عاشق_اللتين💛

3

جا يوم سفر لمار معاها رأفت ولتين ف المطار
لمار: لتين م اوصيك تخلي بالك ع نفسك لما اجي
لتين: م تقلقي علي
لمار: رأفت لتين ف عيونك وانت عارف مرتك كلامها م حلو خليها تبعد من بتي
رأفت: م تخافي بوقفها عند حدها ولتين دي بتي امشي وانتي متطمنه
لين: ماما هي كلها يومين وجايه بتوصينا قدر ده مالك
لمار: غلطانه انا خايفه عليك
لتين: خلاص م تزعلي طيارتك ح تقلع يلا امشي
لمار: حاضر حضنتها وودعتهم ومشت
لتين: اشتقت ليها من هسي
رأفت: رايك شنو نمشي ناكل بيتزا
لتين: ي الله نفسي فيها ي خالو
رأفت: خلاص ح اوديك مكان ظابط جدا بعمل بيتزا ح تاكلي صوابعك وراها
لتين: يلا نمشي منتظرين شنو
اتحركوا ع المطعم وصلوا
رأفت: ناكل جوه ولا نطلبها سفري
لتين: لا سفري عشان ناكل مع حبوبه ف البيت
رأفت: طيب خليك هنا ح انزل اجيبها واجي
لتين: حاضر م تتأخر
رأفت: طيب ومشى وهي قاعده بتعاين ب الشباك شافت كلب صغير عايز يقطع الظلط وم قادر عشان العربات نزلت مشت عليهو
لتين: رفعتوا ووقفت بيه انت حلو كده ليه امك وين واقف هنا براك شكلك تايه لونك حلو شديد رايك شنو تمشي معاي البيت موافق
بين م هي بتتكلم ف عربيه جايه عليها جا واحد جراها انتي مجنونه م بتشوفي
لتين: انت
رويد: انتي الجابك هنا شنو وواقفه ف نص الظلط مالك عايزه تنتحري
لتين: ضحكت انتحر ليه عايزه انقذ الكلب ده كنت
رويد كان سارح ف ضحكتها
" لماذا تزيد ضربات قلبي عندما تضحكين💛 "
لتين: هوي سرحت وين
رويد: معاك كنتي بتقولي ف شنو
لتين: واضح انك معاي المهم شكرا انك انقذتني انا والكلب
رويد: ح تعملي بيه شنو الكلب ده
لتين: ح آخدوا معاي طبعا شكلو وحيد
رويد: والله انتي مجنونه
رأفت: قاطعهم لتين ده منو ومالك نزلتي من العربيه
لتين: شفت الكلب ده كانت ح تضربوا عربيه نزلت اشيلو وكان ف عربيه ح تضربنا الاتنين بس ده انقذني
رأفت: وانتي كويسه انا مش حذرتك م تنزلي
لتين: انا كويسه م تخاف
رويد: المره دي انا انقذتك بس المره الجايه م معروف يحصل شنو اعملي حسابك
رأفت: شكرا ليك ي ولدي
رويد: العفو ع شنو ده واجبي
رأفت: خلينا نمشي يلا
لتين: باي رويد
رويد: باي لتين

" وحين نطقت اسمي احسست انه ل أول مره يتردد ع مسمعي وكأنني كنت اريد أن اقول لها هل يمكنك قوله مره اخرى💛 "

رويد جا داخل البيت وهو مبسوط وبغني " صدفه واجمل صدفه يومي اللاقيتك"
رياس: لاقيت منو ي فنان
رويد: لاقيتها لاقيت لتين وضحكت ونادتني ب اسمي
رياس: لاقيتها وين
رويد: دي قصه طويله المهم اني لاقيتها ووقفت اتكلمت معاها
رياس: الفرحه دي كلها عشان اتكلمت معاها طيب لو شلت رقمها ح تعمل شنو
رويد: ممكن اروح فيها طوالي
رياس: البت دي ح تجننك
رويد: انا جنيت وانتهيت
رياس: انت البت دي م بتعرفها ولا بتعرف عنها حاجه فما تتأمل وتعشم نفسك ساي
رويد: مش انت قلت لي " القدر ممكن يغير اي حاجه ف لمح البصر"
رياس: ايوه بس
رويد: م بس انا مؤمن ب القدر ومتأكد البت دي ح تكون من نصيبي
رياس: ي ريت انا م عايز حاجه غير اني اشوفك مبسوط
ميس: ابسطوني معاكم
رياس: ي ستي الاستاذ شكلو بحب
ميس: ب الجد ي رويد
رويد:اممم احتمال كبير انا طالع غرفتي قبل يجي واحد من اخوانك يخرب مزاجي وطلع
ميس: اول مره اشوف رويد مبسوط كده بعد وفاه امو
رياس: وانا كمان البت دي شكلها ح تخلي رويد يبقى احسن
ميس: ان شاء الله ي رب لانو يستاهل يفرح شويه ف حياتو
...
بعد كم يوم لمار جات راجعه الخرطوم
لتين: والله اشتقت ليك شوق
لمار: بطلي كذب لقيتي خالك ده نسيتيني عدييل
لتين: وانا اقدر انساك ي جميل
نفيسه: ي بكاشه اليوم كلو مع خالك مقضياهو حوامه حتى انا م قعدتي معاي
لتين: خليك محضر خير ي تيتا
رأفت: بت وخالها خلونا نتبسط شويه
لمار: المهم دي كل اوراق لتين ي رأفت تقدر من بكرا تمشي تسجل ليها
رأفت: طيب تمام بكرا انا ولتين ح نمشي الجامعه الصباح
لتين: اخيراً ح امشي الجامعه بس ي ماما ح امشي واجي ب شنو
لمار: ح نجيب ليك عربيه كلمت خالك ب الموضوع ده
رأفت: العربيه جاهزه ويومين وبتكون معاك بكرا انا بوصلك وبجيبك بعد تخلصي
لتيت: اووك حلوو
لمار: انا ماشه ارتاح شويه تعبانه من السفر
لتين: وانا ماشه اجهز حاجاتي ل بكرا وطلعوا غرفهم
منى: بقيت شغال قصاد اختك وبتها وناسينا نحن خالص
رأفت: مالك ناقصك شنو انتي
منى: اقعد معانا شويه ولا طلع بتك دي فسحها
رأفت: اقعدها من روضتها يعني واسوقها افسحها قولي كلام يدخل الراس
نفيسه: اصلو م بتعقلي ي منى الا تخربي اي لحظه فرح ف البيت ده
منى: هسي بقيت انا غلطانه اصلا م ف زول بطيق لي كلمه ف البيت ده
رأفت: انا طالع لو قعدته اكتر من كده راسي ح يطق عن اذنكم
تاني يوم لتين ورأفت ف مكتب عميد الجامعه
العميد: شكلك شاطره ي لتين معدلاتك عاليه ومعاك لغات
رأفت: عشان كده ي دكتور عايزك تخليها تنزل من تانيه حرام تضيع عليها سنه كامله
العميد: الموضوع صعب بس ومالو نجرب ح اخليها تنزل تانيه بس بشرط عايز امتياز من اول سمستر لانو المنهج بختلف شويه عن القرتو
لتين: وانا موافقه ح اجيب الامتياز
العميد: لو كده تقدري تبدي محاضراتك من الليله
رأفت: شكرا دكتور وعن اذنك نمشي نحن
العميد: اتفضلوا طلعوا برا
رأفت: اها حابه تحضري محاضرات الليله
لتين: لا بس حابه اتفرج ع الجامعه لو ممكن
رأفت: طيب اول م تخلصي اتصلي لي اجي آخدك
لتين: طيب ي خالو امشي انت طلع وخلاها بقت لافه ف الجامعه
رويد كان قاعد مع شلتو بتونسوا وبضحكوا
سامر: اوباا دي شنو المزه الاجنبيه دي شكلها جديده هنا
مناسك: وين دي اشر ع لتين كلهم اتلفتوا عليها
رويد: لتين الجابها هنا شنو
سامر: بتعرفها
رويد: دقيقه قام مشى عليها لتين
لتين: رويد الجابك هنا شنو
رويد: انا بقرأ هنا انتي الجابك شنو
لتين: وانا سجلت هنا وده اول يوم لي
رويد: يعني م ح تسافري
لتين: لا حبوبه اصرت نقعد معاها هنا
رويد: دي احسن حاجه عملتها
لتين: قلت حاجه انت
رويد: لالا اها بتقري شنو
لتين: بيزنس
رويد: يعني برلومتي
لتين: لا طبعا نزلت تانيه ع طول
رويد: كيف دي مفترض تكوني ف اولى
لتين: العميد لقى معدلاتي عاليه ومعاي لغات فوافق يخليني اكمل محل م وقف
رويد: ي بت المحظوظه تعالي اعرفك ع شلتي
لتين: طيب مشوا عليهم
رويد: لتين ، لتين ديل مناسك ، سامر ، عمر ، اصحابي واقرب ناس لي
سامر: اتشرفنا
مناسك: شكلك جديده هنا
لتين: ايوه اول مره اجي السودان
عمر: بس بتتكلمي كويس
لتين: اهلي سودانين بس انا مولوده ف كندا ومتربيه هناك
مناسك: ي بت المحظوظه والجابك السودان الفقر ده شنو
لتين: جدو ابو ماما اتوفى عشان كده
مناسك: ربنا يرحموا
رويد: ح تقضوها استجواب ضيفوا البت
سامر: رايك شنو تفطري معانا بوش
لتين: بوش ده شنو
سامر: بعد تاكليه ح تعرفي
مناسك: هوي عايز تدخل البت مستشفى ولا شنو
لتين: م مشكله انا عايزه اجرب
سامر: شفتي اطلعي منها انتي
رويد: خلونا نمشي خلاص مشوا الكافتيريا ظبطوا بوش وقعدوا ياكلوا
لتين: امم التوس ده حلو
رويد: اسمو بوش م توس
لتين: سوري نسيت
مناسك: قولي البريحك م تشتغلي بيهم
اكلو وشربوا بارد واتونسوا لتين خشت فيهم ب سرعه طول القعده رويد م شال عينو من عليها قاطعهم تلفون لتين بتصل
لتين: ايوه ي خالو
رأفت: خلصتي انا جنب الجامعه
لتين: ايوه خلاص انا طالعه عليك
مناسك: ماشه ولا شنو
لتين: ايوه خالو منتظرني برا لازم امشي نتلاقى بكرا
عمر: طيب ف انتظارك
لتين: رويد اديني رقمك عشان بكرا لما اجي اتصل عليك
رويد: طيب سجلي عندك 090.....
لتين: طيب يلا باي ومشت
مناسك: اممم م ع بعضك مالك
رويد:ابداً م ف شي
عمر: م ف شي شنو وانت ح تاكل البت ب عيونك وبعدين بتعرفها من وين
سامر: م تكون دي البت الحكيت لينا عنها ومشقلبه حالك
مناسك: معقوله صدفه ب الطريقه دي كل مره
عمر:شكلو ح تكون ف قصه حب اسطوريه تشهدها جامعتنا
رويد: خلاص م تشغلوها لي

" صدفه وراء صدفه ف كل مره اراها تأخد قطعه من قلبي وتذهب وتفقدني صوابي وتجعلني أعجز عن التفكير ف سواها 💛 "