_شهيق زفير، شهيق زفير، اهدي يا شمس وصلنا اهو
=مش قادرة يا مالك هووولددد
~ايوا يا فندم ممكن اساعدك بايه؟
_عايز اتنين هامبرجر بس يكون الكاتشب حار، اخلللص الست بتولد يخربيتكووو
~لو سمحت طيب خليك برة
=متسبنيش يا ماااالك
_سامعها؟مش هسيبها هدخل معاكو اوضة العمليات
~مينفعش كد...
_بقولك هدخل
دخلت معاها اوضة العمليات غصب عن عينهم كلهم
=يلعن ابو الجواز يا مالك،يارتني ماتجوززززتك
_انتي مدخلاني عشان اتهزق
=اسكوووت، ااااااه
~دكتور ضياء اديها حقنة البنج بسرعه
=منك لله يا مااااالك
كنت مرعوب كان هاين عليا اضربهم كلهم عشان ميوجعهاش بس اعمل ايه، خرجت استناها برة لما مقدرتش احكم على نفسي لغاية ما جت الممرضة وقالت
~مبروك جالك بنت قمر، ادخل شوف مراتك عقبال مانجبهالكم
دخلت اتطمن على شمس،اول مرة اشوفها بتتألم كده
_حمدلله على السلامة يا أم عيالي
=اسفه اني هزقتك قدام الدكاترة
_ولا يهمك كلو بحسابو،قصدي كلو يهون قصادك
=متضحكنيش يخربيتك
_خلاص اسف اسف، حاسة باية؟
=حاسة اني عايزة اضربك متعصبنيش يا مالك واطلع برة
_يعني مش عايزة تشوفي ريتاج؟
=ريتاج مين انا سميتها عهد
_لا ياشمس عايز اسميها ريتاج
= لا يا حبيبي مين اللي ولد انا ولا انت؟
_حتي وانتي تعبانة بتردحي، خلاص عهد عهد
دخلت الممرضة وشايله حاجة صغيرة عمرها كام ساعه، حاجة خلتني بقيت اب، اعظم شعور في الدنيا، مسكتها منها واول ما شوفتها، عيونها سحرتني!!
_شمس بصي، بصي عيونها شبه امها بالظبط،فاكرة العيون دي؟؟؟، فاكرة العيون اللي سحرتني؟
=وده يوم يتنسي؟
_كنت مهندس كافي خيري شري، لحد ماقررت اعمل كورسات في الرسم؛ لانها كانت هواية عندي وحابب انميها، جيتي انتي بقا عشان تشقلبي حياتي ، اول مدخلتي عيونك خلتني افقد بوصلة العالم، عشان اتوه فعالم عيونك.....
=لو سمحت هو فين الكوتش هنا؟
_هااااا
=حضرتك متنح كده ليه، بقولك فين الكوتش هنا؟
_عيونك حلوة
=بتقول ايه؟
_اسمك ايه؟
=افندم؟
_رقم ابوكي بسرعه
وشها حمر اوي ومشت، بس مش من الكسوف دي اتعصبت معقولة؟
مشيت وراها لحد ماعرفت العنوان وبعدين روحت افكر، انا مالك عندي ٢٩ سنه قابلت فيهم بنات قد شعر راسي، وعمر مواحدة فيهم حركتني بالشكل ده، عنيها سحاااارة، معرفش اسمها ولا اي حاجة بس اللي واثق منه اني لازم اتقدملها، بعديها بيومين روحت البيت عندها
_يا عمي، انا عايز اتجوز بنتك
=انهي واحدة فيهم؟
اتكسفت اوووي، ارد ع الراجل بايه وانا معرفش اسمها حتى، اقوله اللي عنيها حلوة؟
=ساكت ليه يبني؟
_بص يا عمي، انا شوفت بنتك فكورس الرسم ومعرفش حتى اسمها بس قولت ادخل البيت من بابه
ابتسم وبصلي بحنيه بعدين قام ودخلت معاه شمس
_ ايوا يا عمي هي دي
وشها حمر تاني وراحت اتعصبت وقالت: ايه اللي ايوا ياعمي هي دي، انت جاي تنقي عروسة مولد؟ بتعاكس بنات الناس فالشارع ليه؟
_مكنش قصدي والله، واديني صلحت غلطتي وجاي طالب ايدك
=بس انا مش هتجوز جواز صالونات، بعد اذنك يبابا
خرجت وحسيت ان حتة من قلبي راحت معاها، ايه اللي بيحصلي ده اشوفها من يومين الاقي رجلي جايباني عشان اتقدملها لا وكمان اترفض؟ هي متعرفش كام بنت تتمني تكون مكانها دلوقت؟
=معلش يبني، هي تلاقيها متوترة وكده، انا هخليها تصلي استخارة واللي فيه الخير يقدمه ربنا قولتلي انت بتشتغل ايه؟
_مهندس ياعمي، مهندس معماري ليا 6سنين وبعمل كورسات رسم جمب شغلي كهواية، وعندي شقة جاهزة عايش فيها
=واهلك فينهم؟
_ماما اتوفت من وانا ٩ سنين وبابا مع مراته برة مصر معنديش اخوات
=اها انا ارتحلتك، وان شاء الله شمس كمان ترتاحلك
_حلو اسمها، وعنيها يارب توافق يااارب
=لاحظ اني ابوها عشان مقمش ا..
_لا خلاص اسف اسف، عن اذنك ياعمي
مشيت من عندها، وفرحت اوووي ان باباها ارتحلي، مجواز الصالونات حلو اهو.....فضلت تلت ايام مستني الرد لحد ما ابوها رن وقالي تعالا عشان الرؤية الشرعية، قلبي رفرف من الفرح، وجريت ع هناك
_انت زوج صالح يا مالك؟
=مش فاهم
_بص مكنتش طيقاك من جرأتك في الكلام معايا اول مرة، بس صليت استخارة وارتحتلك،بس انا مش هتجوز الا واحد صالح يتقي ربنا فأهله
=حاضر والله
_تعرف بنات؟
=عينكي نستني كل البنات اللي شوفتها، وبقيت زاهد والله خلاص
_حافظ قران؟
=ايه السؤال الغريب ده؟
_رد عليا حافظ قرآن؟
=صور بسيطة بس
_طب انا حافظة جزء عام وعايزاك تحفظني القرآن كله
قولتلهاحاضر من غير نقاش، البنات فالرؤية الشرعية بتبص على الشكل، اللبس، فلوسه وشغله، لكن دي سألتني عن صلاتي، وعلاقتي بربي، ظنًا منها ان لو دول صح فانا هتقي ربنا فيها وهعيشها في سعادة، ومعاها حق عمر لا الفلوس ولا الشكل كانت سعادة، هي المودة اللي لازم تكون بينا ومش هتيجي الا لو كان ربنا معانا، ومش هيكون معانا الا لو صلح الدين بتاعنا وعلاقتنا معاه، كبرت فنظري يوم بعد يوم، بقيت بسرع في تجهيزات البيت واحنا مخطوبين عشان اعرف اقعد معاها براحتي، حبيت كلامها، اللي خلاني بني ادم تاني، امي ماتت بس رجعت تاني واتجسدت فيها عفويتها، عصبيتها، كلامها الحلو عن اسرار الصلاة، والالتزام، كل حاجة فيها حبيتها، حسيت ان ربنا خلاني اقع في سحر عنيها عشان يهديني
بعد ما اتجوزنا ابتديت احافظ على صلاة القيام زيها، لما الواحد بيحب حد بيحب يطبع علي شكله، يقلد كل تصرفاته، يضحك بنفس ضحكته، عايز يقرب منه حتى فأدق تفاصيله
وحفظنا القرآن سوا، وبعدها روحنا نزور اهلها وقولتلهم
=انا وبنتك حفظنا القرآن، شكرًا انك ادتني جوهرة زيها
_بس انا بنتي حافظة القرآن!!!
دخل بعد كده جاب شهادات من اوضتها، بتقول انها حفظت القرآن وراجعته كذا مرة، بقيت مش مستوعب طب هي كدبت ليه؟
ردت وقالتلي: انا مكدبتش انا قولتلك حافظة جزء عام وانا فعلا كنت حافظاه بس حبيت اعمل كده عشان اديك روح التحدي اننا بنحفظ سوا، وعشان متحسش اني سبقاك فحاجة فعزيمتك تضعف
حضنتها وحمدت ربنا انو رزقني بيها، هي ام واخت وصاحبة ومراتي ودلوقت ام عيال، قعدت افتكر كل اللي حصل وهي نايمة قدامي وفحضنها بنتي عهد، اينعم هي رداحة بس منكرش انها احن حد في حياتي
"خُلقت الصدفة؛ لتكوني أنتِ
#ذات_النقاب
