فصلية اظفرها مكسور

راح احجيلكم قوووصتي ..اني اسمي..توته المفتوته..وماكو بجمالي عيوني زرق وشعري ذهبي خوووصري محبس وتفاصيلي واوو مموجوده عند اي بنيه..

يعني بالمختصر المفيد اني احلى منكم كلكم 😎

عندي دادي اسمه وائل ومامي اسمها شاهناز ..

واخويه اسمه توتي..اخوي يحب يشتري سيارات ويبدلهم كل فتره..

ويطلع يتسابق هو واصدقائه الكيوت مثله..

بيوم من الايام اجه اخويه خايف ويرجف😟 ويصيح دادي سويلي حل دعمت طوووفل صغير ..دادي هنا گام يعيط..وماماي تبجي..😭

واني ابرد باظافيري ومن سمعت انكسر اووظفري..وضجت عليه وعلى وضع اخويه توتي..😥

ورا ساعه صار رمي بالباب وكالوا طلعوا توتي..لانجي نسحگه ويصير مكوي بالأوتي..😁

دادي طلع الهم وگللهم يصير خير واحنا باجر نجيكم..🚶‍♂️

وكالعاده المتعارف عليها دادي وائل..راح على العشيره المتكونه من عمووو (نائل..وفائل.. وسائل) ..

وباقي الاعمام..راحوا عليهم واني ادعي ربي ياخذوووني فوووصليه مثل بطلات القووصص..واحقق احلامي بالشيخ..المعضل..ابو العطر الرجالي الي يوصل من راس الشارع هذا صار مو عطر 🤦‍♀️..

ولابس دائما محزم وبي سلاحه واعتقد متهيء للحرب لان مامعقوله بكل مره هو لابسه 🙄.

واكيد من ياخذني يستخدم اول مره اساليب السحل والكتل والنتل الي صارت لسته معروفوه ..🤦🏻‍♀️ واني انشغل اتفرج على عيونه الكحيله..

والشعر اليميل على الخدود يهفهف ويرجع يطييييير..

واسرح اثناء عمليات المداهمه اليوميه واغني لو شفتم عنيه حلوين أد إِيه ..😏

هاااااا انتظروا نسيت اهم فقره احضر جنطتي من هسه اخلي بيها الشامبو اليسطر والعطور الفرنسيه مالتي..

واخذ برمودات..ومواد تحضير الكيك باانواعه والحلويات كذلك لأن اقرب طريق لقلب الرجل معدته بيبي ايمي تگول ..😁

صحيت من احلامي واجه ابوي كال يردون توته فصليه ...👱‍♀️

اني هلهلت بسريرتي..وكلت خطيه اخويه لازم اضحي بنفسي علموده 😉.

اخذوني البيت الشيخ الي هو بالچووووول ويمه بوووبي ينبح ..🐕

اني خفت..ولزگت بالشيخ الحلیوه الواگف بالباب وگلت اي هو هذا..راح يعقد عليه واصير من نصيبه 😍

دخلت للبيت معجبني ..بس كله يهون في سبيل الشيخ الوسيم وفتى الاحلام 😎

انتوا مو تحشرون نفسكم القراء ويايه هذا بس اليه شيخي وبكيفي😏 .

گعدوني وذبوا عليَّ عبايه واني گلتلهم اووو مامي شنو هذا..🙄

انضربت وسكتت منتظره النتيجه گلت كله يهون في سبيل ابو عيون 👀

كعدوووا وجابوووا ..واحد دشداشته يمكن صار سبع سنوات لابسها وشعره خنافس ولابس حذاء لاستيك وبي ريحة طليان..🐏🐏🐏

وكل شويه. يحك راسه الي يمكن مشايف المي بحياته..

شويه وگالوا يله اعقدولها على خريبط..😕

اني هنا صرت بموقع الصدمه 🙄 خريبط شنو؟؟؟!!

لعد هذا ابو عيون كحيله👨 والا شويه اكتب بي شعر منو ..طلع هذا مو من نصيبي...🤫

وعقدووولي على خريبط طلع ابن عمهم...🧔

وگعدني بغرفه من سعف..ولازم اخذ حقوق الكتل والسحل والنتل المتعارف عليها الي نذكرت سابقا لكن هذي المره من خريبط واهل الشيخ ..👳‍♂️

اما الشامبو والعطور كمت اسبح بيهن الطليان واعطرهن..واسرح بيهن🐏🐏🐏🐏 وارعاهن ويه خريبط..

وصاروا عندي عشر اطفال يشبهون ابوهم😟

وراح عليه ابو عيون كحيله 🤯.

وفجأه گعدت من الحلم..وگلت..الحمد لله ماصار الي صار..👱‍♀️

ولارحت فصليه بس طلع من بين كل هذا اوووظووفري مكسوووور أوو مامي شنو الحل مااعرف..

لازم نروح اني وخالاتي مسائل وخمائل وفضائل لمركز تجميل حتى اصلحه😱

بقلم ✍

زهراء الزيدي

نقد ساخر لبعض قصص الفصليات الخيالية..والتي لاتمت لواقع الظلم الحقيقي بصله 🌹