شغفها حبَّاً

شغفها حبَّاً(الجزء الرابع عشر)

بيطلع منديل وبيعطيها لتاكل
بتاكلا بهدوء بس شكلا مانتبهت أنو نزعت طرف تمها،بيقرب منديل منها وبيمسحلا بهدوء وهو مفتون بملامح وجها

بترتعش وبتنزل راسها بلأرض،بتاخد المنديل وقت تلامس ايدها ايدو وبتكمل اكل

وبس تخلص بيعطيها كمان وهون بتتذكرو
شغف:يوسف
يوسف:عيونو..
شغف:ليش ماعم تاكل؟صدقني أنا هيك بيكفيني يلا كول
يوسف:ههه اطمني رح آكل

بيمسك لياكل وبعد ثواني
شغف:أنت عم تكذب علي
يوسف:يي لك شو صرلك والله عم اكل

بتمد ايدها لعندو وبتتحسس وجهو أول مالامستو غمض عيونو من نعومة ايدها،بتحط ايدها عخدو وبتحس بحركات تمو وهو عم ياكل،فجأة بتحس شفايفو مبتسمة

بتسحب ايدها فوراً بخجل
يوسف بضحكة مشاكسة:صدقتي هلأ؟
شغف:اي

بعد وقت،بيخلصو اكل
شغف:رح نمشي
يوسف:له له،ليكون مفكرة جايبك تاكلي ونمشي
شغف:هههه لاا مو هيك
يوسف:لكن اعدي وخلينا نحكي..قوليلي انتي ليش كنتي متدايقة حسيت من صوتك أنو تعبانة
شغف:بتعرف يوسف،العاشق مابيحتاج للنظر،ليكك انت سمعتني ودغري حسيت فيني
يوسف:العاشق بيكفيه احساسو..
شغف:بلفعل..أنا بحس بوجودك،من همستك..أو من ريحتك

بيمسكلا ايدها:يلا احكي كلشي بقلبك
شغف:نفسيتي تعبانة،حاسة أهلي ماعادو اهلي،تقول كنت مسافرة عنهن سنين ورجعت،متغيرة تصرفاتن بلبيت،نظام حياتن،وحبهن ألي
يوسف:حبهن ألك؟!
شغف:بابا وماما كانو يحبوني كتير ويخافو عليي،كان اهتمامن مالي علي حياتي،معوضني عن كلشي،بس هلأ كلشي غير وكأنو ماعاد بدهن ياني بحياتن،ولحظات عم حس بدن ابقى معك ماعم يمنعو،يمكن عم ينتظرو....

انتبهت للاحراج يلي رح تحط نفسا فيه وسكتت

يوسف:كملي ليش سكتي
شغف:بصراحة،حسيت أنو حابين نتقرب من بعض لحتى نرتبط،وماابقى حمل عليهن وأنا عميا

يوسف:لاتحكي هيك،أهلك بيحبوكي كتير،انتي ماشفتي حالتهن بغيبوبتك،بس انتو عيلة متفهمة ومتحضرة جداً لهيك مابيرفضو وجودي بلأخص بعد ماتقربت منهن بشكل ملحوظ،عدا هيك ماتدايقي بنوب إذا بلفعل متمنين نتقرب من بعض،هلشي لصالحنا عمري..

شغف:حتى مابيسألو عن علاقتي معك،بابا بيعرفني كتير منيح وبيعرف مالي بهلقصص،وبحياتي ماحبيت

بيتنحنح يوسف
شغف:حكيت شي غلط؟
يوسف:لابنوب كملي
شغف:فيك شي احكي؟
يوسف:بغض النظر عن يلي عشتيه قبل،فينا نقول ماضي وراح،يمكن ابوكي مابيعرف فيه
شغف بينبض قلبها بخوف:ماضي شو؟
يوسف:تمام إذا حابة نتناساه منسكر السيرة
شغف:أحكي يوسف...

يوسف:بقصد ع علاقتك مع قريبك تيم،يلي بعد عنك بأكتر وقت كنتي محتاجتيه،وبتذكر قبل كنتي تحكي لرند عن اشخاص تانيين
شغف:شو؟؟أنت متأكد من هلكلام يوسف

يوسف:عمري..أنا ماخصني بماضيكي،أنا ألي حاضرك والعمر يلي جايي
شغف:مستحيل لك،أنا بحياتي ماحاكيت شب بهلطريقة،وأنا بعترف أنو اصلاً الشباب هنن يلي ماكانو يهتمولي وهلشي ابداً مو مدايقني

يوسف:كلنا مرينا بتجارب،وأنا حكيتلك عن علاقتي مع رند يلي اصلاً بتعرفيها

بتسكت شغف وبتسحب أيدها من يوسف وبتوقف

يوسف:شغف..بعتذر ماكنت بعرف سيرة رند رح تدايقك هلقد،بس أمس لما شفتكن مع بعض،فكرتكن تقربتو من بعض

بتمسك راسها بألم،ويوسف بيقلق عليها بيتوجه لعندا فوراً
يوسف:شغف انتي منيحة

بتهز راسها بلنفي
يوسف:طيب أعدي شوي،خدي شربي مي،سامحيني شغفي ماكنت متوقع تدايقي هلقد

بتشرب مي وبتاخد نفس بانتظام
شغف:يوسف،في شي عم يصير معي
يوسف:شو هو؟
شغف:كلشي بحياتي غلط، ماكانت هيك حياتي
يوسف:مافهمت شرحي اكتر

شغف:قبل الحادثة كانت حياتي جداً طبيعية،وأنا ماكنت فايتة ولا علاقة،بس بدرس وبعيش طبيعي،وحتى عيلتي طبيعية

يوسف:يعني..ليكون الغيبوبة اثرت فيكي وفقدتي جزء من ذاكرتك
شغف:لا مستحيل،متذكرة كلشي،صدقني أنا بنت عادية بحب القراءة وألي عالمي الخاص،هو كلو اختفى بعد الغيبوبة

بتصير ترتجف بشكل بسيط وبينزلو دموعا،بيأعد جنبا وبيضما وهلشي بيخليها تبكي بزيادة
يوسف:ابكي بترتاحي
شغف:أنا تعبانة كتير يوسف،بتمنى لو بلفعل فقدت الذاكرة على أنو اتخبط بهلطريقة،أنو الماضي يلي انتو بتعرفوه غير يلي أنا بعرفو،أنا كنت حابة يلي أنا عايشتو،بس يلي انت عم تحكيه عن شغف ماحلو بنوب

يوسف بيشد غمرتو:شغفي..عمري الحلو انتي،ماتهتمي بلماضي،هو راح،كوني متل مابتحبي وهلأ بلحاضر وبس

شغف:تمام..بدي كون معك وبس

بيبوسا من راسا وبياخد نفس من عبق شعرها بقوة،بعدها بيهمسلا:رح اخطفك لمكان تاني نكون فيه بس انا وانتي،ورح تعيشي بلطريقة يلي بدك ياها

شغف:بدي أرجع جيب رواياتي وانت رح تقرألي ياهن، وأرجع دوّن كل ملاحظاتي عليهن،بخط أيدك..رح جمع النهايات الحلوة يلي بلروايات متل مااعمل قبل،ونعملن أنا وانت سوا..بدي أرجع البنت الطبيعية يلي مابيلتفتلا حدا ولا بتلفت انتباه شب

بيبتسم يوسف بهدوء على عصبيتها الطفولية وبيقلا:هيك أفضل لا يلتفتلك حدا،بس أنا...أنتي ألي وبس

بتبتسم:وبدي نرجع وندرس انكليزي سوا

يوسف بصدمة:شو؟انكليزي؟بلاقيكي غيرتي عن لغتك المفضلة
بتبعد عن حضنو شغف:لااا تقولها يوسف
يوسف:لك يابنت،شو نسيتي انو كان استاذ زياد بيدرسنا فرنسي

شغف بتوقف عرجليها:قوم نمشي يلا ماعاد بدي احكي
يوسف:لك شو صرلك؟

#سارة_العلي💙 #يتبع #حكاية✒ #قصص @hekaea_tna