لذلك احبك

part7

سيف بص لها بعصبيه: هتقعدي وتتكلمي و10 دقايق واجي اشوف اتفقتوا على ايه فاهمه!

نيرة سكتت وراحت قعدت على الكرسي الي قدامه وهي ساكته وباصه في الأرض وبتحرك رجلها بعصبيه شديدة ومخنوقه وعايزه تعيط..

عُدي: هو مين

نيرة رفعت راسها وبصت له: هو مين؟

عُدي: يوووه انا هلاقيها منك ولا منه.. هو مين

نيرة:اقسم بالله ما ناقصه وجع دماغ هو موضوع مش مهم اساسا وبعد اذنك اخلص حدد الي عايز تحدده وخلاص

عُدي:وانا مش هبدا احدد حاجه لغايه ما اعرف مين وموضوع مش مهم بالنسبه لك مهم بالنسبه ليا هو مين بقى

نيرة: اللهم طولك يا روح مين هو مدرس معايا في المدرسه اسمه سالم عمال يلف ويدور وانا مدياه الوش الخشب خلاص وقبل ما تتصل كان بيستخف دمه بس.. عُدي جز على سنانه:والموضوع مش مهم ها!

نيرة بصت له:انت متنرفز ليه؟

عُدي:ابدا خطببتي بتتعاكس وانا المفروض ابقى ريلاكس خالص

نيرة سكتت في النهاية هو عنده حق

عدي اتنهد جامد :بعيدا عن الموضوع ده.. اظن شهاب قالك ان خطوبتنا الخميس الجاي صح

نيرة:مش موافقه باقي يومين بس

عُدي:بعد اذنك خدي اجازه علشان انا حجزت القاعه والمأذون خلاص ومش هرجع في كلامي

نيرة:ده الي همك انك حجزت القاعه والمأذ... وال ايه يا خويا وقامت من على الكرسي مأذون مين

عُدي :الي هيكتب الكتاب

نيرة: انت اتجننت مستحيل لا مش موافق لا يعني لا

عُدي بنبره حاده:مفيش لا انا اتفقت مع سيف واختك وخلاص الموضوع خلص.. واظن انك وافقتي بنفسك عليا خلاص قدامك يومين وتبقي على ذمتي اما بالنسبه للفرح ممكن نأجله لاخر السنه.. نيرة باصه له وعينها دمعت ودخلت جوا على طول وقفلت باب اوضتها

عُدي نزل راح يكمل شغله بعد ساعتين.. عُدي مضايق انه زعلها ونيرة بتعيط وقافله الباب

عُدي: اوووف فتح الواتس: "نيرة" استنى شويه ورجع بعت لها "نيرة.".. اتصل على الموبايل محدر رد عليه اتصل تاني... لا رد اخر مره واتصل.... نيرة بصوت فيه العياط رد من غير ما تشوف الرقم :سلام عليكم

عُدي: وعليكم السلام.. نيرة شالت الفون وبصت على الرقم وعضت شفايفها :نعم عايز ايه

عُدي:ممكن تبطلي عياط الاول

نيرة:ملكش دعوه

عُدي:لا ليا هتبقى مراتي وانا مش عايز مراتي تبقى معيطة

نيرة بزعيق:ملكش دعوه وانا مش هتجوز بالطريقه دي!

عُدي:طيب خلاص اهدي ممكن تنزلي علشان عايز اتكلم معاكي كلمتين