Mga nakaraan nating dalawa na kapwa kay hapdi
Mga pangyayaring hindi basta malilimi
Sa mga minahal natin na naghatid satin ng ngiti
Ngunit naghatid din sa atin ng sakit na matindi
Pagkakilalang humantong sa pagkakaibigan
Napuno ng tawanan ang ating samahan
Nagkaroon ng usap at napagkatuwaan
Na maging birong tayo at tayoy maging magkatipan
Kapwa tayo takot na pumasok sa relasyon
Ngunit sa katuwaan tayong dalawa ay umayon
Ano man ang mangyari at ibigay ng panahon
Mga alaalang sa damdamin ko ay matitipon
Sinasabi ko sa sarili na ayaw ko talaga
Kahit tinadtad ng tanong ng mga kaibigan nating dalawa
Mga tanong na dinadaan ko na lang sa tawa
Kahit na ba ang loob ko ay talagang may luha
May kakaiba sa damdamin ko na pilit lumilitaw
Tila natatabunan na ang pagpipigil kong hilaw
Bakit tila may natatanaw akong ilaw?
Na iniiba ang mga plano ko't pananaw
Batid mong prayoridad ko muna ang aking pag-aaral
At wala sa plano ko muna ang magmahal
Nasabi ko pa ngang wala akong balak magpakasal
Sapagkat takot akong masaktan ulit ng isang minahal
Hanggang sa tayo ay nagkita at nakakilanlan
Kasama ang ibang kaibigan sa isang munting inuman
Hindi nawala ang inaasahan na tuksuhan
Na naghatid sa akin ng nginig sa katawan
Batid ng mga kaibigan natin na ako sayo ay may gusto
Ngunit pagdating sa'yo, sinasabi kong hindi ito totoo
Na ang lahat ng meron sa atin ay isa lang munting biro
At naglalaro lamang ating mga puso
Tama ba itong aking ginagawa, magandang binibini?
Ang pagpipigil sa puso ko na tuluyang mahulog sa iyong mga ngiti
Mga pangarap ko na sinasabi ko parati
Na uunahin ko muna bago magpatali
May matalik kang kaibigan na sayo ay talagang malapit
Tumatawa lang ako at ngumingiti ng pilit
Sinasabi sa lahat na wala akong nararamdamang pait
Ngunit sa puso ko ay maraming sugat na gumuhit
Mas lamang ako sa kanya ng limampung beses di hamak
At mas kaya kitang protektahan kung sakaling mapahamak
Ngunit puso ko'y ayaw ko munang ihatag, oh aking bulaklak
Kahit na ba tila ito tinataga ng sangkaterbang itak
Darating ang panahon na magiging handa na ako
Ang nakaraan ko ay tuluyang malulumpo
Sana sa oras na iyon ay manatili akong mahal mo
At ikaw ang aabangang tala na tatanggap ng apelyido ko.
●●●◎●●●
© January 2015
J.Bree
