عذرا زوجي.....

عذرا زوجي 3

عذرا زوجي...3

احمد؛ ممكن طلب
رشا:حسب استطاعتي
احمد:بما انه طلعنا من نفس المنطقه.. انا مش حقولك ابعتلي صورتك أو نتكلم كميرا..انا بعد ازن حضرتك يا ريت تسمحي نتقابل في اي مكان انتي عايزاه وشيفه انه مناسب ليكي.. انا مش عايز اسببلك مشاكل بس والله انا نفسي اقابل حضرتك..

رشا: بس انا متجوزه.. وعندي أطفال.. وانا مش حقدر اقابل حد معرفوش..

احمد:احنا واعيين ومش صغيرين عشان نعمل العيب.. احنا حنقعد نشرب فنجان قهوه... ونتكلم شويه.. بس كده.. انا بقولك انتي اختاري المكان والوقت اللي انتي عايزاه....

رشا: طيب يا ريت لو نخليها شويه..

احمد:بصراحه انا حموت واشوفك.. انتي ليكي سحر سحرتيني.. انا عمال اتخيل ملامحك.. ووشك و طولك وكلك... انا عايز.. اشوفك وارجوكي ماتردنيش..

رشا: بس انا مش حقدر ابقى وقت طويل... ويكون الصبح قبل الظهر....

احمد:قلتلك  حددي الوقت والمكان اللي انت عايزاه..

... ((اتفقوا علمعاد..... وقفلوا.))

هي نامت وهي بتبص لجوزها.. عيزه تحضنه.. تقوله.. عيزه تترجاه انه ميقبلش انها تطلع برا البيت مهما اتحيلت عليه... عيزه تقوله تمنعني من نفسي.. حررني من الشيطان اللي جوايا..
....
تاني يوم الساعه 7 الصبح..
وزي كل يوم تقوم تفطر جوزها وتمشيه على شغله.. تستأذن منه للخروج
رشا:حسام حبيبي... عايزه اخذ ازنك في حاجه
حسام: يا ساتر يا رب... فيه ايه
رشا : انا عايزه اخرج النهارده مع ميساء اختي.. تشتري كم حاجه وعوزاني اروح  معاها....
حسام: والاولاد حيروحوا فين...
رشا: طبعا ياحسام عند امي... ويعني هما حيروحو ا فين بس..
.....
حسام: ماشي يا حببتي خدي بالك من نفسك... وحرصي الولاد... عوزه فلوس؟
رشا: لا يا قلبي... متشكره...
.......
رشا وصلت ا الباب.  قبل ما يخرج... حضنته حضن جامد..
وكأنه حيسافر ومش حيرجع... بادلها الحضن.. وقالها فيه ايه رشا... انا حمشي الشغل ولا ارجع تاني... ( يغمز لها بعينه)
رشا :انا عايزه اقولك اني بحبك اوي اوي اوي...
حسام: بعدين يا رشا مع الكلام دا مش وقته...
رشا: يعني هو كلمة بحبك عايزه وقت عشان تقولها؟؟

حسام :لااااااا مهو محسوبك ملوش في الكلام.... احنا رجالة يبت ونعجب.... ....
.........
حسام راح الشغل.. وبدأت رشا تجهز الاولاد.. وبعتتهم لعند مامتها.. ورجعت البيت من تاني.. تجهز نفسها. خرجت كل الفساتين اللي عندها قدرتهم كلهم.. عايزه تختار الاشيك والاحلى... شعور غير مكتمل.. عيزه تروحله.. ونصها التاني رافض الفكره خالص...
اختارت فستان اسود  في منتهى الشياكه طويل وبأكمام...رفعت شعرها ذيل الحصان...وسابت خصل نازله علي وشها...
حطت ميك اب خفيف.. ورشت برفان رحته تجنن...
خرجت من البيت.. وأفكار تؤديها وأفكار تجيبها.. خطوه لقدام تمشيها وتشجيعها انه حيتجنن بيها وخطوه ترجعها لورا... تذكرها بحسام والعيال....
رن تلفونها... احمد
احمد:انتي فين انا بانتظارك في نفس المكان اللي حددتيه..
رشا: دقيقه بس واوصل....
......
في مكان هادي ورايق.. مفيش زباين كتير... موجود في لطابق التاني.. طلعت الاسانسير.. قلبها يدق..حاسه وجهها حينفجر..
...
وصلت المكان.. ودخلت.. وقفت تبص هنا وهنا.. رن تلفونها.
احمد: يااااا هو انت دي  اللي لبسه الفستان الأسود...
رشا؛ ايوه.. انت فين مش شيفاك...
احمد : بص في الزاويه نحية الشمال كدا....
رشا بصت لقت واحد بيشورلها بالتلفون.. ابتسامت.. ومشيت بثقل و..
وقف أحمد ومد ايده يسلم عليها.. مدت ايدها بتردد..
صباح الخير... صباح الخير...
احمد: انت اجمل مما كنت بتخيل..
رشا:من زوء حضرتك
احمد:اول شرط للقعده دي.. مفيش حضرتك.. أحمد يا ريت وبس...
رشا:.. حاضر...
احمد:تتكلمي ليه ساكته انا عيز اسمعك.. اصل انا كنت محظر كلام كتير ياما... بس نسيته كله والله...
رشا: اولا انا وفقت اني اقابلك.. عشان الصداقه اللي بينا...
وانا ست متجوزه وبحب جوزي وولادي... ويا ريت ما يصورلك دماغك اي حاجه تانيه...

احمد: لا ابدا.. انا عمري ما حفكرك فيكي تفكير مش في مكانه.. احنا كبار و نعرف نفرق بين الصح والغلط... ويا ستي انا ماطلبتش منك حاجه... انا عاوز ابقى اي شيء بحياتك... بس سيبيني اكون جنبك.. اعرف اخبارك نكون مراية بعض.... انا حبيت تفكيرك.. وطريقتك.. وحبيتك اكتر بعد ما شفتك انتي أنثى بمعنى الكلمه... انا بحسد جوزك عليكي....

رشا بعد ما سمعت آخر جمله... :وانا عندي شرط بقا..
احمد:تفضلي تحت امرك...
رشا: متجبش سيرة جوزي ابدا...
احمد:ما انا بقولك اني بحسده... ماشي يستي...

.......
احمد بيبص على رشا بنظرات ملهاش تفسير... يتمعن بعينيها...
يسرح ببياض ايديها.... يرفع نظره لأكتافها...
احمد:انتي جميله اوي يا رشا.... انتي ليه ما ظهر تيلي قبل كدا...

رشا:كله نصيب.. احنا مقدرلنا انه نلتقي بالوقت دا...

يشربوا القهوة... و تكلموا في مواضيع كتيره..
رشا تبص على الساعه...
رشا :ياااااااا اه انا تأخرت اوي...
احمد يمد ايده ويمسك ايدها....
رشا تبصله بذهول...... ايه ده...؟؟
احمد:ارجوك خليكي كمان شويه.. مش بشبع من شوفتك...
ارجوكي...

رشا: اتأخرت عشان الاولاد.... و كفايه كدا..
احمد لسا ماسك ايدها....
رشا لو سمحت ممكن تسيب ايدي... ميصحش كدا..
احمد: اوعك تحرمني من شوفتك... اوعك تقوليلي نبعد بيوم من الايام.. انا مش حسمحلك تبعدي...

رشا : لو سمحت انا تأخذ ت ولازم امشي.. لو سمحت..
احمد يقوم.. ويحط فلوس على الطاوله.. يخرج وراها...
يدخلو ا الاصنصير....
رشا دقات قلبها  متتعدش... وماتت من الخوف.. أو الخجل.. مش عارفه ايه اللي بيحصل معها...

احمد يقرب منها... يقولها.. انتي جميله.. وجميله اوي.... متسنيش في يوم.. ارجوكي.. وانا اوعدك مش حديقك أو اسببلك اي احراج والله.....

رشا؛ انت ليه تتكلم كدا.. هو انا قلت اني حسيبك؟
اخمد:لا بس انا احط عندك علم بس.. ارجوكي...

.....
فتح باب الاصنصير..... رشا تخرج بسرعه عشان محدش يشوفها
احمد  يلحقها ويقولها لو سمحتي خليني اوصلك..
رشا ارجوك مش عايزه حد يشوفنا..
احمد.. براحتك مش حضغط عليكي.... بس امتى حنتقابل تاني...

رشا: خلاص بقا لا حد يشوفنا نتفق عتلفون...
........
رشا ترجع بيتها.. تلاقي حسام قاعد وبيستناها.. والولاد بالبيت معاه...
حسام يبصلها من فوق لتحت....
حسام:وااااااووو.... ايه دا... يا ست يامحترمه.....

..........
إلى متى يا رغباتي تصرين على اغراقي بوحل الخطايا...
إلى متى يا ضعفي تحبني معك إلى أسفل الاسفلين..
اي اعتذار سأعتذر منك؟؟؟
اي تبرير سأبرر لك؟؟

...... مجد سامر
يتبع بالحلقة القادمه...؛..

.....
.........
جميع تعليقاتكم وانتقاداتكم...... مرحب بيه بكل الحب والود.....
دمتم سالمين.... ..

أختكم. مجد سامر