عاشق_اللتين💛

1

ف بيت فخم زي القصر عالي راجل كبير السن ف عمر الستينات ماسك جريده وبقرأ فيها قاطعتو الخادمه الفلبينيه
إيليانا: بابا صفره جاهز
فاروق: نادي الاولاد من غرفهم
مشى ع الصفره قعد ف كرسيه المعتاد شويه والاولاد قعدوا حوليه
راشد:صباح الخير ي حاج
فاروق:صباح النور وين رويد م شايفو
راشد: بكون نايم
رسلان: هو فاضي من السهر ويجي انصاص الليالي م ف زول خاربو ف البيت ده غيرك ي ابوي
فاروق: انتو عارفين اخوكم متأثر ب وفاه امو وانو م شافها عشان كده انا بحاول م اضغط عليه
رياس: معاك حق ي ابوي رويد محتاج اننا نحتويه خصوصاً ف العمر ده
ميس: وانا رايي من راي عمي
راشد: اقعدوا دلعوا فيه كده لما يوم يجيب لينا مصيبه ف البيت ده
رسلان: وانا رايي من رايك
نهى: والله ي عمي كلام راشد ورسلان صاح
فاروق:م ليكم دعوه بيه ولدي وانا بتحمل مسؤوليتو خلونا ناكل ورانا شغل واقفلوا السيره دي
بعد خلصوا اكل اتجه كل واحد ع عربيتو رسلان ركب مع راشد لانو عربيتو متعطله وف الطريق
رسلان: عاجبك البعمل فيه ابوك ده
راشد: لا م عاجبني نعمل شنو
رسلان: ابوك مدلع الولد ده زياده عن اللزوم اي حاجه عايزها بعملها ليه
راشد: ده م مهم المهم انو بعيد عن الشركه وم عندو علاقه بيها
رسلان: معاك حق لانو لو كان ليهو علاقه بيها كان بوظ اي شي
..
ف غرفه مظلمه كلها صور مغنيين روك وموسيقى الباب بدق
رويد: اووف إيليانا عايزه شنو
إيليانا: بابا طلع الشغل وقال نصحيك عشان تفطر
رويد: م عايز اكل خليني انوم
إيليانا: م تسمع كلام بابا نتصل نكلمو ليك
رويد: لالا خلاص قمت جيبي لي الفطور ف غرفتي
إيليانا: تخاف من ابوك بس ولد جبان
رويد: م ناقصك انا من الصباح امشي خلاص
إيليانا: كويس طالع زاتو وطلعت
رويد قام اخد دوش ولبس شورت زيتي وتيشرت اسود وكان بجفف ف شعروا فطر وطلع من البيت

" رويد طالب جامعي بدرس ف كامبردج عمرو 23 سنه طويل ،ابيض،عيونو خضراء ،ملامحو كلها اجنبيه الا كلامو سوداني 💛
اصغر اولاد فاروق اخوهم من ابوهم بس ،ابوه بعد وفاه مرتو الاولى اتزوج ام رويد لاقاها ف مؤتمر ف كندا وهي كنديه الام وسودانيه الاب رويد نسخه مصغره عنها اتوفت اثناء م ولدت رويد وهو متأثر ب الموضوع ده من صغير عشان كده ابوه مدلعو شديد وده سبب كره راشد ورسلان ليهو عكسهم رياس بحبو شديد وقريب ليهو "
ميس زوجه راشد اللي هو اكبر اولاد فاروق وجاي بعدو رسلان وزوجتو نهى حتى رياس وم متزوج والاصغر رويد "

..
ب جهه تانيه ف كندا مع اختلاف التوقيت

لمار: لتين ي بت اصحي
لتين: mum please one minute
لمار: ولا ثانيه اصحي كفايه نوم بقينا المغرب
لتين: الواحد م يعرف ياخد راحتو ف البيت ده الا اكلم ليك بابا
لمار: الله يرحمو
لتين: معقوله ي ماما عدت 17 سنه ع وفاه بابا ب السرعه دي
لمار: الايام بتمر سريع ي بتي يلا قومي خلينا نطلع نوزع الاكل ده ع المساكين ناسيه انو الليله ذكرى وفاه ابوك
لتين: اخد دوش واجهز
لمار: طيب ح اجهز ليك الاكل ب المسافه دي
لتين: اوك وقامت دخلت الحمام
لمار: ي ريت لو كنت عايش ي فريد كان تشوف بتك كبرت ودخلت الجامعه بس الحمدلله ع م اراد الله

" لتين كنديه الجنسيه ابوها اتوفى وهي صغيره ربتها امها اهلها سودانين بس مقيمين ف كندا وحتى بعد وفاه ابوها عاشوا هناك "

لتين: ماما م نفسك ترجعي السودان م اشتقتي ل حبوبه وجدو
لمار: لا م ف رجعه وم تفتحي السيره دي تاني الف مره كلمتك
لتين: اهدي خلاص منفعله كده مالك لو م السودان هو تقول جهنم
لمار: خلصي اكلك وخلينا نطلع اتأخرنا
لتين: انا شبعت خلينا نمشي
لمار: متين اكلتي هسي
لتين: عايزاني اسمن ولا شنو
لمار: غايتو بنات الزمن ده عليكم كلام بتعرفوه براكم يلا نمشي
طلعوا وزعوا الاكل ع الناس ورجعوا البيت
لتين: انا الليله اول مره اتعب كده
لمار: خلاص ادخلي ارتاحي لما اجهز العشا
لتين: طيب ماشه كده تلفون امها برن
لمار: ده رقم من السودان ان شاء الله خير
لتين: ردي نشوف ف شنو
لمار: الوو ايوه ي رأفت كيفك وكيف امي
لتين: اديني خالو اتكلم معاه
لمار: اصبري اسلم عليه اول
رأفت: ابوي ده اتوفى ي لمار
لمار: لاا ده كلام شنو ي رأفت ورمت التلفون من ايدها
لتين: mum whatsapp شالت التلفون ،خالو ماما بتبكي ف شنو
رأفت: جدك ده اتوفى ي بتي
لتين: ربنا يرحمو ي رب
رأفت: ادعي ليه ي لتين وقولي ل امك حبوبتك قالت م يدفنوه الا هي تجي
لتين: حاضر بكلمها باي ، ماما خلاص اهدي هو مشى ل الاحسن مننا
لمار:ابوي مات وانا م شفتو ضمتها وببكوا بعد كم ساعه هدو شويه
لتين: ماما نحن لازم نرجع السودان
لمار: م ف طريقه انتي عندك جامعه
لتين: تيتا قالت م يدفنو جدو الا نحن نجي
لمار: طيب انا بمشي وانتي تقعدي هنا
لتين: لا انا ح امشي معاك م بخليك براك
لمار: لا انا مستحيل اخليك تمشي السودان
لتين: ماما بلييز عايزه اشوف جدو ل آخر مره م كفايه م شفت بابا قبل يتدفن
لمار: قلت لا يعني لا
..
ف المطار قاطعهم صوت
النداء الاخير ل الطائره المتوجهه الي السودان العاصمه الخرطوم الرجاء من جميع الركاب التوجه الي بوابه المغادره

لتين: ماما خلينا نمشي يلا
لمار: طيب " ي رب اكفينا شر السفره دي وخلينا نرجع ف اسرع وقت "