ذهب مع الريح

البارت الثاني والعشرون

ذهب مع الريح

البارت الثاني والعشرون

للكاتبه يقين

قمر:- مرت الايام وحياه طبيعيه ومستقره وبيوم جاي اشتغل المغرب وحسيت بألم مو طبيعي

قمر:- ااااخ ااااه اميرررررر الحكلي وينج

امير :- جنت كاعد جاي اكلب بلفون ومااحس اله عيطه قمر بلمطبخ واطفر من مكاني شبيج شنو يوجعج

قمر:- راح اموت بطني امير بطني توجعني

ام امير:- كوم امير يمه حضر السياره مرتك راح تجيب جاي تطلك

امير:- حاضر كايم

ام امير:- سمبي بلرحمن خلي اجيب الجنطه وكومي البسي ملابسج حضري نفسج

قمر:- كمت احضر نفسي بلكوه كوه واكفه من الالم اجه امير

امير:- اني ابدلج اكعدي كوليلي ملابس شتاخذين

قمر:- موجودات محظرات بلكنتور وعباتي بلكنتور هم انطيتياها

امير:- حضرت كلشي وكملت ومشييتها ع كيف للسياره وكلبي يدك سريع وخايف عليها

قمر:- الطريق كله ادعي واقره ايات واطلك كتله اميييير خابر امي تجي

امير:-خابرتها هسه مارين عليها بطريقنه

ام امير:- ليش اني مو وياج مو بعينج

قمر:-عمه مو قصدي عليج بس امي اريدها وياي

امير:-يمه هذا وقته هسه لخاطر ربج

رسميه:- خابر عليه امير وكلي قمر دتطلك اني خفت علليها وهاي اول حفيد الي وحده من بناتي اول مره تطلك خفت كمت لبست عباتي وانتضررتهم ع نار

سمر فاطمه ساره اني رايحه وينجن قمر دتطلك رايحه وياها

سمر:- ماما طمنينه عليها مو تنسين الله يسهل

رسميه:-امين يارب ادعن الها هنا

سمر:-انشالله تكوم بلسلامه

امير:- كوه اسوق ومسيطر مااعرف هو فد شي سهل عادي يصير بكل مكان بس اني ارتبكت لان اشوفها تتوجع ولان اول طفل الي راح يجي وصلت لبيت عمي اخذت عمتي رسميه ووصلنه للمستشفى

رسميه:- يله يمه انزلي ع كيفج اني وياج

قمر:- نزلت والخوف يتملكني لان دائما النسوان من يحجن يهبطن الواحد الطلوكه موت احمر هذا الي جنت اسمعه فخفت خوف عظيم وصلت وضليت يوووم كامل اطلق بحيث هلكت هلكت كلش يله جببت

امير:- ظلت يوم كامل بلمستشفى وبعدبن جابت اجتي امي شايله بيدها بنوته تخبل وصغيرونه اخذتها منها وامي كالتلي كبر بأذانها كبرت وبستها شعور يخبل مو طبيعي

امير:-يمه قمر شلونها

ام امير:- زينه بس تعبت ونايمه هسه  بنتك شنو تسميها