💕أنت قلبي٢💕

الحلقة ٢٧

#انت_قلبي٢
#بوسي_مصطفى
_______________

الحلقة ٢٧
في منزل العمدة.. فوق السطوح.
محسن بسخريه : رجاله هههههههه
والرجاله دول عرفتهم منين بنت كامل.. ولا قعادها في مصر خلاها تصاحب رجاله كده عادي؟؟!
سعيد : جرالك ايه يا محسن م تحاسب على كلامك يا اخي
احنا لسه مخلصناش من الحوار اللي انت عملته تقوم عايز توقعنا في مصيبه تانية
افتكر إنها عرضنا يااخي
يعني مهما كان عايزينها تيجي وتعيش هنا علشان دي منفعه لينا كلنا
بس مش بالطريقة دي يا محسن
كلامك مع الراجل دا هيخليه يطمع فيها
ويقول في دماغه دول أهل جوزها بيعملوا معاها كده
يعني ملهاش رجاله تحميها.
محسن : وفين رجالتها يا سعيد
ابوها واهو مبقاش قادر يتحرك عجز خلاص
واخوها شورت اختك وانت عارف ممشياه ازاي
اني بقى ميشرفنيش اني ادافع عن واحده زي دي
سعيد : انت بتكرهها ليه بالشكل ده.
محسن : اني اتمنى ليها أي حاجه غير إنها تموت عاوزها تتعذب بس قدامي وتيجي تبوس ايدي كمان علشان اللي ناوي اعمله انت مش متخيله.
سعيد : سيبها في حالها يا محسن
محسن : كان ممكن قبل ما تيجي هنا وتعمل اللي عملته ده
بس خلاص هي بقى خليتها تون ون في دماغي وهنفذ اللي اني عايزة يا بنت كامل
سعيد : يا عم محسن بقولك سيبها في حالها بقى
محسن : مارضيتش  تطاوعني يا سعيد
سعيد : كنت عايزها تعملك ايه يعني.
محسن : كنت عايز اتجوزها
من زمان وهي معششه في دماغي ومش عايزة تطلع يا اخي
اجوزها بس وبعد كده اموت
سعيد : انت مجنون
محسن : طب خلاص من غير جواز بس تبقى ليه
سعيد : انت اكيد اتجننت
انت بتقول ايه؟؟!
محسن : انت مش شايف البت قدامك احلويت كمان
عن زمان
كانت الأول لسه صغيرة وحلوة برضو بس دلوقت بقيت حاجه تانية
هي اللي زي دي ازاي مش عايزة تتجوز حد يفهمني يا ناس.
سعيد : يااخي بتحب اخوك ومش عايزة تبقى ل راجل غيره
مش صعبه يعني يا محسن
محسن : لا صعبه
قوي يا سعيد
انت بس اللي مش واخد بالك
سعيد : الستات غيرنا يا محسن
ودي طبيعة فينا لكن الست ممكن تعيش ل ولادها عادي من غير راجل
وفي رجاله كمان كده بس مش كتير
اتجوز يا محسن إن كنت عاوز ست
بس ابعد عن هنادي
احنا بكره لما نموت هنقابل طارق
اخوك يا محسن
وقتها هنقوله ايه
مقدرناش نحافظ على عرضك يا اخويا
محسن : اني هتجوزها في الحلال بس هي توافق.
سعيد : يا عم محسن كفاية بقى
إلا ما اتجوزت وهي لسه يدوب
عشرين ولا اتنين وعشرين مش فاكر وقتها كان عندها كام سنه
هتتجوز دلوقت
محسن : وماله لما تتجوز دلوقت
ده السن المناسب ليها.
سعيد : طلعها من دماغك يا محسن
وحتى لو بتفكر في الجواز اكيد مش هتكون انت يعني
ناسي اللي حصل زمان وبيحصل لسه لحد دلوقت
عايزها بعد كل ده توافق تتتجوزك ازاي؟؟!
انت بتحلم ولا شارب حاجه ولا ايه حكايتك بالظبط ؟؟!
َمحسن : مش عارف انساها
يا سعيد
قولي اعمل ايه؟؟
سعيد : تشوفلك واحده مناسبه ليك تتجوزها علشان تبطل تفكر في هنادي.
محسن : ما اني اتجوزت ومقدرتش برضو انساها.
سعيد : خلاص حطها في دماغك
وفكر بس تهوب ناحيتها
ساعتها هتقتلك
محسن : هي دي تقدر تدبح فرخه؟؟!
ههههههههههههه
سعيد : قالتهالي يا محسن واني مصدق إن هي تقدر
تعمل كده
كلامها وعينها اللي كانت بتطق شرار وقتها  تقول إن لو شافتك ممكن تقطعك حتت .
محسن : هههههههه
ضحكتني يا سعيد انا هنزل انام
تصبح على خير
-________________