روايه " حوشنا الدافي "
وسن : بنات وين بلوزتي الصفراء
تسنيم : وايش عرفني نا
وتين : على ما اعتقد ريم شافتها معزوقه تحت السرير تحسابها خرقه لمعت بيها الرواشن
وسن : ايش قلتي 😠
ريم : حي ع الكذب ما جيتش شورها نا
وتين : تي نبصر معاك قاعده ع الحبل غسلتها لك امس
أمنه : تعالن يا بنات الفطور واتي
دنيا : دحي مطبوخ توا وقته بالله عليك
أمنه : اللي يسمعك يحسابك من هل النوتيلا والبريوش
تسنيم : وحده فيكن تسخن السيارة ع سريع
وتين : هيتي توا ننزل نا
ريم : ايوه هذا وين لقيناها ملصقتها في الشجره
وتين : الحناطه من وين شاريتها بالله عليك
وسن : عليك صبح هو هيتي توا نسخنها نا عشر دقايق وتنزلن راه تحرقني الشمس نهاركن
كملن الفطور و نزلن يجرن ومشن شور الجامعه
حي ع النسيان نسيت نعرفكن على حوشنا الدافي
بنات عايشات بلا أب لا أم لا عندهن اخ الكبيرة فيهن
وتين م 96 هي بمثابتة الام طيبه و قلبها ابيض
بعدها ريم م 97 أطيب وحده فيهن وهبله من كلمتين ينضحك عليها بعد ريم دنيا م 98 ووووه ع دنيا وأفلامها اللي ما يكملن نكديه درجه اوله و بعدها تسنيم م 99 العصبيه اللي تستف ف الكلام تستيف ثرثاره بس قلبها ابيض وبعد تسنيم وسن م 2000 اللي في جيبها مش لها اللي تبيها تعطيها لك غير اطلبي
سيرين توأم وسن لكن تقرا في الداخلي بنغازي لان تخصصها غير موجود في درنه و حتظهر ف الحلقات القادمه و بعدها اخر العنقود أمنه م 2001 نختصرها لكم برضوى الشربيني ديري هك و ما ديريش هك بلووووك بلووووك بلووووك بين كل وحده ووحده سنه ولكل وحده قصة وأحلام وطموح و لكل وحده اسرار ودفناتها في هالحوش الدافي قصص واقعيه ممكن تكون عبره للجميع بس هذا يمنعش بأنها روايه لا تخلو من الخيال يعني قدرت ندمج بين الواقع والخيال بقدر المستطاع
وتين : وسن وجك والمحاضرة فكيني من الجو السامط
وسن : حاضر يا ماما اي أوامر اخرى
وتين : مبردك ومشت
وسن : تشعر بأنها أم
أمنه : هههههه لكن برغم هذا نسمعو في كلامها كيف الشاطرين
ريم : اوكي بنات القسم مشن بنمشي معاهن
دنيا : جيعانه بطني خلاص
تسنيم : بسم الله حلك جعتي
دنيا : تشمي في برجر جوعني
وسن : صبح مزال يا ساتر
أمنه : هي كل وحده لقسمها نا نبي نمشي توا اوكي
#بعد_ساعتين
وتين : نبي نعرف تليفون ليش دايرته بس
ريم : كبسه تحكي مع روحك ولا كيف
وتين : اختك الكلبه كنها ما ترد
ريم : اين من الكلبات هههه
وتين : وسن في غيرها
ريم : تلقيها في محاضرة
وتين : لا بنات قسمها طلعن
ريم : اهي تسنيم جت
تسنيم : مليت بكل تعبانه
ريم : كملتي
تسنيم : شوي و بنروح
وتين : نروحو مع بعضنا كلنا فش وحده تروح بروحها تسنيم : والله تي نقولك تعبانه
وتين : خلاص معناها كلمي الاخرات نروحو توا
ريم : أمنه محاضرتين عندها
وتين : اووووف منكن اوووف
تسنيم بحتت في ريم وضحكت
وتين : شن النكته ضحكيني معاك
تسنيم : في واحد اصلع ركبت فوق راسه نمله ازلحقت قالولها فيش ديري قالتلهم نلعب في الملاهي
ريم : هههههههههههههه
وتين : ههههه ثقيله
دنيا : سمعت صوت ضحك جيت نجري شن صاير من بيموت
تسنيم : هههههه نق يا حسن
ريم و وتين : هههههه
ريم : اهي وسن جت استلمي الهزايب هي
وتين : عابيتلها
وسن : مش جو حناطه بنروح راه
وتين : شن صاير
ريم : حصلتي كعك ولا كيف ههههه
تسنيم : شكله الدكتور طردها من المحاضره
وسن سكتت
البنات بحتن في بعضهن وعرفن في حاجه بس مابنش يضغطن عليها
وتين : هي نروحو وأمنه توا لما تكمل نجو ناخذوها
روحن البنات وكل وحده غيرت دبشها و قعدت على تليفونها
ريم : الغداء شن
تسنيم : شاورما قاعده توا نسخنوها
بعد الغداء روحت تسنيم ودنيا بأمنه و كل وحده خشت رقدت
وتين : ايش صاير معاك
وسن : ولا شي
وتين : والله تحكي كنك
وسن : تعرفي أحلام
وتين : اللي تقرا مع تسنيم كنها
وسن : طلعت تحكي مع حمزه
وتين : تبصري
وسن : انصدمت بكل يعني خاين ويكذب ويقولي ظروف
وتين : قلتها لك من بدايه قتلك اللي يخون مره يخون عشره وانتي غبيه سامحتيه
وسن : تي كان يحلف ويجدا فيا
وتين : حسبي الله ونعم الوكيل بس احكيلي كيف عرفتيه يحكي معاها
وسن خذت نفس وبدت تحكي
___________________
أنت تقرأ
#حوشنا_الدافي 💙
Randomروايه " حوشنا الدافي " رواية مشتركه بين انا و صديقه ليا و هي تحكي علي 7 خوات بوهن و امهن متوفيين بوهن كان وحيد هله و امهن عندها اخ واحد بس من لما توفو هلهن معش دورهن واجد و هن السته يعيشن في حوش داخل مدينة درنه حالتهن الماديه كويسه بكل(الروايه مخ...
