💕أنت قلبي٢💕

الحلقة ٢٨

#انت_قلبي٢
#بوسي_مصطفى
_____________
الحلقة ٢٨

في شقة كريم
ندى : فريدة... فريدة فوقي بقى
فريدة : ايه في ايه؟!
حاجه حصلت... طنظ سميرة كويسه.. كريم رجع من بره.. الولاد صحيوا من النوم.. فين جميلة؟؟
ندى : يا نهار كل دا في دماغك
اطمني يااختي جميلة نايمه وولادك كمان جوزك لسه مرجعش
وطنط سميرة كويسه و علاء وشهد بايتين عندها الليلة
فريدة : طب لما الولاد نايمين وطنط سميرة كويسة وكريم لسه مرجعش من المستشفى
بتصحيني ليه يا ندى؟؟!
ندى : علشان تساعديني في تصحيح الكراريس دي
انتي اللي عطلتيني النهاردة سايبه بنتك معايا من الساعة اتناشر الضهر ل الساعة خمسه يا مفترية
عملت الغدا المغرب يدوب ذاكرت ل بنتي وجيت اشوف شغلي لاقيت عيني بتغمض
قولت اجيلك اكيد مصحصحه وتفوقيني معاكي لاقيتك متدهوله بالشكل ده
فريدة : هو انتي جيتي امتى صحيح
ندى : نعم يااختي هو انتي كمان نسيتي انك فتحيلي الباب
فريدة :"مش فاكرة يا ندى
طيب ادخلي اعمليلك حاجه اشربيها وانزلي علشان تنامي
ندى : بقولك ساعديني في الشغل دا لازم يتصحح الليلة
فريدة ومسكت الكراريس في ايدها : هو انا مدرسة العيال دي؟؟!
ندى : لا يا حبيبتي مش المدرسة بتاعتهم
وكمان جميلة مش بنتي.. ها
اكيد فهماني.
فريدة : عايزة تمن شيلك ل بنتي صح؟!
ندى : ايوه مفيش حاجه هنا ببلاش
امسكي القلم وصححي دول عقبال ما خلص دول كمان.
فريدة : اصحح ايه يا ندى
سبيني ألحق أنام قبل ما جميلة تصحى
ندى : افتكري انك هتحتاجيني بكره.. وبنتك زي ما انتي عارفه
مطلعه عينك.
فريدة : خلاص يا ندى هاتي دول
ندى : بالراحة الكراريس هتتقطع.
فريدة : متتقطع.. وريني بقى
واخدت الكراريس  تصححهم
ندى : هدخل اعملي فنجان قهوة اعملك معايا
فريدة وهي بتغمض عينها : لا مش عايزة
ندى تخطبها على كتفها : صححي متناميش
فريدة : يعني هلاقيها منك ولا من جميلة
ندى : قدمي السبت علشان تلاقي الأحد والاتنين والتالت والأربع
فريدة : وباقي الاسبوع
ندى : عشيهم بقى مع ولادك دول يومين اجازة هههههههههه
فريدة : قومي يا ندى بدل ما احدف الكراريس دي.
انا كنت خلصت الشغل دا من زمان عايزة ترجعيني ليه... تاني ليه؟؟
ندى : علشان تفتحي مخك اللي قفل من القعاد في البيت
ده !!
فريدة : قسمي الكراريس دي يااختي بقي
ندى : قسمتهم يا فريدة اشتغلي بقى
فريدة : انتي ظالمه علشان اللي معايا اكتر من اللي عندك
ندى : هههههههه اخلصي يا فريدة
وبقولك ايه الخط عندك صغير ركزي كده وانتي بتقري
فريدة : كمان !!
اسمعي.
ندى : ايه في ايه
فريدة : صوت جميلة ده؟؟
ندى : هروح اجيبها
فريدة :  اه يا انا يا أمه اه
ندى : هههههههه قولي حرمت يا ماما.
فريدة : حرمت وبس انا تربيت من أول وجديد يااختي روحي هاتيها علشان لو دخلت عندها مش عارفه ممكن اعمل ايه
ندى : هههههههه انا هاخدها عندي
بدل ما تقومي تعملي حاجه في البنت... ايه رأيك؟؟
فريدة : موافقه خديها ب شنطة هدومها.
ندى : هههههههههه
كلام وبس لو راجل ادهالي .
فريدة : أنا راجل يا ستي بس خديها.
ندى : هههههههه.
_____________