Sa panahong nagtatanong
Ang oras ay tumatakbo
Binabagtas ko'y palayo
Ang Puso ko'y nananaghoy
Iniisip kung sa'n ako
Sa pag-ibig na malaro
O pagkakaibigang sa'yo
'Lam kong tayo'y pinagtagpo
Hinihiling ko ay ikaw
Makasama sa May Kapal
Bakit ba kay ilap-ilap
Ang tunay mong pagsisinta
Nang minsang makasama ka
Ako'y napuyos ng saya
Tinatanong kung bakit ba?
Ako'ng piniling kasama
Litanyang kaibigan lang
Dinildil sa'king isipan
Nahihiya ang damdamin
Unti-unting nagsalamin
Ninais ko pong sambitin
Ang katagang "Mahal kita"
Ngunit ito'y nauwi sa
"Dating ako'y hanga sa'yo"
Pinilit ko pang ikubli
Tunay ko sa'yong pagtingin
Nagpatuloy sa pagbagtas
Didilawing kalupaan
Hanap ang sarili sayo
Ngunit sugat natagpuan
Ang bahid ng nakaraan
Muli nating sinariwa
Naramdaman ang lungkot mo
K'ya piniling mapalapit
Sa'yong mga bisig mahal
Ikinapit ang pagsinta
Kalangita'y nagliwanag
Nagsaya ang bawat isa
Nagpatuloy ang dibdi ko
Sa pagtambol, "mahal kita"
Ayoko mang matapos pa
Sandaling ika'y kasama
Nagpaalam sa kaibigan mo
At tayo'y muling napag-isa
Nag-usap ang mga puso
Hawak kakuntentuhan
Isinadiwang kaibigan lang
At sandali'y nagpapagal
Buong sandaling ikaw lang
Palad natin ay nagkadampian
At sa minutong nalalabi
Ika'y lunduyan ng aking himigan
Masaya ako sa pagkakataon
Kahit hindi nasabi ng tuluyan
Pag-ibig kong takot sayo
Baka mawala kapag naging lantaran.