بعتذر عن التأخير يابنات عندى مشكله فى النت والله غصب عنى😕
البارت السابع💜
...تستمع اليه بصمت..بدايه من فرحته ولمعه عيناه.
الى استمتاعه وهو ينطق اسم هذه الداليدا💜 حتى انتهى من كلامه..
عمار:ايه يا ماما حضرتك ساكته ليه...ليصمت قليلا...انا قولت حاجه ضيقتك؟
عاليا:بتنهيده..عايز الصراحه؟
عمار:بقلق..طبعا يا ماما صرحينى..
عاليا:بعتاب..انت غلطان اوى يا عمار..وجرحت بنت خالتك كمان.
ليحاول عمار التحدث..
اسمعنى وافهمنى كويس يابنى..لتأخذ نفس عميق..
انت اعجبت بواحده طلعت صاحبه مراتك ومش بس كده دا انت ظهرت اعجابك دا قدام جيسى!!!
عمار:بتبرير...يا ماما قولت لحضرتك جيسى بنسبالى بنت خالتى وبس حتى بعد ما كتبت عليها مقدرتش احس من نحيتها اى مشاعر..
ليكمل بتأثر واضح..
لكن داليدا نظره عينها بس بتجننى..ليتذكر هذه القبله الوقحه التى يتمنى اقتناصها من شفاتيها الرائعه..
اقولك ايه بس يا ماما انا بتحول لما بشوفها قصادى..
ليكمل بمزاح...
جمله واحده بس بتتردد فى دماغى اول ما عينى تقع عليها..
عاليا:ببتسامه..وايه بقى الجمله دى يا عمار باشا؟
عمار:بعيون متسعه وابتسامه عريضه..
لابد ان أدخل بهااااااا..
لتنفجر عاليا بالضحك حتى ادمعت عينها وتتحدث من بين ضحكاتها..
عاليا:هههههههههه ولد عيب..لتتوقف عن الضحك وتتحدث بجديه..
انا عارفه ان قلوبنا مش بأدينا وانت عيونها شغلتك من اول مره شوفتها..بس انت مش شايف انك اتسرعت بطلقك لجيسى من غير ما تديها فرصه مش يمكن يابنى كنت حبتها..
عمار:بتأكيد..لا يا ماما صدقينى متسرعتش دا قرار صح لو كنا فضلنا اكتر من كده كنت هظلم جيسى فعلا..ليأخذ نفس عميق ويتحدث بتنهيده عاشقه..
داليدا خطفتنتى..خطفت انفاسى..عارفه يا ماما انا بقالى اسبوعين كل يوم أروحلها شغلها او الكليه بتاعتها...ليضغط على اسنانه بغيظ...بس بنت اللذينه ولا معبرانى ولا مديانى فرصه حتى اكلمها...
عاليا:هههههه احسن تستاهل علشان سبت بنت اختى..
عمار:بغضب مصتنع..فرحانه فيا يا ام عمار وبعدين محسسانى ان بنت اختك دى كانت بتموت فيا دى كانت ناقص تزغرط لما رميت عليها اليمين..
عاليا:بستغراب...فعلا انا اتفجأت من رد فعلها انا فكرت انها مش عايزه تطلق بس البنت كأنها ما صدقت...لتصمت قليلا...واد يا عمار البنت شكلها حد لاعب فى دماغها ولا عنيها على حد؟؟
ليربط عمار على يدها بطمئنان..
عمار:اطمنى يا حبيبتى انا انهارده رايح اقابل اللى عنيها عليه ....
/////////////
اقتحمت كيانه..مشاعر جديده اعصفت بقلبه عندما رأها تقترب منه..
انقبض قلبه بدقه جديده مخيفه لكنها ممتعه ايضا عندما وقعت بين يديه..
..يتنفس انفاسها المسكره
.رائحتها المثيره.
نظرتها الناعسه.
شفتيها الصغيرتين يدعوه لألتهامهم.
ليخفض عينه لعنقها المغرى ويبتلع ريقه بصعوبه أيلومه احد ان ألتهمه وصك ملكيته عليه الأن؟
لينتبه ليده الملتفه حول خصرها الغض الطرى وينتفض كل عرق بجسده وكأن تحولت دمائه لحمم بركانيه..
ليفق على صوت اخاه..
مصطفى:بمزاح..مشهد رومنسى جميل بس احنا فى الشارع والناس هتتلم علينا يا كبير..
ليساعدها على الوقوف ويبتعد سريعا كمن لدغته عقربه يحاول استعاده جموده والتقاط انفاسه التى سرقتها بصعوبه ويتنحنح محاولا اخراج صوته..
احمد:احححم ابقى خلى بالك يا انسه لتترزعى على جدور رقبتك تنكسر ان شاء الله..
جيسى:بغضب طفولى وتضع يدها بخصرها وتخبط بقدمها الأرض..
بعيد الشر على رقبتى يا شرير انت..لتكمل ببتسامه اكتر من رائعه وبتلقائيه وطيبه بهبل..
دايدا قالتلى ان احمد هو اللى هيظبتك يا جيسى..لتشبك اصابع يدها ببعضهم وتقترب تقف امامه مباشره وتتظر بعمق داخل عينه...
ظبطنى يا احمد؟؟؟
مصطفى ومحمد:بعيون متسعه وابتسامه بلهاء وبنفس واحد...ظبطها يا احمد!!!!
ايقتلها الان ام يغتصبها ويطفى نيران جسده بسبب كلماتها العفويه التى زادت رغبته بها دون قصد منها..لينظر لاخواته نظره حارقه ولكنهم لا ينتبهون له على الاطلاق ينظرون لجيسى ببتسامه حالمه..
احمد:بغضب وصوت عالى..فوق ياض انت وهو وانجرو من قدامى اعملو اللى قولتلكم عليه يله...وبلحظه كانو فرو من امامه بخوف ليوجه نظره للواقفه امامه تنظر له بأعجاب يتزايد..ليجز على اسنانه بغيظ ناظرا لتنورتها القصيره وجواربها السوداء المهلكه وتحدث بنفاذ صبر..
انتى مجنونه يابت ولا هبله ولا حكايه اهلك ايه بالظبط؟؟
جيسى:بهيام..لا انا جيسى صاحبه ديدا بنت خالتك اوعى تكون نسيتنى هزعل خالص..
احمد:لا دا انتى هاربانه منك على الاخر..ليلتفت ويهم بالمغادره لتسرع جيسى ممسكه بيده وتتحدث بطيبه شديده وعيون لامعه..
جيسى: استنى يااحمد قولى انا فاكرك ياجيسى وسلم عليا وقولى عامله ايه..ليظهر شبه ابتسامه على وجه اخفاها سريعا والتفت وابعد يدها ببرود عكس النيران التى يشعر بها..
احمد:بأمر..اطلعى لصحبتك انا مش فاضى للدلع الماسخ دا..
جيسى:بأصرار..بس انا عايزه اتكلم معاك انت بليييييز..
احمد:بضيق..يابنت الناس اطلعى بلبس اهلك دا..
الناس هتتلم تتفرج عليكى تانى.. وانا اتأخرت على شغلى..
ليمسك احدى ذراعها برفق ويتوجه بها نحو منزل داليدا ويدخلها رغما عنها ويغلق الباب عليها ويهم بالمغادره ليوقفه صوت خالته..
داليااحمد يا حبيبى استنى متمشيش عيزاك ضرورى..
وتلقى له احدى المفاتيح...
افتح الجيم واستنانى هجيب البنات واجيلك..
احمد:بطاعه..عنيا ياخالتى..
لتوجه داليا حديثها بأمر لجيسى..
اطلعى يابنتى عيزاكى...
ليحدث احمد نفسه..
احمد:اليوم اضرب شكلها مافيهش مرواح البنك انهارده يله اخد يوم اجازه من نفسى علشان اشوف الظابط دا عايز يقابلنى ليه..
ويبتسم بعبث... ومش خساره فى اللى عايزه تتظبط دى هههههههه اه يابنت اللذينه مهره جامحه...ليعدل ياقه قميصه بفخر..عايزه خيال شديد زى كده...
///////////////
..خجل واحراج وزعل ايضا على وجه داليدا..
داليا:بعتاب لجيسى..داليدا حكتلى كل حاجه تخص موضوك مع عمار ابن خالتك واحمد ابن اختى يا جيسى..
جيسى:بدفاع..ديدا ملهاش ذنب خالص فى طلاقى يا انطى.. انا وعمار مكناش هنكمل مع بعض احنا ولاد خاله بس..
وهو وقف جنبى وبيعتبرنى زى اخته وانا كمان بحبه زى اخويا وداليدا كانت شاهده على كل حاجه انا كنت بحكلها انى وافقت على عمار علشان يحمينى ومبقاش لوحدى..
لكن حب لا صدقينى والله يا انطى..
داليا:بجديه..ميخصناش انا وبنتى تحبى ابن خالتك متحبهوش ميخصناش..
لتنظر لداليدا بتحذير..
ولا ايه يا داليدا..
داليدا:بتوتر حاولت اخفاءه.
اللى اسمه عمار دا ميفرقش معايا اصلا يا ماما واسألى جيسى انا صديته كام مره لما حاول يكلمنى..
جيسى:بتأكيد..فعلا يا انطى ديدا رافضه تكلم عمار خالص رغم انه معجب بيها اوى وحاول يكلمها اكتر مره بس هى ولا عبرته..
داليا:بجديه..اسمعينى ياجيسى ومتقطعنيش..لتأخذ نفس عميق..بنتى داليدا ملهاش اصحاب خالص ويوم مابقى ليها صاحبه كانت انتى رغم انكم مختلفين تماما فى كل حاجه انا فى الاول بصراحه من غير زعل كنت رافضه صحبيتكم دى وخوفت تأثرى على داليدا بتصرفاتك الطيشه بس داليدا قالتلى ان تصرفاتك دى بسبب انك عايشه لوحدك وانك طيبه زياده عن اللزوم وجواكى ابيض ..
صعبتى عليا يابنتى وبقيت اوصى داليدا عليكى علشان تاخد بالها منك..
لكن توصل طيبتك انك تتنزلى عن جوزك لصحبتك وعايزه تساعديها كمان انها تتجوزه لا دى متبقاش طيبه ابدا دى تبقى هبل او مقلب عايزه تعمليه فى بنتى وانا فى الحالتين مستحيل اقبل بكده..
داليدا:بغضب..مين دا اللى اتجوزه..
انا هكمل تعليمى ومش بفكر فى الجواز اصلا وانتى عارفه الكلام دا كويس يا ماما..
لتنظر داليا بتمعن لأبتنها وهى تضيق عينها بخبث..
داليا:اه فعلا واضح على لمعه عنيكى اللى ظهرت جديده دى. لتتحدث لجيسى التى لا تنتبه لهم وعيناها على باب الشقه..
انتى يا للى عماله تتلفتى حوليكى مش هيطلع هنا فى وجودك يا ختى احنا اللى هننزله..
لتهب جيسى واقفه وتتحدث بفرحه..
جيسى:بلهفه..طيب يله يا انطى ننزل بقى.
داليا:انتى عايزه ايه من احمد يا جيسى خلى بالك انا بحذرك ابن اختى راجل ابن بلد وجد وملوش فى الدلع فهمانى يا جيسى..
لتقترب جيسى وتحضن داليا بحب..
جيسى:بفرحه..فاهمه يا انطى علشان كده عجبنى اوى خالص..
كل حاجه فيه عجبانى يجنن يا انطى بيخلى قلبى يبدق بسرعه غريبه لما يتكلم ولا لما يبرقلى ويخوفنى بعيونه الحلوين دول ااااه يا ديدا بدوخ والله وبحس انى طايره معرفش ازاى بيحصلى كده وانا مشوفتهوش غير مره ولا مرتين هتجنن يا انطى مش فاهمه مالى بجد..
داليدا:بجديه...انتى من طيبه قلبك ربنا وقعك فى طريق احمد يابت ياجيسى لو امك دعيلك بقى تكونى من نصيبه..
داليا:بخوف ام..طيب يله ننزله علشان اشوف كده نظرته ليكى عامله ازاى ومتعشميش نفسك اوى يا بنتى ليكون هو مش دماغه وترجعى تزعلى فهمانى يا حبيبتى..
جيسى:بفرحه..يا حبيبتى يا انطى انتى طيبه خالص وبتخافى عليا زى خالتو عاليا بالظبط..لتلقى لها قبله بالهواء وتجرى سريعا وهى تسحب داليدا..
يله يا ديدا بسرعه البسى علشان ننزل..
لترتدى داليدا بنطلون جينز وبدى ازرق يظهر رشاقه جسدها بشده فهى لن تخرج بهم بره الجيم وكوتش ابيض وفعت شعرها من الجنبين وتركته ينساب على ضهرها فكانت فى غايه الرقه..
توجهو برفقه داليا وعبد الرحمن للجيم لتجد احمد خالع قميصه ويجرى على المشايه بيتيشرت اسود كات..
داليدا:بتشجيع..عاش يا وحش..منور جيمى المتواضع يا ابو حميد..
ليوقف احمد المشايه ويتحدث ببتسامته الجذابه..
احمد:تسلم يا دود...لينظر لجيسى التى تنظر اليه بهيام ويتحدث بستهزاء..منور بيكى انتى وصحبتك الهبله دى..
جيسى:بهجوم..انا مش هبله يا همجى انت..
ليلقى احمد من يده الفوطه بعنف ويقترب منها وتقف داليا بينهم تحاول منع احمد من الوصول اليها وهى تكتم ضحكاتها..
داليا:صلى على النبى يا احمد جيسى متقصدش وبعدين ما انت اللى قولت عليها هبله..
جيسى:وهى تختبئ فى داليا..قوليله يا انطى المتوحش اللى عايز يضربنى بصى يا انطى بيبرقلى وبيعض على شفايفه ازاى عااااا يا ماما ابعديه عنى يا انطى هيبلعنى المتوحش دا.
احمد:بغضب:عليه الصلاه والسلام ياخالتى دى مش بس هبله دى مجنونه ومتخلفه كمان دى بتقولى ديدا قالتلى انك هتظبطنى..ليقلد صوتها..
اظبطنى يا احمد..ليهم بالهجوم عليها وجذبها من شعرها..
تعالى وانا اكلك عالقه اظبطك فيها صح ومين ديدا اللى قالتلك انى هظبطك دى؟؟
جيسى:وهى تجرى تختبى فى داليدا..ديدا دى هى اللى قالتلى..
داليدا:بغيظ:الله يخربيتك يا جيسى الكلب رايحه تقوليلو ايه هتودينا فى داهيه..
لينتفضو على صوت احمد..
احمد:بتريقه..ديدا بقيتى ديدا !!!
الله يرحم الدود..ليسألها بغضب..
انتى قولتلها كده فعلا يا داليدا؟؟
داليدا:بخوف..وهى تحرك راسها بنعم ولا فى وقت واحد..انا قولت كده فعلا بس هى وصلتلك المعلومه غلط انا كان قصدى انك مبتحبش المياصه والدلع وبتظبط اللى بيتمايص زى البت جيسى كده..
احمد:وهو يرتدى قميصه ويوجه حديثه لخالته بعدما رمقهم بنظره حارقه..كنتى عيزانى فى ايه يا خالتى..
داليا:وهى تبتسم بخبث..سلمتك يا حبيبى بس عيزاك توصل جيسى فى طريقك معلش يا بنى علشان محدش يضيقها..
لتقفز جيسى بفرحه وتقترب تقف بجواره..
جيسى:ايوه صح يا انطى وصلنى بسرعه لحد يضايقنى..
احمد بلمعه بعيونه:انتى تأمرينى يا خالتى..ليوجه حديثه لجيسى..
اتفضلى قدامى..
لتهمس جيسى بأذن داليا..
جيسى:ميرسيى خالص يا انطى هغير هدومى والبس هدوم تانيه تليق بالمكان هنا واجى تانى لو سمحتيلى اقضى اليوم مع حضرتك انتى وديدا..
داليا:ببتسامه وترحاب..تنورى يا حبيبتى هنستناكى علشان تتغدى معانا..
جيسى:وهى تقبلها بحب..اه يا انطى هتغدى معاكو اكلك طعمه حلو خالص بجد تسلم ايدك على الفطار..
احمد:بنفاذ صبر..ما تخلصى يا انسه هفضل مستنى جنابك كده كتير..
جيسى وهى تقبل داليدا انا هاجى تانى مش هتأخر عليكى..
لتجرى خلف احمد بسرعه وفرحه شديده..
رأيكم وتوقعتكم.
دمتم بألف خير احلى قمرات💜
