The President's Girl

Chapter 19: Ame's Last Day At Hospital

Amaranthe's POV

Dalawang araw nalang Departmentals na namin. At ako naman todo review kay Rowss sa mga na skip niyang lessons, ito lang ang magagawa ko muna para sa kaniya.

"Paano nga ulit 'yon?" Tanong ni Rowss.

"Medyo nalilito rin ako sa part na ito pero may sariling paraan rin naman ako para mabalanse ang T account," wika ko.

Hindi ko namalayan na gabi na pala, mabuti naman may dalang pagkain si Stephanie, kakagaling lang din kasi niya sa paaralan. Bumili din siya ng pineapple fruit juice para kay Rowss. Ngayon ko lang nalaman na mahilig pala ito sa pinya.

"Subuan mo ako baby," pagpapacute na naman ni Rowss. Ewan ko, abusado na yata 'tong isang 'to eh, simula nung magising siya, palagi na siyang nagpapabebe sa akin. Kung hindi lang talaga ito pasyente malamang ma-oospital talaga ito sa ibang dahilan.

"Sabi ng doctor na next week ka pa daw madidischarge Rowss," wika ni Steph.

"Sasabihan ko nalang ang mga prof na bigyan ka ng special exam," ani ko naman.

Ngumiti lang si Rowss sa amin. "Thank you to the both of you, pero sasali ako sa departmental sa sabado."

"Pero hindi ka pa naman magaling talaga," insist ko.

"Magtiwala ka, makakaya ko na sa pagsapit ng sabado, at isa pa hindi yata pwede na mas mauna kang maka-take hindi ba? Nakalimutan mo na bang may deal tayo?" Rowss.

Nasira ang mood ko nung binanggit niya ang deal. Naalala ko kahapon bago siya nagising, sinabihan ko siya na pumapayag na ako sa kasunduan niya.

"Hindi ba sinabi ko sa'yo na ayaw kong makipagpustahan sa'yo?" Ako.

"I think I heard you na sumang-ayon ka o guni-guni ko lang 'yon? But anyway whether wala kang paki or nagpapacute ka lang, matutuloy pa rin ang deal natin," depensa niya.

Nagulat ako nung biglang nag-vibrate ang phone ko. Si lola tumawag.

"Hi lola?" Bati ko.

"Ame hanggang kailan ka ba diyan ha? Gusto mo ba diyan na manirahan?" Bungad ni lola.

Napatingin ako kay Stephanie at Rowss na nacurious sa pinag-uusapan namin ni lola. Napakagat-labi na ako dahil malamang mainit na ang ulo ni lola ngayon dahil dito.

"Lola, malapit na po madischarge si Rowss konting araw nalang--," ako.

"Hindi pwede! Last na gabi mo na ngayon diyan, kailangan makikita ko na ang pagmumukha mo simula bukas," galit ni lola.

Napapikit nalang ako. "Opo." End call.

"Galit na naman si lola sa'yo no?" Kompirma ni Stephanie.

"Oo eh, kailangan ko ng makauwi bukas, isang linggo na kasi ako rito," ako.

"Okay lang babe, papupuntahin ko nalang din ang manang ko rito bukas para magbantay sa akin, maraming salamat sa pag-aalaga sa akin ha, heart you!" Rowss. Tapos nag finger heart pa.