Meet Me In Clark High (Reistre Series #1)

Chapter 9

Chapter 9: Court

Ramdam ko ang bigat ng katawan ko nang gumising ako kinaumagahan.

Napalingon ako sa kabila nang tumunog ang aking cell phone sa sidetable kaya kinuha ko iyon at bahagya pang nanlaki ang mata ko sa nakita.

Mr. Playboy: Good morning! How was your sleep?

Ako: Morning. Fine.

Mr. Playboy: Get ready for school. See u later!

Ako: What?!

Naghintay pa ako ng reply niya ngunit walang dumating kaya naman bumangon na ako. Nakaramdam pa ako ng hilo, pero dumiretso pa rin ako sa banyo para maligo.

"Bye, Ma. I love you..."

Nang nakarating kami sa eskwelahan ay binati kaming dalawa ni Kuya Shan, ang school guard.

"Good morning, katropa!" Sumaludo si Kuya Shan sa aming dalawa, at nang napansin niyang hindi ako sumagot ay nangunot ang noo niya. "Tahimik yata?"

Nagkibit balikat ako. "Wala sa mood." Nagpatuloy na ako sa paglalakad papasok.

"Kapag wala sa mood tahimik, dapat wala ka sa mood palagi!" pahabol ni Kuya Shan.

Naramdaman kong akbayan ako ni Kuya at dinungaw. "Ayos lang ba ang prinsesa na 'yan?"

Nag-angat ako ng tingin sa kaniya at tumango.

"Kinikilig ka pa rin ba kay Jace? Namumula ka," pahayag niya sabay pindot sa pisngi ko.

Inirapan ko siya.

Nang nakarating kami sa room namin sa ay dumiretso kami ni Kuya sa aming upuan.

"Morning..."

"Okay ka lang, Ella? Nagblush ka pagkita mo sakin," aniya at ngumisi.

"Kapal mo." Umayos ako ng upo at humarap na lang sa unahan.

Kinalabit ako ni Archie kaya naman napabaling ako sa kanya.

Sinuway siya ni Kuya sa tabi ko. "'Wag mong kulitin, bad mood 'yan," si Kuya.

Ngunit hindi siya pinakinggan ni Archie, at kinulit pa ako. "Crush mo ba 'ko, Anella? Okay lang naman kung oo, 'di na rin naman bago sa akin iyong mga ganoon."

"You wish."

"I don't have to."

Bumaling ako sa kaniya. "Bakit naman?"

"Alam ko namang crush mo talaga ako, kinikilig ka pa nga sa 'kin, pulang-pula pisngi mo." Inabot niya ako at kinurot sa pisngi.

Hinampas ko ang kaniyang kamay. "Shut up!"

"Good morning, everyone!" Pumasok si Sir Payne at inilapag ang dalang bag sa teacher's table.

Binati namin siya pabalik.

"Anyway, we'll be having a visitor today."

"Para saan, Sir?" tanong noong kaklase kong babae.

"Namimilit kaya pumayag na ako, just ignore him later."

We nodded.

"Sino, Sir?"

"Daming tanong ni Trisha..." reklamo ni Sam sa kabilang gilid ko.

Nahihilo ako kaya tumungo muna ako sa aking armrest para mapahinga ang aking ulo. Feeling ko tuloy ay magkakalagnat ako.

Nangibabaw ang bulong-bulungan ng mga kaklase, pero nanatili akong nakatungo dahil masama ang aking pakiramdam para mag-angat pa.