صباح يوم من الايام
في قصر عائله الحديدي
حلا: ريري يلا هتتاخري ع الجامعه
ريهام: مش قادره منمتش امبارح كويس
حلا بخبث :ليه ببقا انشاء الله
ريهام بإرتباك: ملكيش دعوه خليكي في حالك
حلا: براحتك بس اخلصي عشان ماما لو لقتك لسه نايمه ممكن تعمل منك بطاطس محمره
ريهام: ماشي بس مش تفتني انتي بس
حلا ببرائه: انا ده انا ملاك
ريهام : اخرسي بقا وروحي المدرسه ومش تقرفيني
حلا: ماشي بكره تندمي
_________________________________
في قصر عائله الشامي
على طاوله الطعام
اسر: صباح الخير
مريم (الام) : صباح النور
أسر : ازيك يا زفت
مروان: كويس
حلمي(الاب) : يلا عشان تفطر
اسر: لا انا اتاخرت يدوبك الحق اوصل
مريم: مع السلامه ياحبيبي
مريم: وانت يا بغل قوم روح مدرستك
مروان : لا اله الا الله انتو دايما كده قرشين ملحتي مضايقين مني ليه مش فاهم
مريم : بتكيدني مش عارفه ليه عمال تاكل ليل ونهار والمصيبه مش بيبان عليك بدل الكرش عضلات
مروان: وهو يخمس في وشها الله اكبر الله اكبر في وشك يشيخه ايه اللي اكبر
مريم: قوم يلا قوم (بصوت عالي)
مروان : سلام يمزه
حلمي وعينيه كانت دمعت من كثره الضحك عليهم فهما هكذا كل صباح
مريم : اضحك اضحك بالذمه ده منظر واحد في تالته ثانوي لا بذاكر ولا بيعمل حاجه
حلمي: سبيه كده كده هيشتغل معايا في الشركه
مريم: خليك كده مدلعه
مريم: طب قوم روح شغلك يلا
______________________________
في الجامعه
ريهام بتجري عشان تلحق المحاضره تخبط في أسر
ريهام بخجل : أسر ازيك
أسر بحب: بقيت كويس لما شوفتك مالك بتجري ليه
ريهام: اتاخرت ع المحاضره يلهوي نسيتها ووقفه اتكلم معاك باي
أسر ويتكلم بصوت عالي: تليفونات بقا
اسر: مشيت 😞😕
في المحاضره
ريهام: اسفه يا دكتور اني اتاخرت
سيف : خشي يا ريهام وإياك تتأخري تاني
ريهام : حاضر
ريهام وهي تجلس بجانب صديقتها: الله يخربيتك مش قولتلك لو مش صحيت ترني عليا
فيروز: منا رنيت
ريهام : مسمعتش
فيروز: حلا ردت عليا وقالتلي هي مش هتيجي فاستغربت
ريهام: اه يحلا يبنت ال مش عايزه اغلط وربنا لمورياها
سيف : ريهام وفيروز مش كفايه جايه متأخر وكمان بتتكلمي مع اللي جنبك
ريهام: اسف يا دكتور
__________________________________
في مدرسه الإعدادي
حلا: انا مكنتش اعرف ان تالته اعدادي صاعبه اووي كده
ريم صديقتها : اه والله ربنا يعينا
حلا: كنت بقولك فكريلي كده في كان فكره جهنميه عشان اخلي ريهام تتقرب من أسر اكتر
ريم: وانتي مالك يحشريه انتي متسبيهم.
حلا : يبنتي ريهام دايبه فيه هو مكسوف يعترفلها وهي مكسوفه تعترفله مقضينها تليفونات وانا الصراحه قوضتها عجباني وعشمانه اني أخدها بعدها
ريم : يخربيتك طماعه ده اللي همك طب بصي عرفت انه عنده اخ اسمه مروان في تالته ثانوي هعاول اطقسلك واجبلك رقمه
حلا: ياريت هي الصراحه عملتلي حاجات كتير وانا عايزه اردلها جميل من جماليلها
ريم وهي تضحك: ماشي يختي.
_________________________________
في مدرسه الثانوي
مروان : مسا مسا ع الناس الكويسة
عمر: مسا مسا
مروان : عملت ايه في الخروجه ياها
عمر: اشطا في شويه بنات صاروخ
مروان : الله عليك وانت مروقني كده
عمر: ابوك هيوافق
مروان: اه متخافش هقنعه وهقعد اعيط وكده وانت عارف هو بيحبني قد ايه
عمر : ماشي يعم مفيش حد قدك ابوك بيحبك بقا وحاجه عال العال
مروان : اه لو تبطل نقك ده
انا همشي عشان اجهز الخروجه
عمر: انت لسه جاي
مروان: يعم عادي اصلا مش بحضر حاجه من الحصص امشي بقا
عمر : طب تعالا معايا اروح اجيب ميار من المدرسه
مروان بملل: طيب
________________________________
في مدرسه الإعدادي
حلا: يلا عشان عايزه الحق اذاكر وافكر ازاي اجيب رقم مروان ده يمكن يساعدني
ريم: طيب يلا
عمر ومروان ع باب المدرسه مستنين ميار
ميار : ميرو ازيك مفاجأه انك جيت تاخذني من المدرسه
مروان : جيت مع اخوكي يختي
ميار: اول مره تعملها وتيجي يعني اي السبب
عمر : عادي فيها حاجه
ميار : لا ابقى اعملها علطول يعم
عند حلا وريم
ريم: مش ده مروان
حلا :فين فين
ريم : اهو وتشاور عليه
حلا: طب هروح له
ريم: استنى يمجنونه هتقولي ايه
حلا: اي حاجه المهم مش اضيعه من ايدي
حلا : مروان مروان
مروان : نعم حضرتك تعرفيني
حلا: احم اسفه لو كلمتك كده بس عايزاك في موضوع مهم
ميار: وانتي تعرفيه منين
حلا : وانتي مالك يستي خليكي في حالك
مروان: خلاص يميار قولي يا
حلا: حلا اسمي حلا
مروان : اتشرفت
حلا : ينفع تديني رقم تليفونك وهكلمك عشان الموضوع ده مهم اووي
مروان : طب ما نقعد في اي مكان.
حلا: مش هينفع عشان السواق مستنيني
مروان : طيب اتفضلي 0*********
حلا: طيب هرن عليك باي
انا لسه مبتدئه فووووت كتيييير بقا وفرحوني
أنت تقرأ
الانتقام الجارح 💔
Adventureالحب شى جميل ورائع ولكن يتطلب مع الحب الاهتمام الفراق ليس نهايه الحياه إنما هي بدايه الحياه حبك سيظل في قلبي ولن انساه مهما طال العمر بيننا سأظل احبك 💕
