عاشق_اللتين💛

9

لتين: ماما مالك الليله م ع بعضك
لمار: ابدا بس مشاكل الشغل
لتين: اخدي اجازه طيب
لمار: م بقدر الشغل محتاجني
لتين: م ترهقي نفسك كتير
رأفت: معاك حق الفتره دي تعبت شديد رأيكم شنو نطلع رحله بعد لتين تخلص امتحانات
تالا: هيييي ماشين لحله
لتين: فكره حلوه اول مره ح نطلع فيها كلنا مع بعض
لمار: وانا موافقه نريح اعصابنا شويه
لتين: بس ح نمشي وين
رأفت: المزرعه حقتنا
لتين: ماما عندكم مزرعه
نفيسه: ايوه مزرعه جدك ربنا يرحموا ح تحبيها شديد فيها خيل وارانب وعصافير
لتين: انا اتشوقت من هسي ل المشيه
لمار: هسي ركزي ف دراستك لما تخلصي نحدد اليوم
لتين: اتفقناا

بعد مرور اسبوع ف الجامعه
رويد: امتحنتي كيف
لتين: كان صعب بس اشتغلت
رويد: الحمدلله
لتين: اخيرا خلصت انا ح اموت من التعب
رويد: عندك اجازه اسبوعين تاخدي فيها راحتك
لتين: يعني تاني م ح اشوفك
رويد: منو القال كده كل يوم ح نتلاقى انا لو م شفتك يومي م بمر
لتين: انت مفترض تكون بتذاكر للامتحانات انا البجي اشوفك
رويد: نشوف المهم هسي جاهزه نمشي بيتنا
لتين: م عارفه خايفه والله
رويد: انا معاك م تخافي كنت عايز اقول ليك م تركزي مع رسلان وراشد ونهى انتي عارفه انهم
لتين: م مضطر تبرر لي ي سيدي انا ممكن استحملهم العمر كلو عشانك م تشيل هم اتطمن
رويد:انا متطمن طالما انتي معاي
لتين: خلينا نمشي وطلعوا
ف بيت ناس رويد ميس ف المطبخ بتجهز ف الاكل
راشد: جايننا ضيوف ولا شنو مجهزين الاكل ده كلو
ميس: جايه زميله رويد ع الغداء
راشد: والله ده الفضل يجيب بنات ع البيت
فاروق: دي م اي بت دي ح تكون مرتو وم اكرر كلامي م عندك دخل ب رويد وانت ورسلان تخلوا بالكم من كلامكم قدام البت فاهمين
رسلان: وانا مالي هسي قلت حاجه
نهى: نظام نحن مستحملين واحد عشان تجي واحده تانيه
ميس: قلتي حاجه ي نهى
نهى: لا ابداً
ميس: تعالي ساعديني جهزي الصفره بدل قاعده ساي
نهى: طيب جايه
شويه ولتين ورويد وصلو البيت
رويد: ده ابوي الكلمتك عنو
لتين: عمو كيفك
فاروق: الحمدلله ي بتي انتي كيف
لتين: كويسه بعد شوفتك
رويد: ودي ميس الكنتي ح تموتي وتشوفيها
لتين: من كتر م حكى لي عنك شوقني اشوفك بس طلعتي احلى ف الحقيقه
ميس: وانتي قمر ما شاء الله عليك
رويد: خلونا نقعد انا ح اموت من الجوع
لتين: دقيقه م عرفتني ع ديل انتي نهى صح وانت راشد وانت رسلان
رسلان: عرفتينا من غير م يعرفك علينا
لتين: رويد حكى لي عنكم كتير وانكم بتحبوه شديد مش ي رويد
رويد: امم صاح
ميس: اقعدوا خلاص الاكل ح يبرد
رياس: كنتو ح تاكلو وتخلوني يعني
لتين: رياس صح
رياس: اللتين الشقلبت حال رويد
لتين: اكتر واحد كان نفسي اشوفو
رياس: وشفتيني الصراحه لو كان شفتك قبل رويد م كان خليتك كنت عقدته طوالي
رويد: ده تصريح واضح ح اعمل حسابي منك
ميس: شكلنا م ح ناكل الليله
لتين: بيتزاا
ميس: رويد قال انك بتحبيها
لتين: شكرا ب الجد
اكلوا واتونسوا ولتين عملت ليهم قهوه
فاروق: دي احلى قهوه اشربها
رياس: معاك حق
ميس: يعني قهوتها احلى مني
رويد: الصراحه ايوه
لتين: م يكذب عليك هو م بشرب ولا بياكل غير اكلك
رويد: غلطان انا البجاملك
فاروق: لتين تعالي معاي عايزك
لتين: حاضر عمو
مشوا غرفه مكتب فاروق فوق
فاروق: انتي عارفه انو والده رويد متوفيه
لتين: ايوه ربنا يرحمها
فاروق: وهو من وعى فاقد حنان الام وكان عايش ف حاله اكتئاب لما لاقاك حتى اتغير وبقى مبسوط ع طول والفضل يرجع ليك انا عايزك تخلي بالك منو
لتين: م محتاج توصيني عليه رويد بقى لي صاحب واخو قبل يكون حاجه تانيه وهو حساس شديد خصوصا من جهه اخوانو
فاروق: معاك حق هم م بتعاملو معاه كويس
لتين: عشان كده انا بتمنى تخليه بعيد منهم بقدر الامكان
فاروق: م فهمت قصدك
لتين: هو بعد يتخرج ح يشتغل وعايز يبدأ ب نفسوا ف مكان غير شركتكم ح يفتح معاك الموضوع بتمنى م ترفض
فاروق: انا كنت متمني يشتغل معاي بس طالما ح يكون مرتاح انا م عندي مانع
لتين: م كذب لما قال عليك انك سندو
فاروق: م عندي بت بس من الليله انتي بتي
لتين: وانا اتشرف ب كده ابوي متوفي والليله بقى عندي ابو تاني
فاروق: خلينا ننزل ليهم ،نزلو تحت
رياس: ده كلو بتقولو ف شنو
فاروق: بت وابوها انتو مالكم
ميس: شكلو عمي ملا الساحه
رويد: الليله باعوني عديل بس م مشكله
لتين: انا امشي بعد كده
ميس: خليك شويه
لتين: مره تانيه ان شاء الله
فاروق: ف انتظارك
رويد: يلا خليني اوصلك ل العربيه
لتين: طيب ودعتهم وطلعوا
رويد: ان شاء الله اتبسطتي
لتين: اهلك حلوين وانا حبيتهم ربنا يخليهم ليك
رويد: ويخليك لي كمان
لتين: يلا انا ح امشي وانت ادخل
رويد:اول م تصلي اتصلي لي
لتين: طيب باي
فاروق: البت دي ما شاء الله عليها رغم انها م عندها علاقه ب السودان بس عارفه عاداتنا
ميس: فعلاً وتدخل القلب ع طول
رياس: انا عن نفسي حبيتها وشايف ح تسعد رويد
نهى: ع الاقل اسألو عن اصلها وفصلها
رسلان: صاح نحن م عارفين عنها شي
فاروق: كفايه انو رويد عارفها كويس بعدين م مهم هي بت منو وجايه من وين المهم انها بت ناس ومحترمه
ميس : ده الكلام الصاح
رويد: ع م اظن ح اتزوجها انا م انتو م ليكم دخل بيها
رياس: انت مش مبسوط ده المهم ونحن معاك ف اي شي
رويد: وده عشمي فيك انت وابوي وميس
فاروق: م ح تعرس غير البت دي وده وعد مني
رويد: انا طالع غرفتي عن اذنكم
راشد: لما نشوف آخرتكم
..
لمار: اخر امتحان كان كيف
لتين: م بطال
لمار: والغدا
لتين: كان حلو شديد
رأفت: اتبسطتي يعني
لتين: جداً
منى: غدا شنو ده
رأفت: طلعت مع زمايلها اتغدوا برا
منى: اهاا
لمار: اطلعي ارتاحي نتكلم بعدين
لتين: طيب طلعت غرفتها اتصلت ع رويد
رويد: وصلتي كيف
لتين: الحمدلله تماام
رويد: م قلتي لي ابوي قال ليك شنو
لتين: مش قال ليك كلام بين البت وابوها
رويد: والله
لتين: ايوه
رويد: م مشكله م عايز اعرف
لتين: اصلا م كنت ح اقول ليك
رويد: القي زول يجي يعرسك
لتين: عادي بعرس واحد تاني
رويد: الا اقتلك
لتين: نحن طالعين الرحله بكرا رايك شنو تجي معانا ماما وخالو عايزين يتعرفوا عليك
رويد: م عارف والله
لتين: بلييز عشاني وافق منها تستعد كويس ل الامتحانات
رويد: امم اوك موافق
لتين: بحبك انا اجهز بدري ع العشره تكون معانا
رويد:تمام