سلسبيل _ أل _ جبريل
روايه __ روح
مهى صبت من افراشها بعد مكالمتها لالياس ادوشت جهزا لبسه لنفسها و دارت غسول وميك أب وراجت الياس يرن عليها عشان تطلع له ....
ـ
ـ
الياس رن على مهى : الو هيمتي وينك اني في نفس مكاننا ...
مهى بصوت مصطنع : اها اني طالعه بيبي نتلاقوو 😖😏
الياس ذاب في الصوت 😣 : احييييي يا روح البيبي انراجي فيك ..
مهى في باعدت التلفون عن وجها ومسككاته باطراف اصابعها مشمئزه منه و قالت يعععع ايوووو 😖😷..
وسكرت الخط ..
يلا نبحتو حبل الكذب كم وحده بعددي او قبلي 😒
ـ
ـ
مهى ركبت السياره مع الياس ..
مهى : هيلاوو ايسو و مالت برقبتها اشوي ...
كانت تُحفه و بشرتها القمحيه و شعرها الكتسنائي الطويل ووجها الدائري وخدودها مغريه ..
الياس 😍: اهلاين بروح ايسو وقلب ايسو شخبارك اخباري احسن حال محلا حالي لما شفتك ...
مهى ابتسمت برقة و انحمرت ...
الياس قرب منها وهي غمضت عيونها حست بانفاسه ع وجها وهي تتمت ترتجف ...
لا مهى ردي قويه يايمييي على من نكذب اي قويه انا حتى من الدجاجه نخاف 😣...
مدا يدها ودفاته بقوة.
مهى : حول عني يررا معش تقرب منين يعع .. رحطا يديها ع وجها ....
الياس بحت فيه بحقد راقيتله بكل بكل منها ....😤😤
خذ نفس و تصنع الصدمه والزعل ...
الياس : كنك هميتي مسك يده وتمت يمرر في اصبعها ع وجها يدها ..
هي بحتت فيه و عيونها يادوب مفتحات وهو ذاب فيها خلاص و قرب منها ما قاومتش ورن فونه ابتسمت وخذاته ردت هو انصدم وقعد يدعي ماتطلعش سحر او اي وحده ثانيه 😒 ...
مهى قرت الاسم روحي ابتسمت بخبث
مهى احم اح احم بجعونه ودلع مصطنع .... : هااايي من معايي هههه 😏..
الياس هيتي مهى فكيننا من الدوا ...
البنت 😨: اهلا الياس موجود.
مهى : ههههه ايسو حبيبي حووول خلاص هههه ذبت اااااه ايسو وتبحت في الياس و رافعه حواجبها لالياس ومبتسمه بخبث.
البتت : ال.. الياس حبيبك من امتى ..
ضضحكت مهى من زمان ويبي يزوجني.. والياس سحب من مهى التلفون وسكر ع البنت ....
الياس بحت واعيونه فيهن الشر لمهى ...
مهى خافت وتمت تحاول تبعد والياس شدها من راسه وقربها منه بلقوه ومايفصلش بينهم شي وجه في الوجه ومهى ترتجف ...
مهى : ال.. الياس ح ..ححول كنك ...
الياس قرب منها وااا...
رفعت مهى رفعت يدها وعطاته كف قوي نين الياس باعد عنها وبحت فيها زيين ومهى حولت عنه وقالت له مهى بعصبيه : حول عني يا الصايع من بنت لبنت اتقول راعي غنم يا حيوان ماعنددكش خوات تخاف عليهن استر ع عباد ربي نا اللي كنت حماره يوم حبيتك وصدقت كلامك وخالفت مبادئِ وقلبي وعقلي وانا نحاول اني منزعلكش ونراضيك زعلت نفسي وتحشمت من روحي لما نطلع معاك وانا خايفه مانبيش نطلع لكن امرايفه عليك لكن اخساره في اريافي خزيه اشباه الرجال وصنف منهن خساره فيك حتى ذكر ....
و نزلت من السياره وهو قاعد في صدمه و برم سيارته وقعد يلحق فيها هي حست بيه لكن مش عارفه و هي وين بضبط والشمس قريب تغرب خافت بروحه في حي مش عارفه روحها وين لفت نفسها بجكتها وتمت اتمشى نين وصلت الشارع حست بيه تعرفه من زمان الشارع هضا خشت فيه تمتت اتمشى على امل تلاقي شخص يوصلها لوسط البلاد لكن هي خايفه تركب نع شخص يطلع ولد حرام ...
قعدت تمشي لعند المغرب اذن خافت وتمت تبكي وتمسح دموعها باحتت تلفونها لاقاته طافي...
كملت مسيرها لعند تعبت وقعدت قدام حوش بحتت فيه و حست ان الحوش ليها.هيا لكن ما تقدرش اتخش فيه شكله قديم له زمان حوش اصغير حواليه عشب
واجد ونباتات ... استجمعت شجاعتها وطقت مرتين عليه ماحد فتح طقت اخرا و ماحد فتح زقاته بشويش الباب فتح و خذت نفس وخشت الاثاث قديم والحوش فيه اشوي فرش ةفراشات مزالن مفرودات اثار خطوات لهن زمان فيه شكله كان فيه عرب زمان ومسيبينه مشت اتبحت له من جوا خشت اول دار ..
مهى : هذي دار اطفال وخشت فيها ...
تمت اتخيل في مجيد ..
مجيد امصبي وعدا يجري شور الباب وطلع مهى بحتت فيه و مجيد حل الباب وطلع جت شور الباب مشت وراه و فتحت الباب تبحت لمجيد مشئ واختفى حلت فمها..
مشت
و طلعت لصاله حقت عبد الوهاب متكي ويتقلب في فراش في حد الصاله خافت ومشت شور الدار اللي مصادرتها فتحت الباب لقتها دار الضيوف في مساند طيحات البعض منهن صقمتهن و طلعت لقيت دار في حد الصاله مشيت لها حليتها لقيت راجل قاعد ع السرير و منزل راسه وحيله مهدود ووجهه اسود خفت انقرب مشيت نحوه هو رفع راسه وبحت في الباب وصبا و مشى وطلع مهى بحتت وراها للباب ماحقاتش خشت لدار بحت فيها الدار كان في شخص راقد فيها من زمان لان الغبار ع الفراش مش منفوض. وبحت للدولاب بدش مراء هضا 😕 وبحتت وراها لقت كرسي طايح ع الارض وجنبه مشنقه خافت و جت تبي تطلع حست بحاجه وراها جذبتها لسرير بحتت تحت منه لقت صندوق فيه صور فتحتهن لقت الاولاد اللي حقتهم وخافت و قلبت اخرا حقت صور لمراء جميله ملامحها رافعه شعرها وقاعده ادودش في ولدها الصغير (مجيد) وقلبت اخر شايله ولد ثاني في القماط (هديه)
قلبت لقت ولد راقد وهو قاعد وفمه امعبي ويسايل (عبد الوهاب) قلبت اول صورة لقت مراءه جنب راجل وطالقه شعرها وقدمها اصغارها فرحانين لكن هناك شيء مريب هناك لمحه حزن فيها غريب او هكي نحس ..
بعدها داخت ورقدت..
ــــــــــــــــــــــــــــــــــــــــــــــــــــــــــــــــــــــــــــــــــ
مهى تحلم ...
خشت عليا المراءه من الباب والدنيا كلها بيضه مسكت يدي وصبيت امعها كان وجها ابيض ومبتسمه وتحبت فيا بكل حب وامل و طلعنا برا لقينا الدنيا كلها نار وحوشها الوحيد امان وفيه ورد ونبات وشيرت يدها حوش جنبها و كان السبب في النيران تطلع منه نفس البركان و بحتت فيه وكان قريب منها هلبا لكن كيف مش مأثر ع حوشها و هي تلفتت لي ودارت لي اشاره السلام وبيدها ورفعت يدها فوق دارت اشاره النصر و قربت مني انا خفت وغمضت اعيوني وقالت انتقمي لروح اللي جواك انتقمي لي .... انا فتحت فمي في الحلم ومسكت ايديا الاثنين وتمن دموعها ينزلن كيف الدو همست في وذني بصوت خافت وصدا صوت
وقالت : انا حيه انا حييهه و اختفت مره وحده ...
مهى ناضت بسرعه ولقت فوق راسها 😨..
ــــــــــــــــــــــــــــــــــــــــــــــــــــــــــــــــــــــــــــــــــ
سلسبيل أل جبريل ..
#روايه ـــ روح
في الماضي :
قبل ما تتوفى اسمااء...
اسماء : لما تروح انشاء الله نبدو نديرو ملف لهيبا ونقروه مع بعضنا 😍
حامد : ههههه حاضر مش حانطول نمشي نجيب الاوراق و نجي و نديرو اللي تبيها كلها حاضر ..
اسماء : وعد كل حاجه نبيها ❤
حامد ضحك : اي كنك اكيد كل حاجه كم سميوا عندي نا توا كل حاجه سا نديروها مع بضعنا وكل حاجه تبيها حاضر 😂😂❤ ...
اسماء : انا نراجي فيك ما اطولش عليا باهي ودير كل حاجه نبيها حتى لو صارت فيا حاجه حاضر. ..
حامد كان يبي يطلع رد وضمها بقوه وقال
حامد : اشش ما تقوليش هك انا سا نرد ونديرو كل حاجه تبيها عيوني باه وباس راسه ووصلاته للباب وطلع وهي ابتسمت له و شيرا له باي من بعيد و هو عدا وسكرت الباب ..
زعلانه مش هاين عليها مشيته تبيها معاها ديما. ..
ـ
ـ
وكان في شخص يراقب ويراجي في حامد يمشي و كان عالم بكل حاجه عنده 😈💔
ـ
ــــــــــــــــــــــــــــــــــــــــــــــــــــــــــــــــــــــــــــــــــ
ـ
بعد عدا حامد اسماء اغسلت لاولادها وفطرتهم و قعدت تقرا في قراءن لعند بعد العصر وطق الباب.
اسماء : صدق الله العظين وصبت تفتح لاقت ولد جارهم الصغير ولد ناجيه ...
حمزه : يا عمتي مجيد قاعد ..
اسماء اضحكت وباسته 😂♥: لها خش العب معه ..
حمزه تحشم : لالا خلينا نمشو نلعبو برا كلميه ..
اسماء ضحكت عشان تحشم وقالت له خش كلمه وعدو العبو خش وطلعو هو ومجيد وعبد الوهاب تما يبكي خذوه معهم وقعدت هي وبنتها ...
ـ
ـ
مجهول بعد حق العويل تباعدو زقب ع اسماء ...
اسماء تلفتت وراه ..
اسماء : لاااا حوول وتبي اتعيط سكر لها فمها ...
و سحبها لدار وقعد وووووا ...
اسماء تبكي : حول عني حول يا نجس يا قذر حرمه صاحبك ادير فيا هكي حسبي الله ونعما الوكيل خزيه وتبكي ...
مجهول. ابتسم : .....
ــــــــــــــــــــــــــــــــــــــــــــــــــــــــــــــــــــــــــــــــــ
روايه ـــ روح
#سلسبيل أل جبريل ....
اسفه ع التاخير في النشر لكن ممن قله وقت الفراغ ومافيش دعم هلبا نحاول نكتب وتكون جميله وشكرا لقرائتكم ودعمكم و انحبكم ....
أنت تقرأ
روايــه ــــــ روح.
Espiritualروح .. لـ سلسبيل أل جبريل .. المقدمه يُروا قديماً عن الارواح .. وعن تحاور الارواح او اتحادها ... و احياناً نادراً .. تنتقل روح شخص بعد موته لاخر وتكون ساكنةً فيه وقد يكون سبب سكنها لاسباب منها الثأر او توصيل رساله او حلم قديم قيد التحقيق... واليوم...
