#جبروت السنين
الكاتبة :Sarah
البارت الثامن عشر
//علـة نيتي وعشــت كل
عمـٌري نادمَ
اثاري هــوايَ وادمٰ موِ آوادمٰ //
(اشلونجن عيني اريدجن اليوم تفجرن البارت بالتفاعل منو تكلي تدللين؟)
حور
نزلت جوا لكيت ابوي وحسسن كاعدين بالهول يم جسور
سلمت - السلام عليكم
جان مدنك رفع راسة من اروح فدوا لوجهة
كال :وعليكم السلام شلونج حور
حور :الحمد لله بخير
حسين :حور فدوة جااي جاي
هزيت راسي بمعنى أي ورحت للمطبخ خدرت جاي
شفتة ونسيت كل همي شوفتة بمثابة بلسم لجروحي
رحت وكفت يم الباب اتسمع شديحجون
كام ابوي كال :يلا انة اعوفكم ع راحتكم
جسور :لا عمي انة اجيت اشوفك
.. لا والله ارد اروحن عندي شغيلة
اني رجعت للمطبخ دخل ابوي لغرفتة بدل وطلع
بدون ميحجي كلمة وياي الله لا يوفقج ياانجيحة ياام ثرب كالبة ابوي علية
دخل ماهر كال :يلا هو جاي مااخلصتي
حور :ايي شبيك كملت
ماهر :دستعجلي
صبيت جاي واخذة وراح اسمع جسور يحجي خب اروح فدوا لحجاياتة همزين ام السوس ماهي علمود متشوفة
ضليت افتر بالمطبخ واغني بصوت ناصي
سحارة سحارة نجيحة السحارة خلت سحر بالجاي نجوح السحارة
حسين ضل كاعد يم جسور مااعافة ابد اخير شي ترخص جسور وطلع واني طلعت من باب المطبخ علمود اشوفة وصار بوجهي باوعلي بنظرة كلها حنان وكأنة ديطمني بيها ويكولي اني وياج لتخافين من الدنيا
حور
بعد ماطلع جسور رحت شلت الجاي ولملمت البيت
اجة حسين كال :انة رايح انام ماريد صوت ولحد يكعدني
حور :حاجيت ابوي ع الموبايل
حسين :لا من يجي احاجي
هزيت راسي بمعنى اي راح حسين صعد بقيت وحدي
الولد الباقين طلعوو اجتي فكرة ابالي كمزت اليوم يومج يحور وين تلكين فرصة هيج البيت فارغ كمت رحت لغرفة نجيحة ام السحورة
فتحت الكنتور بقيت ادور مالكيت شي لكيت موبايلي باوعت مقفول ردت افتحة بس تراجعت وعفتة ماكو وقت لا يجي احد خل ادور بلكي الكة شي سحبت كرسي وصعدت عليه ومديت ايدي فوك الكنتور لكيت علاكة بيها اوراق سحبتهن باوعتلهن
خليتهن بالكاع بيها كافور وبيها اوراق ببض وكاتبين عليها اشياء ممفهومة شكد حاولت افهم مافهمت شي
اخذت الورقة الي بعدها لكيت اسم ابوية ببداية الورقة واسمي يتوسط الورقة البيضة الخالية من الخطوط ويمها كلمات مدري شنو مسامعتهن بحياتي ومداكدر انطقهن من صعوبتهن كمت ارجف واقرة كافور والاوراق والمنظر هزني هز سمعت صوت برا سديت الكنتور ورجعت الكرسي ولفيت العلاكة وطلعت
وخالة ايدي ع كلبي التسارعت دكاتة من الخوف
شفت مازن كاعد سألني :ها حورية شتسوين بغرفة امي
حور بللت شفايفي ورمشت بعيوني جاوبتة بارتباك :اجيت احاجي ابوي علمود موبايلي عبالي موجود
مازن :لا طلع مااموجود
باع هذا ع الاساس اني ماادري طالع يمة بعدني ارجف الله لا يوفقج ياانجيحة رحت ركض لغرفتي غمضت حيل ولزمت راسي بقوة ياربي دخيلك شديصير احس كلبي يريد يطلع من مكانة من الرهبة اجذب اذا اكول مااخفت لا والله خفت هاي عقرب رمل والشفتة ابصم بالعشرة سحر
أنت تقرأ
جبروت السنين
ChickLitها أنا في قمة سعادتي وانارة الفرح تنير حياتي لا أحمل اي جراح في قلبي سمائي ملونة بألوان الفرح ولكن فجأة وبدون أي سابق إنذار... تبلدت سمائي بالغيوم السوداء وعكرت صفو لونها وانقطع حبل أنارتي وعم الضلام... نظرت الى طريقي المضلم لأرىٰ بصيص... من الضوء ...
