شغفها حبَّاً

شغفها حبَّاً(الجزء الثالث عشر)

أمها طول الوقت ماتصلت اتطمنت عنها اليوم متل كل مرة،وحتى لما رجعت سمعت صوت الباب وماندهتلا..حاسة بشي غريب بكل عيلتها

بيمر كم يوم عهلوضع،كان يوسف لسا بيجي كل يوم،بس هية ضاجت من البيت وصار بدها تطلع
بتتصل ع يوسف
يوسف:ألو..
شغف بنبرة حزينة:يوسف..فيني شوفك
يوسف:أكيد أنا أصلاً كنت جاي لعندك
شغف:لا بدي نطلع لبرا
يوسف:من عيوني أنتي بتأمري جهزي حالك

بتسكر التلفون وبتحاول تلاقي شي تلبسو عحسب ماعلمتها أمها

شغف لنفسا:مارح يعارضو أنو اطلع مع يوسف،طبعاً هنن لو شفتو كل يوم مو سائلين وكأنو يوسف من عيلتي ولا بعرفو من سنين،كلو لأنو وقف معي بفترة الغيبوبة..أو في شي تاني وانا ماعرفتو

بعد شوي بيوصل يوسف وبيرنلا طبعاً عرفت أنو هو من رنة الموبايل المخصصة ألو

بتتلمس طريقها لتوصل علصالة
شغف:ماما أنا طالعة
ندى:تمام..

بتمشي بحزن وبتطلع من الباب بحذر وهية عم تنزل علدرج

بينزل يوسف من سيارتو وبيتوجه لعندا أول مايتذكر أنو ممكن فؤاد مايهتم وماينزلا هو

بيلاقيها عم تتحسس الجدار وتنزل بهدوء
بيقرب لعندا:شغف..كيفك عطيني ايدك

شغف:منيحة..شكراً لوجودك معي

بيبتسم وبينزلا معو،وأول مايأعدها بلسيارة،بيتوجه عمكانو
يوسف:شغف..انتي منيحة؟
شغف:أي..يمكن
يوسف:كيف يعني؟أنا حاسس أنو فيكي شي
شغف:عنجد؟يوسف أنت حاسس فيني؟
يوسف:طبعاً..بحس فيكي بكل ثانية عم عيشا بحياتي،وكأنو روحك هية روحي

شغف:وكأنو عم نصير شخص واحد..بتقدر تشاركني بكلشي يوسف؟
يوسف:كيف يعني
شغف:شاركتني من البداية لحظات صعبة بلغيبوبة،وبعدين قلتلي رح تكون عيوني،وهلأ مستعد تشاركني بروحك..انت صادق بكلامك؟
يوسف:مافيني جاوب،رح خلي الأيام تثبتلك

شغف:هية عم تثبتلي..

بتلتفت عليه،بتمد ايديها باتجاهو وهو بيساعدا بيمسكلا ايدا،بتتحسس ايديه وبترفع ايديها لكتافو،بعدين بتقرب منو اكتر وبتضمو،وهو كمان بيقرب وبيضما

وبعد لحظات

شغف:انت يلي بقيتلي من هلدنيا
يوسف:شو رأيك نروح ع مكان ونحكي
شغف:تمام..مع أنو مارح تفرق معي الاماكن،أنا مو قادرة استمتع بشي وماعم شوف

يوسف:حتى أنا مو شايفتيني؟

بيعم الصمت بينهن،وبعد دقيقة صمت
شغف:يمكن أنت الوحيد يلي عم شوفك..هون جوا قلبي(وبتأشر باصبعها ع قلبها)

بيمسك ايدها وبيطبع بوسة حنونة عليها

يوسف:خلينا نمشي من هون،مو مرتاح بلسيارة

بيوصلو لكافيه بسيط كتير بمكان مرتفع،بينزل لعندها وبينزلها من السيارة

يوسف بيبدا يوصفلا:نحن بمكان عالي شوي،بيطل عجزء من المدينة،يعني فيكي تقولي كلشي شايفو هو عمارات..امشي معي

يوسف بيبدا يوصفلا:نحن بمكان عالي شوي،بيطل عجزء من المدينة،يعني فيكي تقولي كلشي شايفو هو عمارات..امشي معي،رح نأعد هون في طاولات بسيطة وبعد كم طاولة في عربة لتجهيز الطلبات

شغف:أمم..شامة ريحة خبز
يوسف:ههههه جوعانة
بتهز براسها

يوسف:رح اطلبلك شي
شغف:وألك كمان
يوسف:بس أنو مو جوعان
شغف:لكن وانا مابدي
يوسف:هلأ لا تعملي متل الصغار،أعدي هون رح جيب ألي وألك انبسطي
شغف بتبتسملو وبتحاول توجه نظرها عليه،كل الوقت عم تحاول تتصرف بشكل طبيعي

بيوصلها علكرسي
شغف:رح تروح انت؟
يوسف:أي قلتلك المكان بسيط يعني نحن لازم نطلب ونجيب طلبنا،لاتقلقي رح خلي عيني عليكي
شغف بقلق:أوك

بيروح وبلفعل كل مايمشي خطوتين يتطلع عليها هيك لوصل وطلبلن أكل
يوسف:رح يتأخرو؟
الشب:لا ابداً،انتظر خمس دقايق لو سمحت
يوسف:أوك

وقف بمكانو بس نظرو عليها

كانت رافعة راسها لفوق ومستمتعة بلنسمات الناعمة بتشم ريحة ورد ،بتحاول تلمس يلي علطاولة بهدوء،بتلاقي علبة مناديل،بعدين بتمسك شي قزاز،بترفع ايدها شوي لتوصل ع ياسمينات بتسحبهن وبتصير تشمهن

ولسا يوسف عم يتطلع فيها مبتسم

الشب:ياأخي،الطلب جاهز

بياخدهن:شكراً ألك(بيدفعلو وبيتطلع عطرف)تاج الياسمين؟
الشب:أنا بعملهن من هي الياسمينة
بيفرح يوسف:طيب عطيني واحد

بيعطيه حسابو وبيمشي

يوسف:تأخرت عليكي
بتنأز من الصوت،بتحاول ترجع الياسمين بس بتوقع الكاسة يلي كان فيها الياسمين والمي
يوسف:اوف اوف اهدي ماكان ألي خبر رح تخافي
شغف:لا موهيك..
يوسف:طيب اهدي ماصار شي

شغف:ريحتن طيبة كتير
يوسف:هنيك جنب العربة في ياسمينة متمددة عطرف كل يوم بيقطف منها بيزين الطاولات

بيقرب منها وبيحط شي عراسها،بتتلمسو بنعومة بطرف أصابعا
يوسف:تاج ياسمين
بتفرح كتير وهلشي بيظهر ع ملامحا
يوسف:كتير لبقلك يا أميرتي

شغف:رغم بساطة المكان إلا أنو الوصف بيجنن،بكرا إذا قدرت أرجع شوف بعيوني،بدي أجي

بيسكت يوسف
شغف:يوسف..انت هون
يوسف:بتعرفي..كنت عم راقبك من بعيد،وانتي عم تشمي الياسمينات واحترت مين ريحتو ازكى..أنتي ولا الياسمين

وكلعادة بتخجل وخدودها بيحمرو
يوسف:احم..الاكل رح يبرد ههه
شغف:اي صح،شو جبتلنا
يوسف:هون في عصير بارد،وشوية فطاير مشكلة

وأول مايفتح ورقة التغليف بتطلع ريحتن يلي بتخلي شغف تحس بمعدتا عم تتخبط من الجوع
شغف:لك..ماكنت جوعانة شو صرلي وقت جيت لهون

يوسف:شكلو الخجل بيخليكي تجوعي،طول مانك معي خجلانة،معناها هيك رح اخسر كتير ههههه
شغف بضحكة ناعمة:ماازنخك

#سارة_العلي💙 #يتبع #حكاية✒ #قصص @hekaea_tna