صفقة حب 🔥❤

صفقة حب ❤🔥

Part4 💞🎵

_______________

احبك حتى تذهب الروح لخالقها .💞☁🔥)

_________________

استمتعوا بالبارت 💞💓

__________________

ناضت رنا و لقت تغذية في يدها و جنبها لينا و بسمة و سوسن غمضت عيونها و نزلت دمعه ع خدها

لينا شدت يدها.. رنا حبيبتي متبكيش رنيم بخير
رنا.. كيف
بسمة..رنيم ما توفتش مزالت قاعدة ❤
رنا.. انا ما فهمت شي

بسمة ..

(نردوا للماضي شوي ☁💧

لما رنا اغمى عليها و الكل انشغل بيها كان في دكتور تاني في غرفة رنيم يديرلها في الصدمات الكهربائية بعد ما وقف النبض و طلع دكتور

دكتور.. الحمد الله قدرنا نرجعوا النبض
محمد.. بس توا طلع دكتور وقال انها توفت
دكتور.. اكيد قاللكم ع البنت الاخرى

و الكل قعد متريح اهم حاجة ان رنيم ما صارلها شي

الحاضر 💧☁

رنا نوعا ما حست بالراحة و ما صار شي جديد غير ان مر اسبوع و لا واحد فيهم ناض لين جا يوم 💓🌍

_______________

رنا🌍☁

كانت قاعدة هي و انس  في الحوش بعد روحوا من المشفى من غير ولا خبر ع رنيم و تميم

انس.. لو معش تمشي للمشفى يكون احسن نحس فيك مريضة
رنا.. لا مش مريضة ممكن شوي برد
و سكتوا الاثنين و جا اتصال ل انس و خلاه يطلع بسرعة
رنا.. كنك مستعجل وين ماشي
انس.. انا ماشي للمشفى قالوا ان تميم ناض
رنا.. باهي بشوية نمشي معاك
انس.. لا خوذي شوية راحة و بعدين تعالي

_______________

في المشفى 💓

الكل فرحان ان تميم ناض و بعد كمل الدكتور الفحص عليه خشوا سوسن و يوسف و تيم لينا و انس و اول ما خشوا مشت لينا حضنت تميم

لينا.. رايفنا عليك معش اديرها 😭💓
تميم.. بعدوها من عليا معش قادر انتنفس 😲😂
لينا.. خزي بارد
و قعدوا يحكوا شوي اين طلع سوسن وويوسف و لينا
انس.. كيف صار الحادث ي تميم 😕
تميم.. عندي فقد الذاكرة منذكرش 😲😐
تيم.. فكنا من الجو و قول
تميم.. تي شن دخلكم منبيش نقول
انس.. توا نعرف ع طريقتي
تميم.. صح هي ناضت ولا لا
انس.. لا مزالت في غيبوبة

و كملوا حديثهم

______________

في المشفى برا
كانت قاعدة ع الكرسي و تفكر و محستش الا ع حد يمسحلها في دمعتها اللي نزلت