ماضي لا ينتهي

الحلقة ٤٥

#ماضي_لا_ينتهي
#بوسي_مصطفى
______________
الحلقة ٤٥

في غرفة سليم...
سليم : تعالي يا ليلى علشان تنامي.
ليلى مردتش..
قرب منها بتنهيدة قوية..
سليم : عايزة ايه يا ليلى؟؟
ليلى : انا مكلمتكش سيبني في حالي.
سليم : اسيبك في حالك يعني ايه؟؟
ليلى بغضب : يعني سيبني في حالي يا سليم.
سليم : طب نزلتي ليه؟؟
ليلى : تصدق انا مكونتش نازله
ولولا بابا مكونتش دخلت البيت ده.
سليم : خلاص لو عايزة تطلعي فوق اتفضلي
انا مش همنعك.
ليلى بتفتح باب البلكونه.
سليم يمسك ايدها : تعالي هنا رايحه فين؟؟
ليلى : هشم شوية هوا
حاسه إني هتخنق.
سليم : تصدقي أنا اللي اتخنقت وخلاص جيبت أخرى
متعقلي بقى عايزة مني ايه بالظبط؟؟
ليلى : مش عاوزة منك حاجه
نام يا سليم.

في غرفة دكتور مروان.
مروان : وبعدين بقى مش هنعرف ننام في الليلة دي؟
فريال بصوت ناعس : في ايه
يا مروان؟
مروان : انتي مش سامعه الخناقه اللي شغاله
في اوضة ابنك دي؟؟!
فريال : متشغلش بالك هما شوية وهيتصالحوا.
مروان : وانا بقى افضل صاحي بالشكل دا عقبال ما حضرة الاستاذ والأستاذة يتصالحوا؟؟!
فريال : اعمل ايه يعني
اروح اخبط واقولهم وطوا صوتكوا شويه؟؟!
مروان : لا انا اللي هخرج اقولهم يا فريال.
فريال : تعالي هنا رايح فين؟؟!
____________

سليم بيحتضن ليلى : خلاص يا حبيبتي حقك عليه
ليلى منهاره وبتبكي
سليم : علشان خاطري بقى ليلى
أنا مش عارف اعملك ايه.
ليلى : تشوفلنا مكان تاني غير ده.
سليم : حاضر.
خلاص بقى..
ويطبع على خدها و...
ليلى : سليم.
سليم : في ايه يا ليلى
ما انتي عارفه إنك وحشاني.
__________

فريال : هههههههه شكلهم اتصالحوا.
مروان : يا سلام.. ومالك فرحانه اوي كده؟!
فريال : يعني انت متحبش تشوف ابنك وهو مراته
سعده ومبسوطين؟؟!
مروان : لا انا احب حاله يتعدل
ويشتغل ويفكر في مستقبله.
فريال : هيحصل.. بس واحدة واحدة عليه يا مروان
علشان خاطري..
احنا معندناش غير ولادنا
لازم نهدا عليهم ولو نقدر نساعدهم.. منتأخرش.
مروان : تقصدي ايه؟؟
فريال : يعني انت ممكن تساعد سليم..
مروان : ازاي بقى؟؟
فريال : الأول تشتريله شقة
علشان ياخد راحته فيها
دا يا حبيبي اغلب الوقت بيفضل قاعد في اوضته ومراته قاعدة فوق عند باباها
والوضع دا مش كويس ليهم.
مروان : وانا اللي روحت بيعت شقتي ولا ادينت علشان
ادفع الشرط الجزائي وانا عارف نفسي معييش المبلغ..
وكل دا ليه علشان دماغ مراته
قال ايه كانت خايفه على مستقبله !
فريال : يووووه هو انت مش هتنسي الحوار دا بقى؟؟!
مروان : انسي ايه ما هو دا اساس المشكلة اللي إحنا فيها دلوقت.
فريال : مروان تصبح على خير.
___________

في شقة فهد.
فهد بغضب : انتي بتقولي ايه؟!
شيرين : بصراحه يا فهد من وقت الحوار إياه
وحياتنا كل يوم بتبقى أصعب
من اليوم اللي قبله.
أنا مش هخبي عليك
شايفه إنك ظلمت سليم حتى لو كانت نيتك كويسه
وطلعت فعلاً علشان تقدم مساعدة لمراته
لكن هو معاه حق في كل اللي عمله
حط نفسك انت مكانه وهتعرف هو له الحق يعمل
اللي عمله دا ولا لأ.
فهد : طب بس اسكتي
انتي عاوزه ايه
يعني حضرته يسيبلي البرنامج
ويقولي مش هكمله ويخسرني الخسارة دي كلها
وصعبان عليكي قوي إنه يدفع الشرط الجزائي
هو سوبر ماركت حضرته يتغيب عنه براحته
دا شغل وعقود وفلوس ناس
عاوزهم يخسروا علشان حضرته مبقاش حابب يكمل
البرنامج .
شيرين : اوك.. بس نقسم البلد نصين زي ما بيقولوا
يتكلف هو الخسارة اللي حصلت
وانت كده كده جيبت حد تاني يكمل بداله
يعني بتكسب دلوقت مش خسران ولا حاجه
يشيل هو بس الخسارة اللي حصلت في الكام يوم
اللي اتغيبهم عن الشغل.
فهد : طالما مش فاهمه شغلنا يبقى
احتفظي ب رأيك دا لنفسك.
شيرين : أنا شايفه إن الموضوع
ما هو إلا إنتقام من ليلى.
فهد : نعم !
شيرين : صعبان عليك تتهان من واحدة ست
وصعبان عليك اكتر انك محققتش الهدف اللي كان
في دماغك
قام فهد بغضب
شيرين : رايح فين
فهد : رايح في داهية
ملكيش فيه بقى.
خرج فهد من الغرفة
وقعدت شيرين تفكر في ليلى
اللي وحشتها ونفسها تشوفها
بس ازاي هتوريها وشها بعد
اللي حصل وفي نفس الوقت
صعبان عليها نفسها من الموقف اللي حطها فيه فهد.
_______________