اسواره ذهب

مشاهد

1: مااكدر اتزوجك اريدك تتفهمني وتتقبل رفضي الك

خالد : اسمعيني يبت الناس اني اطلبكم ٢٠ مليون ابوج أخذ مني سياره ودفعلي نص المبلغ واني رجال علا باب الله اني من راح ازوجج لتخافين لا اتقرب منج ولا شي ولا حبا بيج لا عيني اني امي تعبانه واختي وأخوي طلاب وعندي بت اخوي الله يرحمه عمره ٦ أشهر من راح ازوجج اخليلج بيت وحدج وكل احتياجاتج موجوده مراح أنقص عليج شي والمطلوب منج تربين بت اخوي والفوائد من هذا الشي احميج من اولاد الحرام وتعيشين جوه جناحي ثانيا الدين العليكم كوله اسدده عليه أو علا غيري
والضرر من رفضج راح يكون أخذ البيت مالتكم واعتقد مرت خالج مراح تقبل تعيشون ابيته ثاني شي راح ارفع عليكم قضيه نهب وانتي بكيفج يانار ويا مي

ياقوت : مسحت ادموعي تمام اموافقه علا الشرط الأول بس اني هم عندي شرط

خالد : اتفضلي احجي كول شروطج

ياقوت : زواجنه راح يكون علا الورق بس مو صح

خالد : صحيح

ياقوت : ايضل هذا الشي بيناتنه بس امك مااريده تعرف بهذا الموضوع يعني صح زواجنه شكلي بس مااريد أحد يعرف ويستهزء بيه

خالد : شحده اليستهزء بيج

ياقوت : تمام واريدك تصيرلي دفاع ادافعلي لاي شخص يتعرض إليه اريدك انته تواجهه بنفسك

خالد : من حقج هذا الشي واكيد واجبي

ياقوت : الشرط الاخير انته اكيد حتتزوج متبقئ علا زواجك المزيف مني اكيد حتشوف مره وتتزوج

خالد : اكيد وعن قريب انشاء الله ومت الي أبالي

ياقوت ؛ انشاء الله احم نرجع للشرط من تتزوج وتخلص فترت زواجك من المره الثانيه اريدك تعدل بيناتنه يعني ليله يمه وليله يمي
شفته فتح اعيونه علا وسعهم وقدم رأسه ليكدام

خالد : احنه مو حجينه الزواج شكلي

ياقوت : اي اعرف واني مااريدك تفهم تفكيري غلط مااريدك تعدل بلحلال علا النومه يمي أو يمه لااا
جان قصدي تعدل بأن يوم ابيته ويوم بلبيت الي راح اعيش بي اني يعني علمود مرتك متنفش ريشاته عليه وتكول ممعبرج وبس إليه بكول الأحوال تبات بلبيت الكاعده بي اني يوم ويوم من مرتك الثانيه

خالد : تمام افتهمت قصدج وشروطج منطقيه وعجبتني وعكب بأجر نجي انشاء الله اني والوالده ونحدد كول الأمور

مشهد 2: ياقوت : كملت التنضيف مال البيت وجنت لافه الدولمه كلت اروح لبيت مريم واطبخه لأن خالد وصاني اروح يمه  اخذت رشاا هيه وافراشه لفيته زين لأن بارده الدنيا وثبتت الجدر بيدي وقفلت البيت ورحت البيت مريم جان باب الشارع ممفتوح دخلت للبيت خليت رشا بلكاع وسددت البيبان بس مريم ماكو صعدت فوك جان نصدمت بلي سمعته

مريم : هاا ماما مو كتلج خالد منكدر نخدعه ونأخذ فلوسه شفتي شلون اخذنه منه مليون ونص كام يشك بلامر وكان يضم الفلوس عند ياقوت ودائما يمدح بيه مدري شعاجبه بلزعطوطه هاااي

ياقوت : خفت من مريم حيل يعني هيه الي تبوك بفلوس خالد وتكوله اشك باخوك عزه بعينه لازم اكول الخالد عليه ملازم تسكتين مثل كل مره درت وجهي اجيت انزل بسكوت بسرعه نعتيت

مريم : درت وجهي وشفت ياقوت تريد تنزل ذبيت التليفون وركضت وراه لزمته من شعره
هاااي شحاي تسوين أهنأ منو سمحلج تفوتين البيتي كولي شنو سمعتي

ياقوت : وخري ايدج حيوانه سمعت كولشي وآله اكول الخالد عليج

مريم : نزلت راسها ليجوه وهيه ناعمه وين ماافره تروح بيدي بلا شتكوليله احجي

ياقوت : اكوله مريم الي تبوك بفلوسك مو اخوك وطول هلمده تجذب عليك جاي يخدعوك وناصبين عليك هيه وأمه
فلتت أيده من شعري وتوجهت علا السريع علا الدرج وحسيت واحد انطاني دفعه من ضهري وكبل وكعت من الدرج ...

يتبع ......

قصه فدشي اله روعه تخبل أكمله الكم وره مااخلص قصه عشك طالبتي
جاووو 🌺