#جبروت السنين
الكاتبة :Sarah
البارت السابع عشر
يوووسف
الاب : اي يوسف وشبي يوسف
ابوي يحجي واني مصدومة جاوبتة بدون تفكير : لا مموافقه مستحيل
الاب :انتي فكري
حور :فدوا بابا لا يوسف مثل اخوية
الاب :شوفي لج صارلي ساعة محترمج الج يومين تجين وتكليلي موافقة يابه واريدن مرة ترفض لا اكتلج كتله اخليج تتمنين الموت وماتنولينة
حور : يابه الزواج مو غصب ترا
هز ايدة وطلع
طلعت وراه رحت ركض لغرفتي خابرت جسور
كال :الوو
حور : جسور انت وين
جسور :بالدوام
عرفته ميدري شديصير كتله بسرعة :الحكلي عمي خطبني ليوسف
عاط :لج شنو شدتمسلتين
حور :وداعت امي
جسور :صدك جذب والله دنعل ابوج لا يوسف لابو منين مااطلع انه هنا مسموط جد جدي وهذا حاير يخطب
حور :وهسه شحتسوي
جسور :معليج خلي الموضوع علية
سكتت مارديت
تنهد وسمعت صوت الجداحة
كال :حورية
حور همست :اممم
جسور :كتلج خلي الموضوع عليه
ردت اجاوبه بس سمعت اصوات رياجيل يمة هو كبل
كال :بعدين
وسدة بوجهي
كمت للمطبخ شفت نجيحة
كالت :ها كالج ابوج والله يوسف خوش ولد بس انتي ماتستاهلينة هالمكرود ح يتورط بيج
حور :هشش انتي اخر واحد يحجي لتدخلين معليج ولا عبالج راح اوافق
نجيحة :وليش عيني متوافقين
حور :معليج كلت واذا كلش عاجبج زوجي بنتج المصون
عفتها وطلعت تعبت تعبت
بس مطمئنة وواثقة بجسور يحلها وخايفة من ابوي
اوووف كعدت بغرفتي ومطلعت ابد علمود محد يغثني واخاف ابوي يرجع يفتح الموضوع وياي حاولت انام النوم طار من عيوني احس ثكل ع صدري وهم شكبرة بقيت للفجر يلا غفيت كعدت الصبح نزلت جوا ماكو احد كلها طالعة بس سلوى موجودة
حور :وين امج
سلوى:راحت لخالتي ولج صدك ح تاخذين يوسف
حور :انجبي ولتكولين ولج ويوسف كلت مموافقه واعتبرة اخوية
سلوى :هههه ضحكتيني مو هو بكيفج لا عيني امي كالت اليوم يحددون موعد ملجتكم اووف شوكت يجي اليوم البي مشيتي لحبي جسور يمة فديت طولة
متت بدمي صرت نار كتلها :باحلامج
سلوى :شنو عيوني
حور :باحلامج تاخذين جسور وبعدين ماكو مشيه ولا شي والعباس البيت اكلبة عليكم ومااخذ يوسف
رفعت حاجبها وكالت :نشوف
ضحكت وراحت عافتني
كعدت بالكاع اريد اتنفس خنكتني العبرة ربي دخيلك
عدني الامور ع خير ورة ربع ساعة اجتي الحوبة نجيحة ام ثرب والضحكة شااكة حلكها ام حلك واول مدخلت هلهلهت كلللووووويش
وكالت :راح ازوج ابني واخلص من بنت هبه
هزيت ايدي وصعدت فوك نار وشابه بصدري خفت لا ابوي يوافق ويجبرني لان ادري بتأثير نجيحة عليه خابرت شهد رديت عليها وسولفتلها كلشي
كالت :وانتي شراح تسوين
حور : خايفة من ابوي
شهد :ملازم كلبج شكال
حور :اووف ملازم كلبي كال خليها عليه
شهد:اتوكلي ع الله احمم تدرين احس من طلعت من بيتكم طلعت البركة والمصايب كامت تتحاذف عليكم يعني اني جنت البركة مال بيت
حور :استجني يالبركة يشهيدة خلصنة منج اصلا
شهكت شهد وكالت :ولج حور بيبي نجاة شكالت
حور :ماادري
شهد :شعجب ماتدخلت بالموضوع ولو اني ادري اذا مااطلعت هي ورة هالسالفة فلا اطلع شهد
بقينة نسولف وبقت تهدي بيه لا تخافين وانتي قوية مايهزج هالموقف ولتخليهم يجبروج
أنت تقرأ
جبروت السنين
Literatura Kobiecaها أنا في قمة سعادتي وانارة الفرح تنير حياتي لا أحمل اي جراح في قلبي سمائي ملونة بألوان الفرح ولكن فجأة وبدون أي سابق إنذار... تبلدت سمائي بالغيوم السوداء وعكرت صفو لونها وانقطع حبل أنارتي وعم الضلام... نظرت الى طريقي المضلم لأرىٰ بصيص... من الضوء ...
