ميرضينيش يا ام احمد خلى معاكى دول وانا هخلص شغل واطلع بالتاكس شويه ادعيلى ربنا يرزقنى انهارده وهاخدك افسحك واغديكى بره كمان..
لتدعى دولت من صميم قلبها بصدق..
دولت:ربنا يوسع رزقك ويفرح قلبك يا احمد يا بن بطنى بواحده تكون قمر 14 تشكمها انت وتديها على حنطور عينها وهى تقولك حاضر ونعم يا سى احمد...ليضحك احمد بشده حتى ادمعت عيناه ويتحدث من بين ضحكاته..
احمد:ايه يا امه الدعوه دى هههههه وحلوه اوى سى احمد دى هههههه.
دولت:بتاكيد وفخر...طبعا سى احمد ونص كمان..ابنى حبيبى خريج كليه ومحاسب اد الدنيا فى بنك كبير وعنده تاكس ملكه لوحده يبقى مش اى واحده تستاهلك لازم تكون بت فلقه قمر يا ضنايا.
ربنا يحميك ويحرسك لشبابك يا ناصفنى انت غير التلاته الموكوسين اخواتك اه يا نارى لو اطول واحد فيهم هقرقشو بسنانى..
احمد:وهو يهم بالخروج..معلش يا ام احمد لسه صغيرين ربنا يهديهم.
عايزه حاجه يا امه انا ماشى انا بقى..
دولت:سلامتك يا ضنايا متتأخرش عليا علشان تفسحنى انا هنزل اشترى عبايه جديده واظبتها عليا على ماانت تكلمنى تقولى اجهزى..
عايزه اكل بتزات يا واد..
احمد:ههههههه عنيا ليكى يا امه هجبلك كل اللى انتى عيزاه.
ليخرج ويغلق الباب خلفه ويفتحه مره اخرى ويدخل رأسه فقط.
اسمها بيتزا يا امه مش بتزات ههههههه..ويفر هاربا قبل ان يطوله غضب والدته..
دولت:بغضب..ما انا قولت بتزات يا واد انا عارفه كل حاجه..
لتحدث نفسها بفرحه...
اما اروح الحق اشترى العبايه واشيع عيل يعرفلى ايه اللى بيحصل عند اللى مايتسمو..
.سمى الله وتوكل على الله وخرج من منزله قاصد عمله ليلفت انتباه تجمع امام بيت خالته ليسرع خطاه بتجاههم ليرى ما سر هذا التجمع وهو يحدث نفسه..
احمد:بلهفه...استر يارب ايه اللمه اللى عند بيت خالتى دى على الصبح؟؟؟ليرى اخوته يحاولون فض هذه اللمه التى معظمها شباب صغير واطفال وبعض البنات وحريم المنطقه ولكنهم يفشلون ويلفت انتباه سياره حمراء يعرفها جيدا عن ظهر قلب رغم انه لم يراها غير مره واحده فقط.. تقف امام جيم داليدا ليدق قلبه دقه غريبه لا يعلم سببها وتظهر شبه ابتسامه على واجهه ليستعد جموده سريعا ويتحدث بصرامه وصوت عالى...
احمد:ايييييييييه يا بنى انت وهو...كل واحد على بيته بالزوق بدل ما اقل منكم...وبسرعه البرق كان اختفى الجميع من امامه فلما لا فانه احمد البحيرى المعروف بالقوه والصرامه والاخلاق والسمعه الطيبه ايضا..
ليلتفت لاخواته الثلاثه ويتحدث بتسائل وهو يعلم الاجابه جيدا..
ايه ياض انت وهو اللمه دى على الصبح؟؟
محمود:بفرحه..عارف يا ابيه المغنيه اللى عملت اعلان قطونيل البت المزه الاموره ام شعر قصير دى...لينظر له احمد نظره حارقه ليفر هاربه من امامه ويصعد جريا لبيت خالته..ليكمل اخوه محمد بتعقل فهو يشبه اخاه احمد كثيرا..
محمد:فى واحده صاحبه الدود شكلها مش من المنطقه خالص بلبسها وشكلها واحنا طلعناها لما الناس اتلمت عليها زى ما حضرتك شايف كده يا ابيه..
/////////////
...دهشه..زهول..استغراب..على وجه داليا وداليدا وعبد الرحمن ايضا..ليقطع زهولهم جيسى وهى تندفع للداخل تحتضن داليا بحب صادق..
جيسى:هاى يا انطى انا جيسى صاحبه ديدا ومعاها فى الكليه..لتغلق داليدا الباب وهى تضحك من قلبها على طيبه صديقتها وهبلها ايضا..
داليا:ببتسامه وترحاب..يا مرحب يا بنتى منورنا يا حبيبتى داليدا ديما تحكيلى عنك بكل خير وقالتلى انك مكتوب كتابك..لتتحدث بتأثر وحزن..متزعليش يا حبيبتى انك اطلقتى كل شئ نصيب وربنا يرزقك براجل ابن حلال يعوضك خير ان شاء الله..
جيسى:بصدق وطيبه...لا يا انطى انا مش زعلانه خالص بالعكس انا فرحانه علشان كده جيت اقول لديدا علشان تفرح معايا...لتهرول داليدا وتلكم جيسى بأحدى زراعيها لتوقفها عن الكلام فهى تعلم صديقتها جيدا تتحدث بتلقائيه دون توقف..
داليدا:بتوتر حاولت اخفاءه..جيتى فى وقتك يابت ياجيسى ماما لسه كانت بتقولى اقيس الهدوم الجديده اللى فصلتهالى..
داليا:طيب انا هقوم أحضرلكم الفطار علشان نفطر كلنا سوا...لتتركهم بعدما شعرت ان يوجد سر تحاول ابنتها تخبئته عليها..
لتتحدث داليدا بغيظ وهى تضغط على اسنانها..
داليدا:بهمس..انتى هبله يابت انتى ايه الفرحه اللى على وشك دى كلها بقى دا منظر واحده اتطلقت..
هتعكى الدنيا قدام امى وتخليها تشك فينا يا خربيت جنانك ..
جيسى:بهمس مماثل...ياديدا انا فعلا فرحانه علشان انا سبتلك عمورى...لتقفز على الارض بفرحه عارمه..تعالى معايا بقى ودينى عند بيت الهجمى المتوحش اووووه ياديدا من همجيته تجنن يا ديدا تجنن..
تصدقى واحشنى خالص مع انى مشفتوفش الا مره واحده..
داليدا:بحاجب مرفوع..اوديكى بيت مين يا عنيا؟؟!!!
ليقطع حديثهم خبط الباب بعنف لتسرع داليدا بفتح الباب ويدخل محمود سريعا يبدو عليه الخوف..
داليدا:بفهم..بتجرى من مين ياض انت عملت ايه تانى وجاى تستخبى هنا؟
محمود:خبينى يا دود الله يخليكى ابيه احمد هينفخنى..
جيسى:بفرحه..ديدا هو قصده المتوحش الهمجى..لتحرك داليدا راسها بنعم وهى تضحك على جنان صديقتها..لتوجه جيسى حديثها بلهفه لمحمود...
هو فين احمد دا يا صغنن انت؟؟
محمود:وهو يغمز لها..تحت البيت يا مزه بيمشى المعجبين بتوك يا قمر انتى..وبسرعه البرق كانت جريت جيسى من امام داليدا التى لم تستطع امساكها من شده سرعتها..
داليدا:بت يا مجنونه بتجرى رايحه فين خدى ياجيسى هتجيبى لنفسك الضرب ياخربيتك...
/////////
..يتحدث بررازنه وهدوء لأخواته..
احمد:بأمر..مصطفى هتاخد التاكس تشتغل عليه ساعتين وانت يا محمد تستلم من اخوك وتشتغل ساعتين انت كمان تجيبو مصارفكم وتروحو على البيت تشوفو مذكرتكم مش هقبل السنادى بسقوط حد فيكم فاهمين..
محمد:حاضر يا ابيه بس حضرتك عارف انا الحمد لله فى التمام مسقطش ولا سنه...لينظر لأخاه مصطفى ويبتسم..
مش زى الدرش اكبر منى ب 5سنين وبقى معايا فى الفصل ههههههههه..
مصطفى:بتريقه...ههههههه ضحتك اوى يا فصيل..بمزاجى ياض بسقط بمزاجى يا لطيف..
احمد:بجديه..مصطفى فوق لنفسك علشان مفوقكش انا ها فاهمنى طبعا..
مصطفى:بخوف...امرك يا كبير خلصانه بعون الله اطمن هشرفكم السنادى وهطلع من الاوائل كمان..
ليقطع حديثهم هجوم جيسى عليهم وهى تجرى بسرعه شديده حتى كادت ان تقع على وجهها بسبب حذائها ذو الكعب العالى ليلتقطها احمد بذراع واحد رفعها داخل حضنه قبل ان تصتدم بالارض لتتمسك جيسى بقميصه بقوه وترفع عينها تنظر داخل عينه بعمق وهى تلتقط انفاسها بصعوبه من شده جريها وتتحدث بعيون لامعه من بين انفاسها المقطوعه..
جيسى:بهمس ودلع وابتسامه اكثر من رائعه ونظره هائمه حالمه تائه..
...احمد يا متوحش يا همجى انا اطلقت؟؟؟
رأيكم وتوقعتكم.
دمتم بالف خير احلى قمرات💜
