كنت داخلة الفيس بتصفح سااي وماف موضوع عاد عندي المجان مالي ما بفتح فيس 😂😂 وصفحتي وهمية شديد يعني لا بنزل صوري لا بنشر بدخل القروبات بضحك وبقرأ الاستشاراات وبطلع لا زول برسل لي لا برسل لزوول 😂😂😂
يوم قاعدة في امان الله داخلة قروب بتاع استشارات قلت يا بت الحياة تجارب اقري الاشتشارات دي عشان تتعلمي بعديين.... فجاءة جاتني رسالة 😐😐 اجي كمان دة منو البرسل لي م مصاحبة اولاد زاتو ياهم ال 10 بنات ديل تلاتة اخواتي وواحدة بت جيرانا والباقيات من اهلي بنشطو في السنة مرة 😂
المهم فتحتها الاسم كان ظاهر لي أحمد مكتوب بالانجليزي وخاتي في البروفايل صورة لونها ازرق سادة بتاعت blue for Sudan . حقت مجزرة القيادة ديك.. . وكان مرسل لي سلام كيفك.. 😊
استغربت قلت دة منو كمان وداير منو شنو 😐 عباطة الاولاد وممكن نتعرف والقرف دة ما بينفع معاي انا 😑😐 كنت عايزة احظرو طوالي رسل لي اها رسلي الرقم...
بقيت عاملة كدة 😐😐 رقم شنو يا ولد 😐 قال لي رقمك حيكون شنو يعني 😒
قلت ليهو وانا بعرفك من وين عشان ارسل ليك رقمي انت حيوان ولا شنو ولا قايلني فاكة بدي رقمي لاي زول. وكمان قال اديهو لناس الفيس 😒 والله دة الفضل 😒 عليك الله انت ما بتخجل ما عندك اخوات في البيت بالجد خلاص الرجال ماتو في كرري.. 😑😑😑
كنت منفعلة شديد 😂 بعد شوية رسل لي قال لي دقيقة دقيقة انت متخلفة ولا هبلة مش انتي علقتي في زفت المنشور اللي انا عاملو في القروب صح ولا انا بتخيل 😐😐😒 قلت ليهو ياتو منشور 😐😐 قال لي لحظة قام عمل لي تاق فيهو... مشيت شفت المنشور كان عبارة عن خمسة جوائز بتتوزع عشوائي لخمسة من الناس اللي في الكومنتات 😂😂 والجائزة رصيد 500 لكل واحد فيهم 😂😂 عاد انا من الله خلقني بشترك في بوستات المسابقات ما حصل فزت بالغلط يا ربي الليلة ح اموت ولا مالي 😂😂💚 طوالي رجعت ليهو وكلامي اتقلب 180 درجة قلت ليهو معليش والله م انتبهت كنت قايلاك من نوع الاولاد الحايمين في الفيس الايام دي وعايزين يتعرفوا علي اي بت بعتذر والله 😊 قال لي م حنك المهم انتي الفايزة الخامسة اكتبي ليك اي رقم عشان احول ليك القروش ان شاء الله رقم جدك 😑
رسلت ليهو رقمي قال لي 5 دقايق ويجيك... قلت ليهو طييب 😊😊
وفعلا بعد 5 دقايق جااني الرصيد.. قلت ليهو شكراا ليك والله م كنت مصدقاك لكن قلت اشوف اخرك شنو 😂😂 قال لي اصلا واضح انك مادية حقيرة 😂 قلت ليهو لا لا والله لكن مسابقات الفيس دي كلها طلس سااي عشان كدة 😂 قال لي خلاص هسي عرفتي انها م طلس... 😒..... ما رديت عليهو وهو ما رسل تاني
وانا اليوم التاني السوق جاك زول اشتريت كريماتي وظبطت نفسسي تماام 😌😌 بعد اسبووع كداا ولا تقريبا 9 يوم دخلت الواتس طبعا م بنشط الا كل اسبووع عشان مفلسة زيتي طالع.. المهم دخلت لقيت في واحد مرسل لي.. يا سلمى كيفك....
اجي يا ربي دة منو عاينت في الصورة بتاعتوا وووب ووب الصلاة علي النبي يا ربي دة منو اكيد غلطاان ووب لكن دة عارف اسسمي.... واااي انا بعرف اشكال زي دي معقولة 😂😂 اقسم ناسي كلهم عولاق حق الرصيد ما عندهم... بقيت بنادي في اختي يا سجم تعالي لي هنا سرعة تعالي شوفي سوورعة وريتها الرسالة والصورة طبعا خفظت الصورة في التلفون 😂 اختي بقت تقول لي ووااي وااي من اين لكي هذا يا كلبة انتي بتعرفي ناس نضيفة من ورااي دة منو دة 😐😐😐 قلت ليها بري ما بعرف لقيتو مرسل لي وكاتب اسمي كمان 😐😐😂
قالت لي خلاص ردي كنت عايزة اقول ليهو يا عيون سلمى 😍😍 اختي قالت لي انتي يا سجم اتقلي شوية زول ما بتعرفيهو خليك عندك انوثة واتقلي 😑 قلت ليها يعني اعمل شنو 😒😢 قالت لي رسلي ليهو وقولي ليهو انت منو ما عرفتك؟ ...
قمت رسلتها ليهوو وبقينا نحنا الاتنين ماسكين التلفون ومستنيين.... 😂😂
رسلت ليهو انت منو ما عرفتك ؟!؟
قال لي انا احمد 😊 اختي قالت لي بتعرفي احمدات كمان والله ما شاء الله تطورات حاصلة 😒 قلت ليها هييي والله ما بعرف اي احمد انا حياتي دي ما فيها اسم بالشكل كدة 😐😐
قلت ليهو معليش برضوا بس م عرفتك 😊 ... قام ضحك قال لي بتاع ال 500 جنية 😂😂😂😂
طوالي انا بقيت اضحك واقول اهااااا 😂
اختي بقت تعاين لي 😐😐 قالت لي 500 شنو 😐 اصلا انا شاكة فيك من يوم ما مشيتي السوق واشتريتي الكريمات وانتي حق الرصيد وزيت الشعر ما عندك جيبتيهن من وين 😐 قلت ليها ههييي م هسي بحكي ليك بعدين يلا اطلعي براا خليني اتكلم بمزاج 😌😌 قالت لي والله حدي معاك المغرب لو ما جيتي حكيتي لي بمشي بوري امي واقول ليها بتك بتشيل قروش من الاولاد وتشتري بيهن كريمات 😑😑 قلت ليها يااخ بحكي ليك انقعلي 😒😒.... طلعت... قمت رسلت ليهو ايوااا طيب ما تقول كدة من الاول 😂
قال لي مش قلت ليك انك مادية حقيرة 😂😂...
قلت ليهو لا لا ارجوك م تفهمني صااح ياخ 😂😂 وبعدين انا لسة ما مصدقة اقسم بالله يعني انا فزت في حاجة قبل امووت 😂😂😂
ضحك قال لي علي فكرة انا مرسل ليك من 3 يوم شكلك ما بتخشي واتس 😊
قلت ليهو ااي والله الجامعة وكدا والامتحانات... 😊 ( انا كضابة ساي جامعة شنو كمان البتمنعنا من الواتس والله بس مفلسسة وعيني طالعة 😂)
قال لي ايوااا بتقري ويين انتي ؟؟ قلت ليهو التقانة.... 😊 قال لي يا زولة انتي طيب ما قريبة مننا شدييد 😊 قلت ليهو كيففف 😐... قال لي انا قاعد مع اختي في بيتها راجلها مسافر لمدة تلاتة شهور وبيتها قريب من جامعتكم ما بعيد شديد طواالي بجي بجمبهاا انا. ....
قلت ليهو ايوااا حلوو... 😊 قال لي انا طالع يلا لبعدين... قلت ليهو طييب 😊
ووي ووي ووي بقيت اعاين للبروفايل وتاني نزل حالة كان فيها صورتوا مع بت صغيرونة وكاتب فيها والله ما بتتجازف الا بأختك وبنتاها... شكلها دي بت اختو القال عليها... اححييي سماحة تلخم تلخم 😭😭😭 بقيت مقهية في الحالة كل شوية بفتحها والواتس بتاعي ما بسرق الحالات قلت هيي كلها 40 ميغابايت احسن اقفل النت احييي علي حظي 😭
قلت م مشكلة يلا قفلت النت وطلعت مشيت المطبخ لقيت اختي بتاكل جيت داخلة ببتسم سااي 😌😌 بقت تعاين لي من فوق لتحت قالت لي اهاا احكي 😒😒 المهم حكيت ليها كل الموضوع من طق طق للسلام عليكم 😌 قالت لي يخسسسسي عليك يا سلمى والله تفف عليك من جوة قلبي تكسبي 500 ما تديني منها ولا جنييهه 😒 ان شاء اشتري لي صباع بتاع سفك ان شاء الله جلسرين اتمسح بيهو .. والله تفف عليك من هنا لغاية الصباح 😒...
بقيت اضحك قلت ليها خلاص بكب ليك من كريمي شووية 😂😂😂....
يلا صليت العشااا وسرحت شعري يا يمة وجبت كريمي عملتو ولبست الاكياس في رجولي قلت اشوف الفيس والواتس فيهم شنو وبعدين امسح يديني والبس اكياسي واتخمد.. ..
قمت دخلت الواتس لقيتو مرسسل لي صاااحيية ؟!..😊
يتبع
