قدري الضائع ( مكتملة)

البارت العاشر

مساء الخير ....
#قدري_الضائع .......
# بقلمي _شهد السعدي .......
____________________________________

سـَأسـَنـد نفسـَي بنفسـَي ﯢأمـَضي ك عـٱدتــَي وتبآ للجميع🌸.....

دره ..دره صدك للعصر كالت بيبي لبابا وبابا كال بكيف دره وافقت اروح اشوفه وصدك رحنه العصر للمنطقة الموجود بيه بيته وصلنه للبيت
دكينه الباب فتحته النه بنية صغير بيبي سئلته امج موجوده كالت اي جوه طبينة لطارمت البيت چان اشوف مرية متوسطه بالعمر وحاطهه بنية كدامهه وتظفر الهه انكسر گلبي واني اشوف هذه المنظر الانسانة الي ما شايفته والي هي بالاصل اميي .......

اول ما طبينه گامت سلمت علينه وسلمت عليه عادي بدون لهفه حالهه حال الغريبة وحتى هي كذلك وكأن رادت تشوفني حتى تريح ضميرهه لا غير الي عرفته عنه انو عده ثلاثة بنات وحده اصغر مني بسنة والباقيات اصغر عده اربع بنات وولد صغير وحالتهم المادية تعبانه من بيتهم شفتهم .....

نسرين .. هاا يمه دره اشلونج والله مشتاقتلج وشكد ردت اشوفج واليوم يلا شفتج ونورتي بيتي ..

دره .. ابتسمت الهه باستهزاء وكتله كلمة يمه كوليه لبناتج ذني واشرت عليهن اني ما عدي بس ام وحده وهي بيبي الي عافتنه واني طفله والي عافت بابا وهو باصعب اوقاته مااكدر اعترف بيه ام لو شفت بيج ذيج اللهفه الي صدك مالت وحده مشتاقه لبنته هم عذرتج بس للاسف ذني كلهن ماموجودات عدج وهسه عذرينه نترخص اريد اروح وراي هواي تحضيرات لزواجي ....

باوعت الهه ردته تبرر تحجي سكتت لان شنو تكول مثلا كعدنه يمهم شوية وادور رجعنه لبيتنه وچان اصعب يوم بحياتي بچيت بي واني اتذكرهه اشلون حاطهه بناته يمهه وتمشط الهن ومداريتهن واني هسه يلا سئلت عني ....

خلصت تحضيرات الزواج ورحنه عقدنه محكمه ورجعنه للبيت وثاني يوم رحت للصالون حفيت وسويت تنظيف لبشرتي وحواجبي من حفيتهن طلعن كلش حلووات وشعري صبغته اشقر عسلي رجعنه للبيت مينه تعب نمت للعصر رحت حجزت بدلات بدلة العرس اختاريته جديده كلش حلوهه وطبعا هاي كله الطلعات كل يوم وحده من عماتي وياي ابد ما عافني

حجزت بدلة بيضة وبدله اوف وايت على ذهبي وبدلة بنفسجي وكلهن حلووات وحجزنه بالقاعة على يوم الخميس هي حنه هي عرس ....

يوم الاربعاء بليل اجن عماتي واجت ياسمين اخت فهد وصديقاتي بنين وفاطمه هم اجني
ونضفن جسمي وراهه كعدنه نركص بس اني بالي كله يم بابا وافكر اشلون بي وادعي ربي يحفظه الي كاعدين بغرفتي ونركص جان يبدن بالكص والحش ....

ياسمين .. اسمعن يالربع اريد همتجن باجر بالقاعة ..

بنين .. عد عيناج بس گولي ..

فاطمة .. گولي خيه وشوفي شنسوي ...

ياسمين .. باعن تدرن اكو حيايه هوواي من الگرايب والغيرهه تتنطاح عدهن وامو الغرور كاتلهن من الاخير وخاصه تركزلي على سجى الي خطبهه فهد هواي وماقبلت هاي حيه وانريد نقهرهه باجر من نطبب فهد للقاعة نجبره يركص ويه دره وانتن ومهارتجن بعد نغرف شلون نقهرهن ..