صغيرتي🔥

المقدمه

#صغيرتي🔥

#المقدمه

بقلم مروان فرج
.
.
.
.
.
.
.السلام عليكم ورحمة الله طبعا روايتي اليوم تختلف علي باقي الروايات يلي كتبهم قصه واقعيه وحنحكيها بكل تفاصيلها قصه بجد مؤثره نبدو في المقدمة 🔥

رح نرجع بيكم لقبل مانولد حتي❤️

___________________
في مدينة طرابلس عايش مصطفى يلي هوا يكون بوي مع بوه وامه شيابين اكبار في العمر لان امه ماخلفتش الا وهيا كبيرة في السن

كان عنده خو وحيد اكبر من اسمه سالم عمي سالم لما كمل دراسته كان مستواه كويس قرر يسافر لي امريكا عشان يكمل الماجستير

وطبعا سافر لامريكا وكمل الماجستير واستقر غادي ماباش يروح بعد مرور 3سنين علي سفر عمي سالم توفي جدي وجداي في حادث سياره💔

بوي اتصل بخوه يلي هوا عمي وخبره وروح عمي حضر العزي وقعد فترة اسبوع ورجع من جديد لي امريكا واستقر غادي و تعرف على عيلة ليبية وتزوج بنتهم❤️

اما بوي مصطفى عاش في حوش العيلة بروحه وحاول يكلم عمي كم مره عشان يرجع ويستقر في طرابلس بس عمي رفض وقاله مش رجع نرجع عشان مرته رفضت انها ترجع💔

بوي انسان طيب ويخاف الله وكان ماشي على مبدأ الحق و كل مايتصل بخوه علي شان يقسموا الورث يلي هيا حوش العيله وقطعة ارض لاكن عمي ايقوله عنده مشاغل مش فاضي نجي🔥🙂

و في نفس الوقت عمي بالرغم من انه كان مستريح ماديا ومش ناقصه شي بس مباش يتنازل لحصته لخوه استقر في أمريكا وتزوج وقعد غادي وجاب صغار وتوا نتعرفو عليهم ف الحلقات الجايه🔥

المهم بوي مباع شي من ورث جدي و بعد سنوات حس بوي بالوحده وكل بحاجه لحد يديرله فطوره يساعد يهدرز معاه وهكي

كلم اخته يلي هيا تكون خالتي انها تخطبه وبالفعل خطبته بنت ماشاء الله بوي فرح هلبااا ووته حوش العيله ع السريع وتزوج بوي بامي امنه❤️

بعد خمس سنوات من زواج امي جيت انا علي الدنيا سموني موده 😊 مواليد99 وبعد سنة جاهم ولد سماه بوي علي اسم جدي صلاح

و قعدت امي كل سنة اتجيب لين وصلنا ل5انا وخوتي الزوز وخواتي

لعند مافي يوم اتصلت مرت عمي وخبرت بوي انا خوه سالم توفي

بوي كانت حالته المادية صعبة ماقدرتش يحضر عزاه
فا عزاء ولد خوه ايمن ومرت خوه بالتلفون

أيمن هدا يكون ولد عمي الكبير مواليد88اكبر مني

المهم بعد ماتوفي عمي قرر بوي انا يقسم الورثه وفعلا باع قطعه الأرض وخلا حوش العيله يلي ساكنين فيه وبعت الفلوس لولد خوه في أمريكا بالرغم من انا كانو مش ناقصهم شي بس بوي مايحبش ياخد رزق مش ليه

مشو ايام وقعدت نكبر وبديت نقرا في المدرسة وبوي كان يخدم ومش منقصي علياا شي بكل🙁🔥

كنت فرحان هلباا بوي كان يطلع يخدم من اول الصبح لليل ويروح تعبان علي الاخير مكانش عنده اي محل او شي كان يطلع يخدم ونا بروحي نعرفش شن يخدم نجيه ف اليل وناخد منه ف الفلوس وخلاص

كنت لما نمشي المدرسة نطلع ف الفلوس ونوري فيهم للبنات وووو نمشي نشري كل يوم من المحل ومكانش عندي صاحبات هلباا لاني كنت منشوفش الا في روحي ومتكبره هلباااا🔥🔥

بعد سنتين بوي توفي بجلطه دماغية

وقعدت انا وامي وخوتي الصغار في حوش بوي الله يرحمه امي كان تخدم وتحصل في فلوس من خوتها عشان تصرف علينا امي عوضتنا علي بوي الله يرحمه 💔

فاتوا ثلاث سنوات وبذيت نكبر وكل مانكبر نزيد غرور أكثر وأكثر وكأني مش شايفه ولا حد وصلت لتالته اعدادي وكان اول يوم ليا ف المدرسه

____________________

انا ياامي وين فطوري تاخرت ع البنات

امي في المطبخ... تعالي اهو واتيه خوديه وردي بالك على روحك💔

انا ههعع مش رح يصير شي خديت شنطتي وطلعت

طالعت من الحوش وشبحت البنات في الجانب الثاني من الطريق شيرتلهم بيدي و جريت بنقص الطريق وفجأة سمعت صوت اعياط البنات وسياره تجري قدامي

في لحظه معاش حسيت باي شي بحداي...... 🔥💔

#يتبع

عطوني رايكم في في المقدمة وشن متوقعين يصير في موده قاعدين مابديناش في احدات الروايه تفاعلو معا المقدمه لانا عندي اهم شي البدايه تعالو نتفقو تمام لو وصلت المقدمه 500‪لايك كل يوم نزلكم حلقه وعد مني🔥

#تحياتي_Marwan