عهود الحبيب (مكتملة)

بدايه

ياربيي ..ايه الفرحه دى ..انا مش مصدقه نفسي ..حبيبي الي اتمنيته من الدنيا دبلته ف ايدى❤!! ازاي ده حصل ..لسه لسه بدرى اوى..ازاي حصل كده ..بس فرحانه اوى وقلبي طاااير ..شكراا يارب بجد انت حققتلى حلم
-عهوود ..عهووود ااااصحي يبنتي هتتأخررى ع الدرس
-ايه!؟ما..ماما!
-اه ماما ..هيكون مين يعني
قومى يبت يلا
-بصيت ل ايدى ..هي ..هي فين ؟"اقصد الدبله"
-فين ايه يبنت المتخلفه ماهى ايدك اهي ..احنا مبناكلش بنى ادمين ..واخلصى قومى
-حا..حاضر يماما جايه صحيت خلاص
"ماما خرجت م الاوضه "
-يعني كان حلم؟!🤦🏻‍♀...بس كان حلم جميل💃🏼ومالو ...ياارب انت عارف بقا🙈💖
اعرفكم بنفسي ..انا "عهود حبيب " بنوته 18سنه ف 3ثانوى علمى ازهر "احمينا يارب"..
انا بحبه من زمان اوى .. والله بحبه ..يمكن من اول ما وعيت ع قصص الحب والمشاعر والكلام الفارغ ده ..مابشوفش غيره ..معشش ف قلبي كده ..هو ..هو "حسن شاب ٢٢سنه بيدرس ف كليه علوم قريبنا من بعيد ويعني نفسي يبقي قريبنا من قريب 😁قريب اوى"... بس انا مقدرش اتكلم ..افرض هو مبيحبنيش هيبقي موقفي ايه؟.. ده انا حتى ماشوفتوش ولا اعرف عنه حاجه من اربع شهور انا كل الي ف ايدى ان اصبر وادعى ربنا انه يبقي من نصيبي
قومت لبست وصليت وخرجت ماشيه ع الدرس
-عهود ..تعالى يبنتى كلى لقمه الاول
-لا يماما مش عايزه هتأخر ..انا ماشيه
عايزه حاجه؟
-عايزه سلامتك ..خدى بالك ع نفسك ..لا اله الا الله
-محمد رسول الله ..سلام
مشيت طول الطريق بفكر ف الحلم الي شوفته يارب يبقي حقيقه ف يوم 💖هبقي اسعد انسانه ف الدنياا ..ياارب
وصلت الدرس وشوفت كوثر
"كوثر دى صحبتى وقريبتى اقرب صحابي ليا بحبها اووى بس هي متعرفش حاجه عن موضوع حسن ..انا مبحكيش لحد حاجه ..انا بخاف ومبثقش ف حد بسهوله ..محدش يعرف حاجه عن موضوع حسن ده غير ..ماما"
كوثر- عهود هانم شررفت ..يا اهلا وسهلا..صباح الروقاان
-ازيك ياكوثر ..صباح الخير
-صباح الخير!!لا كده الموضوع ميطمنش ..مالك تايهه ليه كده متدايقه
-يشيخه بس متدايقه ايه ..في حاجه ممكن تنكد ع الواحد اكتر من انه يبقي ف تالته ثانوى ويصحى بدررى🤦🏻‍♀
-لا الصراحه مفيش ..عندك حق😂
المستر دخل وخلصنا الحصه وتمام
خرجنا مشينا انا وكوثر ودايما بنراجع سوا ونشوف مذاكرتنا مع بعض
-ذاكرتى كيميا امبارح ياكوثر!؟
-يووه ياعهود انا معرفتش اذاكر ولا كلمه امبارح
-نعم ياختى !؟ومذاكرتيش ليه بقا ان شاء الله
-اهدى ياشبح..امبارح خالتى كانت عندنا ونتى عارفه بقا شاي ياكوثر قهوه ياكوثر غدا وفطار محشي وممبار وهيصااا
-بس بس فهمت
-وكمان اميره بنت خالتى جت معاها ونتى عارفه بحب اميره قد ايه بقا وقضيناها كلام وحكاوى
-اه ياختى عارفه ..هي اميره اصلا تتحب ♥"اميره بنت خالة كوثر كلنا صحاب ف بعض بنتكلم كتير سوا ..اميره دى حته قمر وشخصيتها الله اكبر كده حاجه ماشاء الله💖ربنا يحميها ..هي عندها ١٩سنه بتدرس ف كليه اداب "
طب يا انسه كوثر هي خالتك قعدت طول اليوم عندكو؟
-لا ياعهود بصراحه هما مشيو ع المغرب كده
-طااب كويس ..باقي اليوم مذاكرتيش ليه ؟
-ماهو نسيت اقولك ..اخويا نزل امبارح اجازه من الجامعه بقا واليوم كمل
-امممم ..خلاص سماح المرادى ..بس لو ضيعتى يوم تانى مش هيحصلك كويس
-خلاص يبو الصحاب اخر مره
...كملنا كلامنا وحنا ماشيين وفجأه شوفته ..لمحته من بعيد وقلبي دق واتشال واتحط من مكانه وحسيت الدنيا بتطلع فراشات وعينى بقت قلبين كده ..ده حسن ♥عدى من بعيد كده وشوفته للحظه بس حتى كوثر مأخدتش بالها
وصلت للبيت وقعدت اذاكر وكملنا دروسنا الي علينا واليوم بيخلص على كده...
الايام بتمشي عادى مفيش جديد خالص واليوم بيتعاد
كلمت اميره النهارده
-الو ..اميره ازيك
ردت عليا بصوتها الهادى
-ازيك ياعهود وحشانى اوى
-وحشاكى يابكاشه ..انتى ازاي يبت تبقي ف البلد امبارح وماتقوليليش
-والله ياعهود انا نسيت خالص ..وماما مكانتش قيلالي قبلها اصلا انا اتفاجأت انها رايحه لخالتى ونتى عارفه شغل الاخوات ده
-😂😂عارفه ياختى عارفه ..بس احنا لازم نبقي نتقابل
-قريب ياعهود بإذن الله ووعد لو جيت عند بيت خالتو تانى هكلمك
-يسطا ماشي ♥نتقابل ع خير بإذن الله
مع السلامه
-سلام يحبي❤
--
وخلص اليوم منغير جديد
ونمت وصحيت ع صوت رنه الموبايل
-بصوت نايم ..الو
-"زعقت فيا بصوتها العالى "انتى لسه مصحيتيش ..عهووود قومى يغبيه هنتأخر
-فوقت ع صوتها ..اهدددى خلاااص هصحى ياكوثر زفت ..خلاااص هقوم البس
-اخلصي لو اتأخرتى هموتك
-سلااام
..قومت بسرعه صليت ولبست ومشيت ع الدرس
فضلت طول الطريق اتصل ع كوثر عشان نتقابل ونروح سوا كالعاده..بس مبتردش ..لحد ماوصلت الدرس ونا بتصل عليها بس هي مبتردش
وصلت وقعدت ادور عليها ملقتهاش ..قلقت عليها جدا والي زاد قلقي ان اتصلت ..ع مامتها كمان مبتردش...
يتبع ...