💕أنت قلبي٢💕

الحلقة ٢٦

#انت_قلبي٢
#بوسي_مصطفى
______________

الحلقة ٢٦

في التليفون
ياسمين : يا بنتي دا واحد غبي
ماشيه في حالي لاقيت حضرتك قدامي
كان هيخبطني بالعربية
مليكه : يا نهار أبيض.. وحصلك حاجه؟؟
سيف : في ايه يا مليكه متفهميني
ياسمين : سيف اللي جنبك دا
مليكه : ايوه... طمنيني عليكي
ياسمين : انا كويسه.. متقلقيش
سلام بقى علشان داخله المحل.
مليكه : مع السلامة
وقفلت مليكه مع ياسمين.
مليكه : دي ياسمين كان حد هيخبطها بالعربية بس هي كويسه.
سيف : اه... طيب.
مليكه : مالك يا سيف
سيف : مفيش.. انتي مروحه
شاب معدي من جنبهم
شاب : لا تكييف ههههههههه
بس صاروخ الصراحه.
سيف : نعم !!
الشاب : يا عم مبكلمكش انت انا بكلم الصاروخ اللي جنبك.
سيف ومسكه من ايده بكل قوته.
وبيضربه.
سيف : انا بقى هعرفك اللي واقف جنبها دا كيس جوافه
ولا راجل يا حيلتها.
وبقبضة يده في وجه الشاب
اللي غرق دم.
مليكه : بس بقى يا سيف
سيف بغضب : اسكتي انتي خالص.
مليكه : انت بتزعقلي؟؟!
وتركته مليكه وقعدت في العربية.
اتجمع الشباب وحاولوا يخلصوهم من بعض.
تركهم سيف وقرب من عربية مليكه.
مليكه كانت بتشغل العربية.
سيف بيخبط على الازاز
نزلت مليكه الازاز : نعم !!
سيف بيمسح الدم اللي على أنفه
سيف : بكلمك مبترديش ليه
مليكه : مش عايزة اسمعك انا حره
سيف : يعني ايه
مليكه : حلو الأسلوب بتاعك دا و الألفاظ اللي انت
بتقولها دي.
سيف : ألفاظ ايه
انتي سيبتي قلة أدب الواد ده
وماسكه في ألفاظي
ثم انا قولتله ايه
انا بقوله يا حيلتها
انتي شايفه إن دي شتيمه؟؟!
انا مش فاهم.
دا بدل ما تطمني عليه.
مليكه : ما انت كويس اهو وبتتكلم اطمن عليك في ايه بقى.
سيف : تصدقي انا غلطان.
مليكه : ايوه غلطان علشان مش كل واحد يقول كلمة حضرتك تدب خناقه وشكلنا يبقى وحش كده.
سيف : يعني كنتي عايزانى اسكتله؟؟!
مليكه بسخريه : لأ روح اقتله احسن !!
سيف : اه اقتله واشرب من دمه كمان
علشان يحترم نفسه.
مليكه : هو دا بقى اسلوبك؟؟!
سيف : ايوه هو دا اسلوبي
علشان أنا مش خيال مآته واقف جنبك
علشان عيل صايع زي دا يقل أدبه وحضرتك عايزانى اعديها واسكت.
مليكه : ممكن حضرتك تبعد شويه علشان اعرف اتحرك بالعربية.
سيف : انتي هتمشي وتسبيني واقف بتكلم.
مليكه : مش خلصت كلامك
سيف : لا مخلصتش يا مليكه
مليكه : وانا بقى اعتبرت ان المناقشه انتهت
اتفضل بقى لو سمحت.
وداست بنزين واتحركت بالعربية
جري سيف ركب العربية ومشي وراها
وصلوا لعند الفيلا
بتنزل مليكه تنادي على البواب يفتح البوابه.
كان سيف نزل من عربيته.
سيف : حلو بقى اللى انتى عاملاه ده.
مليكه : انت جاي ورايا ليه؟؟
سيف : يعني انا غلطان اللي بحاول اصالحك وانا مش فاهم اصلا انتي زعلانه مني ليه؟؟!
كانت سهر واقفه في البلكونه
اخدت بالها من مليكه وسيف
وإن في مشاده كلاميه بينهم
نزلت بسرعه وطلبت من البواب يفتح البوابه.
سهر : ايه في ايه ميصحش اللي بيحصل دا.
سيف بخجل : ازاي حضرتك يا طنط.
سهر : طنط مش كويسه من اللي هي شايفاه دا
مليكه بتبكي.
سهر : في ايه ما حد يفهمني.
مليكه : مامي انا طالعه اوضتي
سهر : استنى يا مليكه... مليكه استنى بقولك.
ودخلت مليكه جوه.
سهر : اتفضل يا سيف جوه.
سيف : معلش يا طنط مش هينفع.
سهر : لا هينفع علشان افهم الحكاية بالظبط.
دخل سيف وقعد في الجنينه
وركبت سهر عربية مليكه وركنتها جوه.
سهر : ها تشرب ايه
سيف : متشكر... ولا أي حاجه.
سهر : يبقى عاوز يزعلني منك.
سيف مردش.. شاورت ل ريهام اللي جات بسرعة.
طلبت واحد مانجا وفنجان قهوة.
سهر : قولي بقى في ايه؟؟
سيف : ابدا ياطنط
الموضوع اصلا مش مستاهل كل اللي عاملاه مليكه دا
واحد رخم علينا وعاكسها وانا معاها اتصرفت معاه
زعلت بقى.. ليه وليه اضربه.
سهر : هي دا كل اللي حصل؟؟
سيف : حضرتك تقدري تسأليها.
سهر : انا مبكدبكش
بس مندهشه من رد فعلها.
سيف : كانت عايزانى اعدي واسكت
وانا معرفش اعمل كده.
سهر : يمكن كان رد فعلك مبالغ فيه شوية.
سيف : مع احترامي لحضرتك
بس يعني ايه مبالغ فيه
هو يعني طبيعي ابقى واقف مع خطيبتي ولا اختي
وواحد يقلح عليها كلام ملوش لازمه واسكت.
سهر : معلش مليكه مبتحبش المشاكل ولا الصوت العالي
يمكن اتحرجت شويه
يعني اللي حصل دا لو تم وهي بعيد كان ممكن اتقبلت تصرفك ده
سيف : حضرتك انا مكونتش شايف قدامي اصلا
فور دمى بالكلام اللي قاله
لاقيت نفسي تلقائي بضربه.
سهر : يمكن علشان ميعرفش إنك خطيبها.
سيف : مش مبرر خالص
َمعني كده اني اتقبل الموقف دا لو حصل وانا مش معاها.
سهر : خلاص حصل خير
اشرب العصير بتاعك وانا هبقي اتكلم معاها واحاول أهديها
سيف قايم يمشي.
سهر : اقعد يا سيف.
سيف : معلش يا طنط
اصل عندي شغل.
سهر : خلاص وانا مش هعطلك.
سيف : بعد إذن حضرتك.
سهر : اتفضل يا ابني
ووصلت لعند البوابه لحد ما ركب عربيته ومشي.
وطلعت تشوف مليكه.
______________